Песен: 119 Создан:
06.05.2015 Обновлен:
06.05.2015
| 17 Мая | 2024 года |
Навигация
- Къыз келсе, джумуш эте келеди, къатын келсе, ушакъ эте келеди.
- Адамны бетине къарама, адетине къара.
- Ауругъанны сау билмез, ач къарынны токъ билмез.
- Тамырсыз терекге таянма – джыгъылырса.
- Ач да бол, токъ да бол – намысынга бек бол.
- Тил – кесген бычакъ, сёз – атылгъан окъ.
- Агъач халкъгъа алтынды, иссиликге салкъынды.
- Дженгил джетерикме деб, узун джолну къоюб, къысхасын барма.
- Кёб ант этген, кёб ётюрюк айтыр.
- Адеби болмагъан къыз – тузсуз хант.
- Аман киши кеси юйюнде – къонакъ.
- Эл ауузу – элек, анга ийнаннган – халек.
- Ёлген аслан – сау чычхан.
- Тынгылагъан тынгы бузар.
- Къралынгы – душмандан, башынгы от бла суудан сакъла.
- Ашарыкъда сайлагъаннга – чий гырджын.
- Ауузу аманнга «иги», деме.
- Аманны къуугъан, аманлыкъ табар.
- Халкъны юйю – туугъан джери.
- Эрине къаргъыш этген къатын, эрнин къабар.
- Джюз элде джюз ёгюзюм болгъандан эсе, джюз джууугъум болсун.
- Ёгюзню мюйюзлери ауурлукъ этмейдиле.
- Босагъа таш юйге кирмей эди, тыбыр таш эшикге чыкъмай эди.
- Тилчиден кери бол.
- Тиширыусуз юй – отсуз от джагъа.
- Ауругъаннга – кийик саулукъ, джетген къызгъа – чилле джаулукъ.
- Бичгенде ашыкъма, тикгенде ашыкъ.
- Къарт болгъан джерде, берекет болур, сабий болгъан джерде, оюн болур.
- Башы джабылгъан челекге, кир тюшмез.
- Сакъалы текени да бар, мыйыгъы киштикни да бар.
- Ариуну – ауруу кёб.
- Нарт сёз – тилни бети.
- Хаухну атма, ёнгкючню сатма.
- Къоркъакъны кёзю экили кёрюр.
- Къолунгдан къуймакъ ашатсанг да, атаны борчундан къутулмазса.
- Рысхы – сют юсюнде кёмюк кибикди.
- Аджал соруб келмез, келсе, къайтыб кетмез.
- Бетинги сатма, малынгы сат.
- Тенгинг джокъ эсе – изле, бар эсе – сакъла!
- Иесиз малны бёрю ашар.
- Эл ауузу – элия.
- Юй кюйдю да, кюйюз чыкъды, ортасындан тюйюш чыкъды.
- Ана кёлю – балада, бала кёлю – талада.
- Байлыкъ болгъан джерде, тынчлыкъ джокъду.
- Джигер – джаннга къыйынлыкъ.
- Аманнга да, игиге да оноусуз къатышма.
- Ариу сёз – къылычдан джити.
- Халкъны джырын джырласанг, халкъ санга эжиу этер.
- Кюн кёрмеген, кюн кёрсе, кюндюз чыракъ джандырыр.
- Джаз бир кюнню джатсанг, къыш талай кюнню абынырса.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
