Навигация

Elbrusoid.org

Словарь

Иши джокъну, сыйы джокъ.
Этни да ашады, бетни да ашады.
Тилде сюек болмаса да, сюек сындырыр.
Адам къыйынлыгъын кёлтюрюр, зауукълугъун кёлтюрмез.
Иги адамны бир сёзю эки болмаз.
«Ёгюз, джаргъа джууукъ барма, меннге джюк боллукъса», - дегенди эшек.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Шайтан алдады, тюзлюк къаргъады.
Тойгъан джерден туугъан джер игиди.
Ишни ахырын ойламай, аллын башлама.
Сёлеш деб шай берген, тохта деб, сом берген.
Тенги кёбню джау алмаз, акъылы кёбню дау алмаз.
Чабар ат – джетген къыз.
Ачны эсинде – аш.
Этек чакъмакълары баш джаргъан, сёлешген сёзлери таш джаргъан.
Адебни адебсизден юрен.
Танг атмайма десе да, кюн къоярыкъ тюйюлдю.
Келлик заман – къартлыкъ келтирир, кетген заман – джашлыкъ ёлтюрюр.
Харам къарнашдан, халал тенг ашхы.
Кёбге таш атма.
Аджаллыгъа окъсуз шкок атылыр.
Босагъагъа джууукъ орун болса, ашыгъыб тёрге озма.
Джылкъыдан – ат чыгъар, тукъумдан – джаш чыгъар.
Къолу уллу – асыу, аягъы уллу – джарсыу.
Узун джолну барсанг, бюгюн келирсе, къысха джолну барсанг, тамбла келирсе.
Чабакъгъа акъыл, табагъа тюшсе келеди.
Джахил болса анасы, не билликди баласы?
Насыблыны баласы кюн кюнден да баш болур, насыбсызны баласы, кюн кюнден да джаш болур.
Экеулен сёлеше тура эселе, орталарына барыб кирме.
Сабыр джетер муратха, сабырсыз къалыр уятха.
Сютню башын джалагъан къутулур, тюбюн ичген тутулур.
Намысы джокъну – дуниясы джокъ.
Джумушакъ терекни къурт ашар.
Рысхы – насыбха къор.
Ётюрюкню башын керти кесер.
Чомарт къонакъ юй иесин сыйлар.
Джаз бир кюнню джатсанг, къыш талай кюнню абынырса.
Къатыны харакетли болса, эри къымсыз болур.
Къарнынг тойгъунчу аша да, белинг талгъынчы ишле.
Хантына кёре тузу, юйюне кёре къызы.
Нёгерсизни джолу узун.
Къууут – джелге, берне – бошха.
Ёнгкюч къууана барыр, джылай келир.
Къонагъынгы артмагъын алма да, алгъышын ал.
Джаралыны джастыгъында сау ёлюр.
Къыз келсе, джумуш эте келеди, къатын келсе, ушакъ эте келеди.
Тёрдеги кюлсе, эшикдеги ышарыр.
Термилгенинги табмазса, кюлгенинге тюберсе.
Кёкдеги болмаса, джердегин кёрмейди.
Адам боллукъ, атламындан белгили болур.