Расширенный поиск
21 Сентября  2018 года
Логин: Регистрация
Пароль: Забыли пароль?
  • Ёгюзню мюйюзюнден тутадыла, адамны сёзюнден тутадыла.
  • Къайгъы тюбю – тенгиз.
  • Джырчы ёлсе, джыры къалыр.
  • Къыз келсе, джумуш эте келеди, къатын келсе, ушакъ эте келеди.
  • Халкъны юйю – туугъан джери.
  • Гугурук къычырмаса да, тангны атары къалмаз.
  • Аманнга да, игиге да оноусуз къатышма.
  • Байны къызы баймакъ болса да, юйде къалмаз!
  • Ашхы болсанг, атынг чыгъар, аман болсанг, джанынг чыгъар.
  • Насыб бютеу халкъны юлюшюдю.
  • Берекет берсин деген джерде, берекет болур.
  • Къазанда болса, чолпугъа чыгъар.
  • Джылар джаш, атасыны сакъалы бла ойнар.
  • Бал – татлы, балдан да бала – татлы.
  • Тойгъа алгъа да барма, тойда артха да къалма.
  • Адамны аты башхача, акъылы да башхады.
  • Эртде тургъан джылкъычыны эркек аты тай табар.
  • Эркишиге тары кебек танг кёрюнюр.
  • Тау башында, тау болмаз, джангыз терек, бау болмаз.
  • Тёрени джагъы джокъ.
  • Айтханы чапыракъдан ётмеген.
  • Ётюрюкден тюбю джокъ, кёлтюрюрге джиби джокъ.
  • Башда акъыл болмаса, эки аякъгъа кюч джетер.
  • Таукелге нюр джауар.
  • Кёл ашады да, кеси ашады.
  • Акъыл неден да кючлюдю.
  • Адамгъа аман кюн соруб келмейди.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Бети бедерден, намыс сакълама.
  • Тин – байлыгъынг, терен саулугъунг.
  • Накъырданы арты керти болур.
  • Къарын къуру болса, джюрек уру болур.
  • Рысхысына кёре, джаш ёсер, къышлыгъына кёре, мал ёсер.
  • Суугъа – таянма, джаугъа – ийнанма.
  • Къайгъыны сюйген, къайгъы табар.
  • Эки элинги тыйсанг, джети элде махталырса.
  • Кенгеш болса, уруш болмаз.
  • Сыфатында болмагъаны, суратында болмаз.
  • Билим ат болуб да чабар, къуш болуб да учар.
  • Башсыз урчукъ тюзюне айланмаз.
  • Киштикге къанат битсе, чыпчыкъ къалмаз эди.
  • Урама да – ёледи, сатама да – келеди.
  • Къалгъан ишге къар джауар.
  • Намысы болмагъанны, сыйы болмаз.
  • Джумушакъ сёз къаты таякъны сындырыр.
  • Къарнынг къанлынга кийирир.
  • Таугъа чыгъаллыкъ эсенг, тюзде къалма.
  • Бет бетге къараса, бет да джерге къарар.
  • Кийимни бичсенг, кенг бич, тар этген къыйын тюлдю.
  • Ач да бол, токъ да бол – намысынга бек бол.
Страницы: 1
Къарачайдан Малкъаргъа Джол: бек керекли эмда сууаблы иш, Къолларындан келлик адамларыбыз эс бёлсюнле!
 
Чотчаланы Батдал хаджи Джангы Къарачай элден:

Былайда дагъыда джолланы юсюнден да бир-эки сёз айтыргъа излей эдим.

Малкъар таба Басханнга джол алгъын заманлада Минги Тауну джаны бла Садырла сыртны къаты бла ётгенди.

Ол джолну къыйын джери Хыдаланы (Чотчаланы) къошладан ёргерек бир 300 метрни барыб, алайдады. Джол суучукъну юсю бла ётеди. Уллуракъ джангурла джаугъанлай, джуууб, ташын ачыб, улоу ётмезча болуб къалады. Алайы бир джарашдырылса, къалгъан джери табды, таш-агъач джокъду.

Къолларындан келлик джашларыбыз, эс бёлюб, ата-бабаларыбызны бизге къойгъан затларын сакълаб, къыйынларын эсге алсала, аламат иш боллукъ эди - мен аладан тилеген олду.
 
Къалай аламат боллукъ эди, алай этилсе!!!!! Ин ша Аллах, табылырла аллай адамла...
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
Sabr, Ол къуру онглу жашларыбызданмы къалады ? Алай болса, игитда, эм биринчи аны бла кюреширик болур эдиле _)) бизни бирден къалай айырыргъа билмей турадыла, ол къысха жолгъа кюч салыргъа къоярламы? Бек иги онгду ол миллетге эм къаты биригирге, алай бу ишни тынч тындыртырла деб, ышаналмайма )) Аллах умутубузну берир ,Аллах айтса !
"Къадарны этегинде...","Сени ючюн"...(с)
 
Бек керекли иш боллукъ эди ол бизни миллетибизге, алай хоншула хахай кётюрюп тебирерле тейри биз аны этебиз десек, Аланла бизни бла къазауат этерге, аскерлери терк ары бери ётерче жол ишлейдиле дерле ийнан)))))))
 
Заман келир - бюгюн болмаса, тамбла. Алай а, хоншула чекде джерлени къабарты районнга бериб. Малкъар бла бизни арабызны кесиб кюрешедиле. Джылы Суу анга шагъатды. Хар нени билиб турургъа керекди, билген бла къалмай, халкъыбызны, джерибизни бёлюб кюрешгенлеге Эл башчыла да, джамагъат организацияла да, тарихчиле да къаршчы кюреширге керекдиле.
Страницы: 1
Читают тему (гостей: 1)

Форум  Мобильный | Стационарный