"Дж" бла "ж" харифлени юсюнден бир оноугъа келалмай эсек, турсунла ала тургъанларыча, алагъа да бир оноу болур.
Къалгъан айрылыкъланы тюзетейик. Алада уа бир проблем джокъду - "п" деб джазмай, "б" бла джазылса. бирча боллукъду. "китаП" тюл - китаБ, "кёП" тюл, "кёБ"...
Ма быллай ууакъ-тюек айрылыкъланы къурутсакъ, ол джангыз харифге да джетер кёзюу.
Джюз кере айтылгъанды - бизни (къарачай бла Малкъарны) орфографиябызны бирча этерге къоймагъан джангыз - "дж" бла, "ж".
Алай эсе, къалгъанны бир джорукъ бла джазарча нек этмейбиз?
Адабият тилибиз бар эсе , бир орфография да болургъа керекди. Айтханымча, "дж-ж" проблеманы артха къояйыкъ - къалгъанны бирча этейик.
Москвада къач ала боллукъ Конференцияда къарачай-малкъар джазма тилни джорукъларын (орфографиясын) бир этиуге къараллыкъмыды экен?
Бу иш да тындырылыб къалса, бек иги боллукъ эди, созулуб бармай.