31 августда, билгенигизча, Эльбрус элде "Нарт журту" деб джыйылыу ётдю. Аны ётдюрген, Эльбрус элни администрациясы бла аны башчысы, Къурданланы Узеир болду. Джыйылыуну юсюнден хоншу темада билген адамла хапарлайдыла, суратланыда келтиредиле. Блайда уа тюркден келген къарындашларыбызны юсюнден хапарларгъа излейме. Мен башлайым, билген адам хапарны андан арысын бардырса да ыразыма.

Ол джыйылыугъа деб, Узеир, тюркден диаспораны да чакъыргъанды. Хоншу элледен бла районладан кеб адам къошулургъа заман табмагъанлыкъгъа, тюркден къонакъгъа 15 адам заман, амал табыб келди. Атларын джарсыугъа мен барында эсимде туталмадым, алай хар бирини юсюнден атларындан сора да, бирер сагъат айтырча, бек айтылыкъ, маджал джашла келдиле.

Джыйылыу 31 августда болду. Андан сора Узеир къонакъланы Эльбрусда орналтыб, мен билиб, малкъар эллеге, ауузлагъа экскурсия этдирди бу кюнледе. Тамбла ала битдеу делегациялары бла бирге Къарачай джанына ётюб, алайда 2 кюн туруб, алайда джерлени, миллетни керюб, сора 7нда ызларына, Тюркге къайтырыкъдыла.

Тюненеда ингирде, ала Эльбрусоидни Нальчикдеги филиалгъа къайтдыла, ала бла тюбещиу болду. Адам да кеб келмеди, иш кюн болгъаны ючюн, алай бек хайырлы, бек джылы тюбешиу етдю. Кеб арюу, артыкъсызда керекли сез айтылды. Къонакъланы джанындан биринчиден тукъумларын, атларын билдириб, сора сез алыб, оюмларын, джарсыуларын, ыразылыкъларын айтдыла. Малкъар джанындан да Джуртубайланы Махти, Табакъсоланы Мухтар, Додуланы Аскер, Бачиланы Хамзат кеслерини оюмларын, джарсыуларын билдирдиле. Андан сора, джыйылыб, Марат барында кафеге элтди, алайда хапар айтыб, ашаб, тебсеб, джыр джырлаб, алай ашырдыкъ Эльбрусгъа къонакъланы.

Видеогъа алыргъа амал болмады, алай делегацияларындан, Батчаланы маджал джашы, Хидает Бахче телефонгъа алгъанын кердюм, бери да салыр видеону деб ышанама. Менден толу хапар къызлада джазарла, суратланы да салырла, къонакъладанда бир сез эшитирбиз Аллах айтса. Мена айтыууму ахырында, тюркден келген къарындашларыбызны джыр джырлагъанларын бери салайым.

Эмда, келген джашлагъа кеб сау бол деб айтама, быллай кюнлерибиз кебден кеб болуб, бир бирибизни таныб, билиб, барыбызда бирликде турургъа Аллах бизге буюрсун.


Энди уа, джыр...))) кечирек, салалсам, тебсегенибизнида салырма...

кертида аламат иш болгъанды аллай халкъ усталаны жыйылыуу этиб,сау болсунла аны къурагъанла Аллах разы болсун алагъа. тюркден келген къарнашларыбызда сау болсунла.

KALAYSA Pictures- ючюсюн Малкъондуладан болгъанын билеме)))) эмда бирин 16 жыл таныйма))

Къонакъланы видеогъа алыб, барыбыз да кёрюрча, тынгыларча болмагъаны аманды. Къонакъланы бары бла да - атларын, тукъумларын, эллерин да айтыб, бир танышдырсагъыз бизни бла да - иги боллукъ эди.
Къонакълагъа, къонакъбайлагъа да Аллах онг берсин.

Bizge da kellik bolurla konakla?!!!

Айшуля,
Da sizde ne bardi, ala sizge barircha?)) malkardan sora karachayda erigirikdile...( )))

Салам. Тюбешиуню юсюнден мен да бир-эки сёз джазайым)) Бек аламат ётгенеди. Эм биринчи кууангъаным - бек эртдеден бери (он джылдан артыкъ) таныгъан адамымы - Батчаланы Хыдайетни кёрдюм.
Экинчи къууангъаным - джашланы ана тиллерин сакълагъанларына, эски джырлары унутмагъанларына, джуукъ кёллюклерине. Али, Ёмюрден, Эмре, Ясин, Къаирбек, Мехмет, Махмуд тебсегенигиз, джырлагъныгъыз бизни барыбызны да къууандыргъан эди.
Анда олтургъанланы барысын кёлюбюзню иги этди Элбрусоидни багъалатыб айтхан сёзлери Батчаланы маджал джашны Хидает Бахчени:
"Багъалы джамагъат, бюгюн къууанч кюнюбюздю. Къарачайгъа, Малъаргъа Тюркден диаспора болуб джыйымдыкъ къауум болуб келгенбиз былайгъа. Бурун Къарачайны, Малкъарны, Алан халкъны къорулагъан къалалары болгъанды таулада. Таула не бек ышангылы болсала да, таулада къала этгендиле бизни аталарыбыз, нек десенг, анга Тимурну аскери да джетмесин деб. Бу кюн Къарачай-Малкъар халкны къаласы шахарлада «Эльбрусоид». Аны иги билигиз. Биз билгенбиз. Аны алгъышын да этерге керекди. Башха сёзге ётеригим, Алийни юсюнден айтыргъа излейме. Тотуркъулланы Алий, Аллах анга узакъ ёмюр берсин, акъыллы адамды, мен анга махтау берге, сый берге кючюм джетерик тюлдю, алай а, кесими тыйялмагъандан айтама, кечерсиз. Алий бу кюн Къарачайны Малкъарны парламентысын къураб, миллетин сюйген адамды. «Эльбрусоидни», «Барс Элни» да аны ючюн къурагъанды..»
Ахырында айтыргъа излегеним - Сау болсунла узакъ Тюркню бизге джуукъ этгенле, къонакъланы чакъыргъанла, къонакъбайлыкъ этгенле. Джашланы ичинде кёблери биринчи келген эдиле Кавказгъа. Ата Джуртха энди джол билиб келе турурла деб ышанама...

KALAYSA Pictures, alaychigin anglab koydum)))) sizde igi ashi arib? bizde aylanirga kariulari djetmey kalgandi)))

..

...

прикреплённые файлы вообще не открываются причем никогда

Тюркден келген къарнашларыбыз тюнене Къарачайгъа да келдиле къонакъгъа! заманлары аз болгъанлыкъгъа (бюгюн юйлерине учарыкъдыла) республиканы ариу джерлеринде болдула, табийгъатны, таза хауаны джаратдыла

Алай бла, Турциадан келген диаспора, Къарачайда къарнашлары бла биргелей "Мара" атлы туристско-рекреационный комплексге чыкъдыла.





Гум-Башында ачылгъан музейге бардыла



Ингирде уа Къарачайда джууукъларына тюбеб, ала бла бир тукъумну джюрютген джашла-къызла бла танышыб, бет джарыкълы болдула







Сейирлик болуб Хумарада табылгъан хуналагъа къарадыла

Birgelerini barib, djer suuu kerub, kerguzstub) Karachauni ariu djerlerine karab, birge suratha tushub, tishlik ashab, hichin, ayran, shorpa, sohta, djerme... asharikbiz deb tursam) bizge ua djuk aytmay, birgelerine almay, taulaga kachib ketgenle djashlaribiz konaklani da alib))))
da ne eterikbiz, muruldadik bir kesek) suratlaga karadik da toyduk da kaldik))))

Къонакълагъа Къарачайны кёргюземе десенг Гум-башына,Марагъа тюшер джерде смотровая площадкъагъа,сора ызына къайытыб Бийчесын бла Худесге
тюшюб Хурла-кёлге чыгъыб ,алайданда къайыта Хасаукагъа, алайдан а Къарт-Джуртгъа,Учкуланнга ,Хурзукка элтсенг Ата Джуртну кёрдюк дерге боллукъдула,ансы Доммайгъа элтгенден не барды.

Мусса, бу джол Домбайгъа бармагъанла( ол сиз айтхан джерлени бир-экисине барыб, къалгъанлагъа заманлары джетмей къалгъанды деб мен алай англагъанма

Айшуля, мен Доммайгъа бармансынла деб джазгъанымлыгъым тюлдю.Бек ариу джерди Къарачайда эм белгилиди,алая Турцияда таула бек кёбдюле(къуру Араратны айтсамда боллукъду).Тюркден келгенле Къарачайны , Малкъарны къарт -къарт аталары-аналары кюсеген джерлени кёрселе дегенлигимди.