41

Къууатланы Метиннге
Тин къарнашыма

Намарт Ёмюр, бир кесекден, тюзелир да.
Джылагъанны, ол, кюлюрге юретир.
Ачдан ёлген, джаз алалай, тюкленир да.
Джегиучюге къышхыр бюртюк кюсетир.

Юрсюр Ёмюр, бир кесекден, тюзелир да.
Юйсюзлеге, нюр джарыгъын, кёб тёгер.
Ачха сокъгъан, ачхасызгъа джегилир да,
Ай, алайды, кеси кирин, ол, чёплер.

Эрек Ёмюр, бир кесекден, тюзелир да.
Къуртбашлагъа ийнам джолун кёргюзюр.
Джекирилген, джекиргеннге, джекирир да,
Эки кёзге, тюз дунияны, кёргюзюр.

Джалгъан Ёмюр, бир кесекден, тюзелир да.
Арыгъанны, джоргъа атха, миндирир.
Таулу халкъ да, ташы кибик, кёбейир да.
Хар бир джауун, кеси тюбге, сийдирир.

Дамсыз Ёмюр, бир кесекден, тюзелир да.
Ана тилим, энтда, халкъгъа, баш болур.
Заман бизни, Тейри кюннге, тюбетир да.
Азгъын халкъым, адам кибик, бир солур.

1996
Къарчастан

42

Шо, Аллах, бери, бир къара.
Тюзге, бир бурсанг а, чотну.
Халкъгъача, манга да джара,
Берсенг а гырджын бла отну.

Джыл атласа да къыркъдан.
Юй деб, джашар юйюм джокъ.
Ой немди файда джырымдан.
Джырчы да болса эди токъ.

Джукъ танысам джыртыудан.
Хар кимча, болур эдим бай.
Безгенме, ийнан, джаяудан,
Къансытма, мундан ары, ай.

Джайда да бузлайды джаным,
Саным, терлесе да, кюнлей.
Неденди, былай, къадарым.
Къычыртма кёкге бёрюлей.

Бошламачы, чырт, кесиме.
Эздирме, былай, заманнга.
Сен, иймей, бошха, терсине.
Оноу, бир этсенг а, манга.

Халкъгъача, манга да джара.
Берсенг а, гырджын бла отну.
Шо, Аллах, бери, бир къара.
Тюзге, бир бурсанг а, чотну.

13.02.96.
Къарчастан.

43

Тюш арада, ауанала,
Джанны къыйнар, тюрлю хапар айтсала.
Тюнледе уа, бир калкайла,
Джашауума, заран къарам, атсала.

Кече болса мен кюн джарыкъ кюсейме.
Кюндюзде уа, адам ичден юркеме.

Себеб, джокъду, бир кишиден.
Эсде сагъыш, джанда, тубан къайгъыдан.
Чыкъгъан сёз да, буду тилден.
Ёлтюр Джашау, не да, туудур джангыдан.

Ёлеме да, тынч къоярмы, анда, сагъыш.
Джашайма да, эки дуниям алай къатыш.

Ал джаныма, къарайма да,
Эс ётмезлик, учсуз – чексиз, бир чунгур.
Къайтыудан да, о не файда.
Анда хал да, къутургъанны къутуртур.

Мен, Джашау бла, ой кёб тюрлю талашдым
Бош къарышдым, ой, мен кесим, таландым.

Тюш арангда, ауанала,
Джанны къыйнар, тюрлю хапар, айтсала.
Тюнледе уа, бир калкайла,
Джашауунга, заран къарам, атсала.

Къайры кетгин, къалай къачхын, кесингден.
Къалай къыргъын, оу сагъышны, эсингден.

11.06.96.

Океан бла Берекет - эгечден туугъанла, нек кёрюнмей къалдыла...


Тансыкъ Саламымы бир алсала керек эди

44

Кёзюмден тураса джашыртын.
Мен да, ташадама, ай, санга.
Кёбдю да, сеннге да, айтырым,
Дау уллуду, бюгюн, заманнга.

Ол, меннге, бералмайды сени,
Мени да, этгенди, сенден кенг.
Сагъышны, чексиз болуб, эни,
Ахыры,болгъанма джер бла тенг.

Джер заман барса да акъыртын,
Ахыргъа къалгъанды бир атлам.
Алайда да, не да, джашыртын,
Шау шаугъа бералмайды салам.

Джашлыкъда эрши да бир ариу.
Танг юсча, джарыкъды ингирги.
Сюймеклик, береди да, къарыу.
Джыр сёзге, бураса, тилинги.

Кесекден къарыу да тюрленир.
Кёз кёрген болмаз былай сыйлы.
Джан сезим кесингча кюзленир,
Ёлюмню джетер да къыйыры.

Алайгъа болсакъ а биз къонакъ.
Ой, табмаз, киши да бир - бирин.
Былайдача, тюлдю, чот, омакъ.
Ийесин къой, ит, табмаз итни.

Ахырда, къалмаз ючюн, худжу,
Бюгюннге, ийсенг эди, къулакъ.
Къарт тангла, атар ючюн, хурлу.
Къайт бери,болсун ара чууакъ.

Баш булгъай, ышарма, бошуна.
Къаллайды, кёргюзчю ахырны.
Не къора, не къончу къолума.
Не джырла, о не да, юз къылны.

Бошалдым, бошалтма кесинги.
Таукелни джанады джолу нюр.
Джокълугъум, барым да, сенники.
Бер джашау, о не да, терк ёлтюр.

26.06.97.

45

Былай ары, джут кёзле бла, бош къарама.
Тауладан да, хайыр джокъду, къараудан.
Сагъышланы, бир – бирине, кёб къалама.
Къуру, менме, сеннге джёнгер, сауладан.

Дангыл тюзден, киши келмез, сени сора.
Ётюрюкдю, излей келлик тауладан.
Башха джары, сен этмечи, хайыр джора.
Къуру менме, сеннге джёнгер, сауладан.

Кёзлерингде, акъыл ышан, кёб болса да.
Аллахданма, нек къачаса саугъангдан.
Эсли джаным, джырла эте, тотланса да.
Къуру, менме, сеннге джёнгер, сауладан.

Амандан да, игиден да, бирди, сёзюм.
Излей эсенг, татыу алгъа джашаудан.
Былай бери, мени таба, керти бёлюн.
Къуру, менме, сеннге, джёнгер, сауладан.

Къууанч эте, джаша дейме, сен хаман да.
Ышар дейме, кери болуб къаугъадан.
Эштемисе, сен кёк ауаз, джанынг барда.
Къуру, менме, сеннге джёнгер, сауладан.

14.07.97.

46

Мен тюшде эштеме алгъынлай.
Тау таугъа айтады шыбырдаб.
Бюгюнча, барса уа, Къарачай.
Джарлыны сакълайды минг азаб.

Джарлыны сакълайды минг азаб.
Джаш тёлю чыгъалмайды алгъа.
Бюгюлюб, барады чыкъырдаб.
Эменден, тартады, бу, талгъа.

Эменден, тартады, бу, талгъа.
Юзюгю болса да бёрюден.
Тирелибди, бюгюн, бу джаргъа.
Ой, алгъын шашса да кючлюден.

Ой, алгъын шашса да кючлюден.
Бюгюню кюлкюдю Джашаугъа.
Думп болду ёхтем тин кёлюнден.
Энди къуш джесирди тауукъгъа.

Энди къуш джесирди тауукъгъа.
Оноуун, этеди, хар муртат.
Джау болду, таулу да, таулугъа.
Бир болду сылыкъ эшек бла ат.

Бир болду сылыкъ эшек бла ат.
Башханы, киргенди да, дини.
Бизники къайдады, сен бир айт.
Къарчалы сатханды Тейрини.

Къарчалы сатханды Тейрини.
Кяфыргъа тутханды бу согъум.
Энди, халкъ, сыйлайды телини.
Ашхыны, къагъады да, тонун.

Ашхыны, къагъады да, тонун,
Баштюбге болгъанды хар бир зат.
Халкъ, эсден, кетермесе тотун,
Тамбла джокъ, алда уа минг азаб.

Дагъы да, эштеме, алгъынлай.
Минги тау айтады таулагъа.
Меникиди, энтда, Къарачай.
Ма, менденди, не да, таулугъа.

Ма, менденди, не да, таулугъа.
Болумну кёреме мен ачыкъ.
Чот джетсе уа туура къаугъагъа,
Семизни, этерме, мен, арыкъ.


Семизни, этерме, мен, арыкъ.
Ышыкъгъа къысарма игисин.
Игиге, себерме да, джарыкъ,
Кирлини джууарма мен кирин.

Кирлини, джууарма мен кирин.
Залимге къошарма энтда джан.
Сыйлыны, сыйларма, этгенин.
Къоркъууун алырма къанаудан.

Къоркъууун алырма къанаудан.
Хар нении, салырма, орнуна.
Кесекден да, сора, Къарачай,
Оноуун, аллыкъды, къолуна.

Оноуун, аллыкъды, къолуна.
Алгъынлай, табарча ол тёрюн.
Хар несин, джыяр ол къойнуна.
Кесимлей, этерме да, кёлюн.

Кесимлей, этерме да, кёлюн.
Джанымдан берирме анъа джан.
Бир душман, урмазча, ёшюнюн.
Деу болур, алгъынча, Къарчастан.

14.07.97.
Къарчастан.
Орта Къарачай.

47

Муратыма мен джакъсам а шибижиден.
Джетер джерден, озуб кетер узакъгъа.
Замансызлай, алыб кетер миллетимден.
Бек насыб да, ушаб къалад, тузакъгъа.

Джырларыма мен джакъсам а шибижиден.
Сюйгенлени, душманланы кюлдюрюр.
Уча кетиб, джыгъылсала бир мийикден.
Ёлюб кетген, ол, мени да, кюйдюрюр.

Джашауума мен джакъсам а шибижиден.
Артда боллукъ, дженгил джетер кюушене.
Ой бюгюнча, ауаз чыкъмаз, ма тилимден.
Тёрт санымы, бир терк джутар кешене.

Сора, энди, джашайымчы, ашыкъмайын.
Ашыкъгъанлыкъ, ой бермейди, эсге кюч.
Муратыма, мен джорукъ бла талпынайым.
Джашау бирди, алмагъанма мен ёлкюч.

15.07.1997.

48

Мен, кимме деб, сорама да эртденнгиге.
Сагъынама кетген кюнню, келгенни.
Керти сез а, шууулдайды джюрегимде.
Нартладанса, джашым, дейди, эртденги.

Мен, кимме деб, сорама да кюндюзгюге.
Эс къармайды, бармагъымы - тюгюмю.
Мен излеген, зынгырдайды джюрегимде.
Нартладанса, джашым, дейди, кюндюзгю.

Мен, кимме деб, сорама да хар ингирде.
Джан, къозгъайды, хар терсими, игими.
Керти джууаб, кёз туурада, кёзлеримде.
Нартладанса, джашым, дейди, ингирги.

Мен, кимме деб, сорама да мен кечеде.
Бир бек битиб, сагъыш кёзле, кёклеге.
Зауукъдама, бир бек табды, хал да менде.
Нартладанса, джашым, дейди, хар кече.

Эштгеними, кимге айтхын, ким ангылар.
Сансыз болсам, кёлюм къалыр кесимден.
Не уа, артда, мен айтханны кимим сынар.
Мен эштгенни, къалай эштир, Тейриден.

21.07.1997дж.
Къарчастан.
Джёгетей.

49
Гитарама

Букъугъа, батханса, бир терен.
Не медет, къалгъанса сансызлай.
Ой, алгъын, тири эдинг, менден.
Тохтаусуз, тура эдинг, джырлай.

Ой, алгъын, тири эдинг, менден.
Джырынгы излей эди хар къыз.
Сен, джерге, келгенча ёргеден.
Дун - дуния теджей эди алгъыш.

Сен, джерге, келгенча ёргеден.
Къайгъысын чача эдинг джанны.
Ол кюнде, онглу эдим, кёбден.
Бюгюнден, кюшлю эди, ангы.

Ол кюнде, онглу эдим, кёбден.
Къууанчны кёрюнмейин учу.
Алыргъа, бир ёч эдик тенгден.
Аламдан, ауаз бла, эм къутну.

Алыргъа, бир ёч эдик, тенгден.
Заманны нюрюн эм къудретин.
Энди, не, къарайса мюйюшден.
Бир мыдах, букъу болуб бетинг.

Энди, не, къарайса мюйюшден.
Тюз сенлейди бюгюнде халым.
Къарамны басханды да кюрен.
Акъ сагъыш этелмайды ангым.

Ой, алгъын, джити эдинг менден.
Тохтаусуз, тура эдинг джырлай.
Букъугъа, батханса, бир терен.
Не медет, къалгъанса сансызлай.

22.07.1997дж.

50
Къарабашланы Тахирге
Тин къарнашыма

Ёмюрлюкню, келген эсек, теренинден.
Заман, бизни, этген эсе шатлыджан.
Дыртдымайла не излейле сора бизден.
Эринлени, чайнайдыла, зарлыкъдан.

Нартладан да, биз келебиз баш кётюре.
Тау джуртлада, эм джигитни, бирибиз.
Къууанчха да, бушуугъа да кёб кёмюле.
Джашауда да, ёлюмде да, тирибиз.

Къаргъышланы биз ётгенбиз ичлери бла.
Алгъышда да, биз джюзгенбиз кемелей.
Шыбыланы, ёрлегенбиз, тиклери бла.
Тарихледе ыз къойгъанбыз, биз, эрлей.

Манкъушла уа сюймейдиле бизни, энтда.
Излейдиле къычырыргъа огъартын.
Зар къауумну, эси бирди, эртдеден да.
Башха бирни, ол сюймейди онгарын.

Кёб затлагъа, сукъланмайбыз къауумлача.
Намыс кючю, уллуду да, рысхыдан.
Ой, алада, дуния къарам, тауукъдача.
Ой, алада, кёрюнмейди, къушдан, къан.

Аллах айтса, энтда бизде, хал джунчумаз.
Бара эсе, тукъум джюрюш, тёртгюллей.
Акгаланы иннетлерин, джукъ къурутмаз.
Джашаб турур, бёрю юзюк, бёрюлей.

25.07.97.
Джёгетей.

51

Энтда, джарыйды, бир танг.
Энтда, кетди, бир кече.
Таярча болдум акъылдан.
Джеталмайма энтда сеннге.

Къайдаса, бир айтчы бир зат.
Зауукъмуса, сен, юйюнгде.
Тансыкъ от, сынатмай азаб,
Кюлемисе, сен, кюзгюде.

Менде уа къайгъы эм сагъыш.
Бир кёбдю, менича, бирге.
Билесе, мен энтда, джангыз.
Хар нем да, алгъынча, чюйре.

Билеме, джукълайса къаты.
Кёресе, тюшде, сен къала.
Биреу бла, кириб, терк, ары.
Айтаса, джууаш сёз, анга.

Ол да, джарыкъды, сенлей.
Сылайды, тюзге, чачынгы.
Чыртдан да, тюлдю, менлей.
Кёбге кюшлегенд джанынгы.

Билеме, айтады бай – бай,
Къысыб, бетинги, бетине.
Башда да джашнай эсе ай,
Нюрюн себелейд кенгине.

Болурса, тюшде, къууанчлы.
Ой, болчу, къуру да, алай.
Тангынг да, атсынчы ашхы.
Кирсин юйюнге джылтырай.

Ма, энтда, атханды, бир танг.
Кёб турмай, келликди ингир.
Ёлсем да, тейри, тансыкъдан,
Эсим бла джаным бир сейир.

27.07.97.

Цитата

ШАТ пишет: Джашау тохтаусузду 28 Ойнайды Зугул къатыны бла Ойнайла Чакъмакъ бла эри Ойнайды Онгджан аракъы бла Ёлсе да аны бир тенги Джырлайды Зугул къатыны бла Джырлайла Чакъмакъ бла эри Бир горду онгджан аракъы бла Чагъырды къуру да эси СердиЗугул, къатыны да Тишсизле Чакъмакъ бла Эри. Шох тюлдю Онгджан аракъы бла, Саулукъ джанлагъанды кери. Эскилле Зугул, къатыны да. Ёлгелле Чакъмакъ бла эри Ёлгенди Онгджан аракъы бла ? Ички бла болду да тели. Алай а Джашау тохтаусузду Тууалла джангы инсанла Кюлген джылагъан да толуду Тохтамай аталла тангла

Ма санга!!!)))))) Печальный рыцарь де да тур анга!)))))) Ол а "мат" салыб тура юмористлеге))))))))

Сэстренка,

Cалам !!!!

Чам джыр джазгъан алай къыйын иш тюлдю....

Былайда бу эски джырчыкъгъа ЭС юёле эсенг, сора, керти кюлкю хапаргъа уа, кёлюнг бла кюллюк болурса...
Прозам барды, Къызлагъа уугъа барыу деб..Тюз эл джашауну юсюнден, къыз кёре барыуну хакъындан...Ол тетрадлагъа джетгенлей, бери салыргъа кюреширме.....

Эсен бол !!!

52

Мынга бир кесек сагъышлан.
Менича, сюйерми киши.
Мен бюгюн болсам да аман.
Келир кюн болурма иги.

Бирси къыйнаса джанынгы.
Кюсерсе мени дарманнга.
Дуниянг кёрюнсе къарангы.
Джарыкъча болурма санга.

Безиб кюнюнден мен джерни.
Кетсем, джашаргъа, ёргеге.
Табармыса, ол кюн, мени.
Аны, бир келтир, сен кёзге.

Кетгинчи, джаным, Тейриге.
Сен, эштчи, айтама ачыкъ.
Ашыкъ, болайыкъчы бирге,
Кетсем келалмазма къачыб.

27.07.97.

53

Ачыуланмай, къалай этигин, сен бу ишге.
Бирер джанбаш аркъан атса джашаугъа.
Бизничала, чабсала да, тюзлюк тикге.
Минелмейле, не эсе да, чырт таугъа.

Алдай билген, патчах болду хар неге да.
Бир деб, джукъдан, ол билмейди уяла.
Эртденнге да, сюйсе минер, кечеге да,
Сюйсе, ол таш, сюйсе, болад мияла.

Айырмазча, къатыш болду, акъсыл - къара.
Бекден бекди начас болум, кюн - кюнден.
Эй, тот болуб, джата болур тюзлюк къама.
Ол харибни, ким чыгъарсын кюбюрден.

Алай, ёзге, энтда, барла, керти тенгле.
Керек кюнде, джау турурла, джауума.
Мийикдеги, тирил, дер да, тебленнгеннге.
Тебленирле, налат тюбде, къауумла.

06.08.97.

54

Ингирледе, мен турсам да кёкле аулай.
Не этсем да, джюрек ургъан, ашыгъыш.
Айлансам да хар неден да насыб даулай.
Сен саулукъдад, бу барысы, таулу къыз.

Шукурлайма мен джашауну чюйресин да
Аманнга да, айтыучанма, мен, алгъыш.
Кёзюуледе, бузлауум да - кюйгеним да,
Сен саулукъдад, бу барысы, таулу къыз.

Кюлгеним да, джылауум да,ахсыннган да,
Къууанчда да, бола эсем, мен дамсыз,
Ийнаннганым, шайтаннга да, Аллаха да,
Сен саулукъдад, бу барысы, таулу къыз.

Кетгеним да, келгеним да, сени ючюн.
Джаным сауда, сени ючюнд, джерде ыз.
Къулакъгъа да, ой кирмейди ахыр кюнюм.
Сен саулукъдад, бу барысы, таулу къыз.

07.08.97.

55

Ёзденланы Асиятха.

Ёмюр джолунг узакъ болсун, ой эгечим.
Заран кёзю джолукъмасын кёзюнге.
Аз эсе да, буду, сеннъе, акъ тилегим.
Мийикледен, сен кюч алгъын, кёлюнге.

Эртделеден, биз келебиз, башны тута.
Той, джылау да сынагъанбыз кёзюуде.
Аллындан да, биз билебиз, терсни къууа.
Намысны да, биз, билебиз кётюре.

Бу халда да, этмез джашау, сени, аман.
Ат тутарса, сен, насыбны кесинден.
Зар юзюк а, джылай берсин ма ызынгдан.
Сен да, тиле, ол затланы, Тейриден.

Таулу къызгъа, андан башха, не айтайым.
Ёрге эсенг, болсун джюрюш табыракъ.
Айтыргъа да, сен унутма, атлам сайын.
Сыйлы Аллах, ёре джолда, бол чыракъ.

11.08.97.
Батал паша.

56

Танг бла тенг арбаз ичге киргенме.
Тюйюмюн тешгенди къарамым.
Кертисин, эй бюгюн, мен билгенме.
Ма юйюм, ма, джан ашха ашым.

Алдауну, тюзню да, сынагъанма.
Сынадым, шо, неди да, къадар.
Мен кёкню джерде да ызлагъанма.
Кишиге уа, болмадым, мен зар.

Дунияда, кёрдюм, аны - муну да.
Джумушакъ, къаты да болалдым.
Тебледим сууну, ташны, къумну да.
Баракъда джанны да ойнатдым.

Джашауну, кёзбауду, хар неси да.
Барындан, юйюнгдю, аламат.
Багъалыды, туз дам да, тебси да.
Бир сейирд сабий кюнде хар зат.

Бюгюн, мен, айтама сандырамай.
Джан ичи джарыкъды да тюнлей.
Джашасын Джашау ёлюм сынамай.
Джашасын, Ёлюм, ёлюмсюзлей.

Джашасын, эсим да, арбазым да.
Джашасын, халкъым да, ёмюрле.
Бюгюнча, былай турсун халым да.
Кирейим, алгъыш бла, юйюме.

12.08.97.
Къарчастан.

57

Тюшлеримде, айлансам да, джырла кюте.
Тюнюмде уа, кютген затым назмула.
Къауум адам, къарайдыла, итлей юре.
Теблерге да, хазырдыла, къауумла.

Къарыулугъа, онгсузгъа да, сёзюм бирди.
Мени сюре, чынгамагъыз, сиз, джардан.
Хар кимни да, джашау джолу, белгилиди.
Джыкъсагъыз да, сюелирме, джангыдан.

Мен, башхама, кюрешмегиз керексизге.
Умутларым башхадыла сизледен.
Къоймайсыз да, мен айтама энтда сизге.
Мен бёрюден, ой сиз къауум, итледен.

Джырчы тили, керек болса, бёрю азау.
Сиз алайын, унутмагъыз, замансыз.
Бирер джерде симсирерсиз армау – армау.
Аллахлыны, къалай хорлар, аллахсыз.

Ойлашыгъыз, ангылагъыз, сёзню тюзюн.
Кюл булгъаучу, къул эталмаз джырчыны.
Телисиз да, сиз билмейсиз, аны кючюн.
Джыр ауаз бла зыкгыл этед сынджырны.

12.08.97.

58
Атама. Муссагъа

Ёмюрлюкню, излемеген, къайсы барды.
Аны джокълау, башланады бешикден.
Ол буз тюлдю, не от тюлдю, туурадады.
Ёлюм къатыш, кириб къалад эшикден.

Ёмюрлюкню, излемеген, къайсы барды.
Излейдиле, сакъат, джарты, акъылман.
Къаты тюлдю, хауачады, бир бош затды.
Кече - кюн да, тургъан джери къабырстан.

Ёмюрлюкню, излемеген, къайсы барды.
Излейд аны бузлай къатхан эм джаннган.
Аны джокълай, башны атма, тюзге джары.
Джууукъдады, тургъан джери къабырстан.

Ёмюрлюкню, излемеген, къайсы барды.
Излейд, аны, адам инсан, хар шайтан.
Джан кёзле бла, иги къара, туурангдады.
Майна анда, тургъан джери къабырстан.

Ёмюрлюкню, излемеген, къайсы барды.
Туугъунчу да, излей болур, хар бир джан.
Кёк башында бош излейсе, бурнунгдады.
Аны джурту, тургъан джери къабырстан.

Ёмюрлюкню, излемеген, къайсы барды.
Аны излей, кюн да, джанад, сагъышдан.
Аны, бизге, саугъа этген, ма, Аллахды.
Аны джурту, тургъан джери къабырстан.

Ёмюрлюкню, излемеген, къайсы барды.
Джан киргенли, бу барысы, алгъындан.
Эртде – кеч да, ахыр атлам, къуру, ары.
Ёмюрлюкню, эй чынг аллы, къабырстан.

13.08.97.
Джёгетей.
Къарчастан.

Бу аман Аза уа къайры бугъунуб къалды ?

Цитата
Ocean пишет: Загрузка плеера

Аламат !!!!!

Цитата
Ocean пишет: ШАТ , Загрузка плеера

59

Мен турама, кёкге къарай, арбазымда.
Болуб халым, келлик кибик, сен бери.
Билемисе, бир ариуду, бюгюн мында.
Бир ариула, джулдузланы, кёзлери.

Булутла да къалкъыйдыла бирер джерде.
Алагъа да, тюбден къараб, бу таула.
Манга кибик, акъса элле, бюгюн, сеннге.
Таза кёкден, акъсыл – акъсыл, тартыула.

Джан киреди, быллай кече, джюрегиме.
Мени кибик, гитарам да, алайды.
Бу таб кюнде, тюшгенсе да, сен эсиме.
Сен болурса, кёкден бир къыз къарайды.

Башха элде, бир башхагъа сен бийчесе.
Мен да, мында, башха блама байланыб.
Ай, араны, бошха буздукъ, сабийлеча.
Келир кюннге, къарамадыкъ сагъайыб.

Джылауумдан хайыр болмаз санга чыртда.
Джылауунгдан, ой, меннге да, хайыр аз.
Кетерикле, тюз бу халда, джай да, къыш да.
Кетерикле, энтда, былай, къач бла джаз.

Мен турама, кёкге къарай, арбазымда.
Сеннге ушаш, къараб турад къыз бери.
Я Аллахым, не зат дейим, мен да, мынга.
Джылай турад, ариу къызны, кёзлери.

14.08.97.

Цитата
ШАТ пишет: Сэстренка , Cалам !!!! Чам джыр джазгъан алай къыйын иш тюлдю.... Былайда бу эски джырчыкъгъа ЭС юёле эсенг, сора, керти кюлкю хапаргъа уа, кёлюнг бла кюллюк болурса... Прозам барды, Къызлагъа уугъа барыу деб..Тюз эл джашауну юсюнден, къыз кёре барыуну хакъындан...Ол тетрадлагъа джетгенлей, бери салыргъа кюреширме..... Эсен бол !!!

Салам! )
Да, Сапар, сора чам хапарла джазгъаныгъызгъа къууандым. Чам хапарланы бек сюеме деб тюл (мен блай пофилософствовать этерча затланы сюеме)) ), сизни джарыкъ келлю кергениме къууандым).
Сюйюб окъурукъма ол хапарны да)). Таб театргъа барыб да къалырма спектаклгъа къараргъа)). Ол къарачай театргъа институтну бошаб келгенли эки кере баргъанма да, эки кере да келюм чыгъыб, бу джолдан сора келмем деб кетгенме. Не орус, не къарачай болмагъан, орусун да , къарачайын да бири-бирине къошуб, бир тилде селешмеин, чыртда джаратмай кетген эдим. Джазмагъызны театргъа берсегиз, чырт бир сезин тюрлендирмезча, орус сезле къошмазча деб договор этиб беригиз, шо)).

Сэстренка,

Саламынг узакъ болсун !!!

Бу театр дегенден, мен да кенгдеме. Сен айтханлай, бир - эки кере кирген болурма ол мекямгъа....Ахыр кере, 60 джыллыгъыма чакъыргъанларында....

Тейри, тышы ариу болгъанлыгъына, ичин къолай кёрмедим....ариуланыр керекли тура эди....
Ары джазыб джукъ берсенг да, аны салырла деб, бир да ышанмайма, алайда да кеси адамла кёбдюле....
Не уа, бусагъатда, не театргъа баргъан, не китаб окъугъан адамны аз кёрлюксе... ( Къарчастанда дейме )

Эсенлик !!!

Сэстренка,