Тюнене Эльбрусоид-Нальчикни филилалында жыйырма биринчи февральда болгъан «Ана тилни кюнюне» аталгъан «Ана тилде оюн» ётгенди. Адамла тынч тынчы жыйыла, сагъыш эте, ким ойнарыкъды, ким угъай...
Бузжигит кеси ойнамагъанлыкъгъа, ким ойнарыгъын бек иги билип кёргюстеэди
Азамат да, олтургъан эди, мен кесим ойнаргъа сюйеме деп, алай жерин Аскерге бергенди.
Вот и здесь Бузжигит всем заправляет, видите да?
Жыйылгъан активистлерибизни биз эки командагъа бёлюгенбиз.
Биринчиден командала бла танышханбыз:
"Таукел" команда - Ахметланы Артур, Джаппуланы Люаза, Мызыланы Зульфия, Мызыланы Марат!
«Аланла» - Балаланы Аскер, Догучаланы Разият, Къарчаланы Мариям, Хуламханланы Азамат!
Андан ары
жюрийле бла танышдыкъ:
«Заман» газетни журналисти - Темукуланы Аминат,
Малкъар драм театрны актрисасы - Алтуланы Халимат,
Эльбрусоид фондну Эльбозавыры - Моллаланы Руслан.
Хар ким бла да, танышхандан сора, оюнубузну башладыкъ.
Биринчи конкурсубузда эки команданыда столларына бешишер
нарт сёз берилгенди. Ала барысыда экиге бёлюнюп тура эдиле. Ойнагъанла, эки минутну ичинде аланы барысында тюз жыяргъа керек эдиле. Жыйып бошагъандан сора, нарт сёзлени бизге окъуп, магъаналарын аннгылатыргъа керек эди. Хар тюз жыйылгъан нарт сёз ючюн бир бал бериле эди. Биринчи жыйгъан командагъа уа энтада бир бал къошулгъанды.
Экинчи конкурсубузда, барыбызда бек иги билген -
Элберле. Ойнай, ойнай, билип жууапланы, бир-бирде айтдырыучукъла да соруп, эки команда да, конкурсну терк ётдюле.
Бир кесек кесин тинтирге сюйгенлеге, бир эки элберни бери жазайыкъ:
Балтадан ауур,
Балдан татлы,
Бааурдан къаты,
Базарда сатылмагъан,
Къолда тутулмагъан.
Омакъ кюбюр, акъ кюбюр.
Ичи да къырпакъ кюбюр.
Киштикчикча мурулдай,
Сагъая да, хурулдай.
Мен тахтада битеме,
Чагъып, бюртюк этеме,
Тёп-тёгерек болама,
Сора кюнден толама.
Тут явно идёт бурное обсуждение
Таукел команда уа бек тынчдыла.
Андан ары, биз ойнагъанлагъа къагъытла бла къаламла юлешип, Диктант жаздыргъанбыз.
Это стало для них неожиданностью
Бизни тауларыбыз.
Бизни тауларыбызны кез алдагъан ариулукълары сау дуниягъа белгилиди. Кавказгъа жууукълашханлай, узакъда таракъ тишлеча, жютю теппели, сынжыр кибик кириш таула керюнедиле. Жай чилледе да аны бузларын, мингжыллыкъ чыранларын кюн эриталмайды. Августда, исси къайнатхан заманда да бизни тауланы теппелеринде бузла эримей жылтырап, сууукъ аяз къакъдыра турадыла. Езен ичлери къалын агъачдан толуду. Анда сиз чинар, эмен, къайын, тал, жерк, жабышмакъ, юрге кёрюрге боллукъсуз. Ол чегетлени ичинде, тюрлю - тюрлю чагъып, гокка хансла, терен биченликле бардыла. Кюн бетледе чалгъы кирмез тикледе, ташлыракъ жерледе, колхозланы къой сюрюулери жерни бетин жабадыла.
Жюрийибиз диктантланы къарап бошагъынчы
биз капитанлагъа да бир гитче конкурсчукъ къурагъанбыз. «Малкъар поэзияны антологиясы XX ёмюр» деген сборникден биришер назму окъутханбыз. Аны ючюн да балла салыннгандыла.
Кеслери да алай ариу окъугъандыла ол назмуланы
Балла саналыб бошалгъандан сора, командалагъа Ана тилни грамматикасындан соруула берилгендиле. Ойнагъанла бек терк бере эдиле жууапланы, ашыгъып, биринчи ким жазып беррикди деп.
Жюрийибиз ахыр балланы санап бошагъынчы, заманны оздурургъа, биз ойнагъанла бла бирге, энтада тюрлю тюрлю элберлеге жууапла соргъанбыз. Ойнай, кюле, командаланы энтада бек кёп къарыуу къалгъан эди. Оюн бошалгъанына бир кесек да мудах болгъандыла.
Ахырында, багъалы жюрийибизге сёз берилгенди. Ала ахыр результатланы айтхандыла.
та-да-да-дааааам…..
«Аланла» деген команда - 120 балл алгъанды!
«Таукел» команда - 123 бал алыб, биринчи жерни алгъанды!
Эки командагъа да, алгъышла айтылып, саугъала берилгендиле. Андан сора уа, бир кесек тепсеп
Барыбызда бирге жыйылып, суратха тюшгенбиз!
Жазгъан диктантларыбызгъа да къарагъыз. Кёремесиз, къаллай иги багъала салгъандыла бизни активистлерибизге?! Аперим барысына да!!!
Ма алай, шохлукъ халда, ойнай, кюле, къызыугъа кирип, ётгенди Эльба-Нальчикде «Ана тилде оюн»! Аллай къууанчлы кюнлерибиз кёб болсунла!