Навигация

Elbrusoid.org

Словарь

Хата – гитчеден.
Аманны къуугъан, аманлыкъ табар.
Адамны аты башхача, акъылы да башхады.
Къарнынг тойгъунчу аша да, белинг талгъынчы ишле.
Аман къатын сабий табса, бий болур…
Ач келгенни – тойдур, кеч келгенни – къондур.
Душманны тышы – акъ, ичи – къара.
Аджаллыгъа окъсуз шкок атылыр.
Бети – къучакълар, джюреги – бычакълар.
Бёрю да ач къалмасын, эчки да ашалмасын.
Ана – юйню кюн джарыгъы.
Ана кёлю – балада, бала кёлю – талада.
Ашхы болсанг, атынг чыгъар, аман болсанг, джанынг чыгъар.
Адамны артындан къара сабан сюрме.
Алтыда кюлмеген, алтмышда кюлмез.
Башы ишлегенни, ауузу да ишлер.
Аякъларынгы джууургъанынга кёре узат.
Ёксюзню тилеги къабыл болур.
Джиби бир къат джетмей эди да, эки къат тарта эди.
Баргъанынга кёре болур келгенинг.
Гырджын – тепсини тамадасы.
Билим къая тешер.
Ёпкелегенни ашы татлы болады.
Ишленмеклик адамлыкъды.
Сакъ юйюне сау барыр.
Адамны аманы адамны бети бла ойнар.
Аш берме да, къаш бер.
Айтхан – тынч, этген – къыйын.
Кийимни бир кюнню аясанг, минг кюннге джарар.
Мал ёлсе, сюек къалыр, адам ёлсе, иши къалыр.
Джукъу тёшек сайламайды.
Сютден ауузу кюйген, суугъа юфгюре эди.
Тенгни тенглиги джашай барсанг билинир.
Ана къойну – балагъа джандет.
Эм ашхы къайын ана мамукъ бла башынгы тешер.
Ишни ахырын ойламай, аллын башлама.
Абынмазлыкъ аякъ джокъ, джангылмазлыкъ джаякъ джокъ.
Кёб къычыргъандан – къоркъма, тынч олтургъандан – къоркъ.
Адамны адамлыгъы къыйынлыкъда айгъакъланады.
Ойнай-ойнай кёз чыгъар.
Ишлегенде эринме, ишде чолакъ кёрюнме.
Урама да – ёледи, сатама да – келеди.
Тюз сёз баргъан сууну тыяр.
Аллахха ийнаннган кишини, Аллах онгдурур ишин.
Таш ата билмеген, башына урур.
Айран ичген – къутулду, джугъусун джалагъан – тутулду.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кимни – тили, тиши онглу, кимни – къолу, иши онглу.
Тилчи бир сагъатха айлыкъ хата этер.
Малны кют, джерни тюрт.