Аудио :: Аудио:: Байчеккуев А

Ишлегенде эринме, ишде чолакъ кёрюнме.
Окъуу – билимни ачхычы, окъуу – дунияны бачхычы.
Аллахха ийнаннган кишини, Аллах онгдурур ишин.
Тойгъандан сора, ашны сёкме.
Башынга джетмегенни сорма.
Кесинг сынамагъан затны, адамгъа буюрма.
Этни бети бла шорпасы.
Аз сёлешген, къайгъысыз турур.
Адамны адамлыгъы къыйынлыкъда айгъакъланады.
Сангырау къулакъ эл бузар.
Чабакъгъа акъыл, табагъа тюшсе келеди.
Келлик заман – къартлыкъ келтирир, кетген заман – джашлыкъ ёлтюрюр.
Таш бла ургъанны, аш бла ур.
Къан бла кирген, джан бла чыгъар.
Тамырсыз терекге таянма – джыгъылырса.
Мал ёлсе, сюек къалыр, адам ёлсе, иши къалыр.
Насыб бютеу халкъны юлюшюдю.
Кёл ашады да, кеси ашады.
Тешик этген тынчды, аны джамагъан къыйынды.
Чомартха Тейри да борчлуду.
Джылар джаш, атасыны сакъалы бла ойнар.
Суугъа – чабакъ, къаягъа – ыргъакъ.
Башы ишлегенни, ауузу да ишлер.
Акъыллы башны – тили къысха.
Сыфатында болмагъаны, суратында болмаз.
Элге къуллукъ этмеген, элге ие болмаз.
Кёб джашагъан – кёб билир.
Уясында не кёрсе, учханында аны этер.
Эринчекни аурууу – кёб.
Окъ къызбайны джокълайды.
Хаухну атма, ёнгкючню сатма.
Гугук кесини атын айтыб къычыргъанча, мен, мен деб нек тураса?
Aдам боллукъ, сыфатындан белгили.
Къыйынлы джети элни къайгъысын этер.
Джолда аягъынга сакъ бол, ушакъда тилинге сакъ бол.
Ата Джуртча джер болмаз, туугъан элча эл болмаз.
Гугурук къычырмаса да, тангны атары къалмаз.
Тели турса – той бузар.
Бир онгсуз адам адет чыгъарды, деб эштирик тюлсе.
Адамны сыфатына къарама, сёзюне къара.
Хар адамгъа кеси миннген тау кибик.
Уллу къазанда бишген эт, чий къалмаз.
Иги сеники эсе да, сюйген кесимикин этеме.
Акъыллы эркиши атын махтар, акъылсыз эркиши къатынын махтар.
Къатыны харакетли болса, эри къымсыз болур.
Алтыда кюлмеген, алтмышда кюлмез.
Джаханимни кёрмей, джандетге кёл салмазса.
Чомартны къолун джокълукъ байлар.
Бети бедерден, намыс сакълама.
Сакъ юйюне сау барыр.

Логин:	Регистрация

Пароль:	Забыли пароль?

Запомнить меня

Аудио

Байчеккуев А

Скачать

Адрес