Аудио :: Аудио:: Тартыула / Tartıula

Къарнынг бла ёч алма.
Байлыкъ болгъан джерде, тынчлыкъ джокъду.
Ата – баланы уясы.
Акъыл къартда, джашда тюйюлдю – башдады.
Уллу сёзде уят джокъ.
Къарыусузгъа кюлме, онгсузгъа тийме.
Эркишиге тары кебек танг кёрюнюр.
Сакъ юйюне сау барыр.
Башсыз урчукъ тюзюне айланмаз.
Къарнынг тойгъунчу аша да, белинг талгъынчы ишле.
Ариу сёзде ауруу джокъ.
Ёзденликни кёбю ётюрюк.
Джашда акъыл джокъ, къартда къарыу джокъ.
Аджал соруб келмез, келсе, къайтыб кетмез.
Татлы сёз – балдан татлы.
Аджашханны ызындагъы кёреди, джангылгъанны джанындагъы биледи.
Кёзюнде тереги болгъан, чёбю болгъаннга кюле эди.
Aдам боллукъ, сыфатындан белгили.
Къуллукъчума, деб махтанма, къуллукъ – хаух джамчыды!
Бал – татлы, балдан да бала – татлы.
«Ёгюз, джаргъа джууукъ барма, меннге джюк боллукъса», - дегенди эшек.
Бир абыннган – минг сюрюнюр.
Адамны адамлыгъы къыйынлыкъда айгъакъланады.
Насыблы элин сюер, насыбсыз кесин сюер.
Атадан ёксюз – бир ёксюз, анадан ёксюз – эки ёксюз.
Тешигини къатында, чычхан да батыр болур.
Ач уят къоймаз.
Адамны аманы адамны бети бла ойнар.
Къоркъакъны кёзю экили кёрюр.
Адеб джокъда, намыс джокъ.
Башланнган иш битер, къымылдагъан тиш тюшер.
Онгсузну – джакъла, тенгликни – сакъла.
Рысхы – сют юсюнде кёмюк кибикди.
Ач да бол, токъ да бол – намысынга бек бол.
Арбаз къынгырды да, ийнек сауалмайма.
Сабий болмагъан джерде, мёлек болмаз.
Бозаны арты дауур болур.
Къонакъ аман болса, къонакъбай джунчур
Ишге юренсин къоллары, халкъ бла болсун джоллары.
Къуру гыбыт бек дыгъырдар.
Мени джылытмагъан кюн, меннге тиймесин!
Джол бла сёзню къыйыры джокъ.
Акъыллы – эл иеси, тели – эл баласы.
Ашхы сёз таш тешер.
Ач къарынны, токъ билмез
Ёксюзню къалачы уллу кёрюнюр.
Кийимни бичсенг, кенг бич, тар этген къыйын тюлдю.
Чомарт къонакъ юй иесин сыйлар.
Эркишини аманы тиширыуну джылатыр.
Элни кючю – эмеген.

Логин:	Регистрация

Пароль:	Забыли пароль?

Запомнить меня

Аудио

Тартыула / Tartıula

Скачать

Адрес