| 17 Мая | 2024 года |
Навигация
- Ариу сёз – къылычдан джити.
- Джолунга кёре – джюрюшюнг, джагъанга кёре – юлюшюнг.
- Сёз – кюмюш, джыр – алтын.
- Эрине къаргъыш этген къатын, эрнин къабар.
- Телиге акъыл салгъандан эсе, ёлгеннге джан салырса.
- Аман къатын алгъан, арыр, иги къатын алгъан джарыр.
- Ана – юйню кюн джарыгъы.
- Алтыннга тот къонмаз.
- Ёгюзню мюйюзлери ауурлукъ этмейдиле.
- Акъдан къара болмаз.
- Бойнуму джети джерден кессенг да, мен ол ишни этеллик тюлме.
- Кёб ант этген, кёб ётюрюк айтыр.
- Садакъачыны джаны – къапчыгъында.
- От этилмеген джерден тютюн чыкъмайды.
- Тойгъа алгъа да барма, тойда артха да къалма.
- Ургъан суудан башынгы сакъла.
- Кёбге таш атма.
- Ачлыкъда тары гырджын халыуадан татлы.
- Бермеген къол, алмайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Иги адамны бир сёзю эки болмаз.
- Кёкдеги болмаса, джердегин кёрмейди.
- Иши джокъну, сыйы джокъ.
- Эрни эр этерик да, къара джер этерик да, тиширыуду.
- Эки къатын алгъан – эки ташны ортасына башын салгъан.
- Хаухну атма, ёнгкючню сатма.
- Иесиз малны бёрю ашар.
- Ёлюк кебинсиз къалмаз.
- Эртде тургъан бла эртде юйленнген сокъуранмаз.
- Ашхылыкъ джерде джатмайды, аманлыкъ суугъа батмайды.
- Ётюрюкню башын керти кесер.
- Таякъ этден ётер, тил сюекден ётер.
- «Ёгюз, джаргъа джууукъ барма, меннге джюк боллукъса», - дегенди эшек.
- Тюзлюк тас болмайды.
- Юйлю уругъа ит чабмаз.
- Элиб деген, элге болушур.
- Эркишини аманы тиширыуну джылатыр.
- Билген билмегенни юретген адетди.
- Ойнаб айтсанг да, эслеб айт.
- Бек ашыкъгъан меннге джетсин, дегенди аракъы.
- Чакъырылмагъан къонакъ – орунсуз.
- Игиге айтсанг – билир, аманнга айтсанг – кюлюр.
- Тёрдеги кюлсе, эшикдеги ышарыр.
- Намысы болмагъанны, сыйы болмаз.
- Ач къарынны, токъ билмез
- Айтхан сёзюне табылгъан.
- Биреуню къыйынлыгъы бла кесинге джол ишлеме.
- Ашхы атаны – джашы ашхы, ашхы ананы – къызы ашхы.
- Джангызны оту джарыкъ джанмаз!
- Эркишиге тары кебек танг кёрюнюр.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
