Кирсизни – саны таза, халалны – къаны таза.
Мал кёб болса, джууукъ кёб болур.
Кёб къычыргъандан – къоркъма, тынч олтургъандан – къоркъ.
Къолу уллу – асыу, аягъы уллу – джарсыу.
Къыз келсе, джумуш эте келеди, къатын келсе, ушакъ эте келеди.
Билмейме деген – бир сёз
Халкъгъа джарагъан, джарлы къалмаз.
Нёгер болсанг, тенг бол, тенг болмасанг, кенг бол.
Билимли ёлмез, билимсиз кёрмез.
Тойгъан джерден туугъан джер игиди.
Чоюнну башы ачыкъ болса, итге уят керекди.
Байны оноуу, джарлыгъа джарамаз.
Болджал ишни бёрю ашар.
Сабыр джетер муратха, сабырсыз къалыр уятха.
Ана кёлю – балада, бала кёлю – талада.
Кийим тукъум сордурур.
Эр абынмай, эл танымаз.
Ач да бол, токъ да бол – намысынга бек бол.
Игини сыйлагъан адетди.
Къанны къан бла джуума, аманны аман бла къуума.
Уруну арты – къуру.
Киштикге къанат битсе, чыпчыкъ къалмаз эди.
Хазыр ашха – терен къашыкъ.
Сакъ юйюне сау барыр.
Ариу сёз – джаннга азыкъ, аман сёз – башха къазыкъ.
Чабакъсыз кёлге къармакъ салгъанлыкъгъа, чабакъ тутмазса.
Къазанчы аман болса, къазаны къайнамаз.
Ойнаб айтсанг да, эслеб айт.
Келинни – келгинчи, бёркню кийгинчи кёр.
Мураты болгъанны джюрек тебюую башхады.
Сормай – алма, чакъырылмай – барма.
Кёл ашады да, кеси ашады.
Ишин билген, аны сыйын чыгъарады.
Айырылмаз джууугъунга, унутмаз сёзню айтма.
Хар ишни да аллы къыйынды.
Эркиши – от, тиширыу – суу.
Ата джурт – алтын бешик.
Ашда – бёрю, ишде – ёлю.
Нафысынгы айтханын этме, намысынгы айтханын эт.
Тешигини къатында, чычхан да батыр болур.
Тилчи тилден къаныкъмаз.
Чабакъ башындан чирийди.
Къонакъны къачан кетерин сорма, къачан келлигин сор.
Къан бла кирген, джан бла чыгъар.
Окъугъан озар, окъумагъан тозар.
Ишни аллы бла къууанма да, арты бла къууан.
Мал ёлсе, сюек къалыр, адам ёлсе, иши къалыр.
Окъ къызбайны джокълайды.
Намысы джокъну – дуниясы джокъ.
Ишленмеклик адамлыкъды.
