Расширенный поиск
1 Июня 2024 года
Логин: Регистрация
Пароль: Забыли пароль?
Навигация
Словарь
  • Байдан умут эте, джарлыдан ёгюз багъасы къорады.
  • Огъурлуну сёзю – суу, огъурсузну сёзю – уу.
  • Ариу джол аджал келтирмез.
  • Ана къойну – балагъа джандет.
  • Элге къуллукъ этмеген, элге ие болмаз.
  • Эли джокъну – кёлю джокъ.
  • Чомартха Тейри да борчлуду.
  • Сёз садакъдан кючлюдю.
  • Ашын ашагъанынгы, башын да сыйла.
  • Ёксюзню тилеги къабыл болур.
  • Аман хансны – урлугъу кёб.
  • Чабар ат – джетген къыз.
  • Нёгерсизни джолу узун.
  • Келлик заман – къартлыкъ келтирир, кетген заман – джашлыкъ ёлтюрюр.
  • Насыблы элин сюер, насыбсыз кесин сюер.
  • Этим кетсе да, сюегим къалыр.
  • Арба аугъандан сора, джол кёргюзтюучю кёб болур.
  • Сибиртки да сыйлы болду, кюрек да кюнлю болду.
  • Нёгер болсанг, тенг бол, тенг болмасанг, кенг бол.
  • Босагъагъа джууукъ орун болса, ашыгъыб тёрге озма.
  • Итли къонакъ джарашмаз.
  • Адебни адебсизден юрен.
  • Тас болгъан бычакъны сабы – алтын.
  • Джюрекге ариу – кёзге да ариу.
  • Байлыкъ тауусулур, билим тауусулмаз.
  • Джети тилни билген джети кишиди.
  • Аз сёлеш, кёб ишле.
  • Уллу сёзде уят джокъ.
  • Ётген ёмюр – акъгъан суу.
  • Гыдай эчки суугъа къараб, мюйюзле кёрмесе, джашма алкъын, дегенди.
  • Къалгъан ишге къар джауар.
  • Тилде сюек болмаса да, сюек сындырыр.
  • Тенгни тенглиги джашай барсанг билинир.
  • Джогъун бар этген, барын бал этген.
  • Къолунгдан къуймакъ ашатсанг да, атаны борчундан къутулмазса.
  • Башланнган иш битер, къымылдагъан тиш тюшер.
  • Тюзлюк тас болмайды.
  • Джюз элде джюз ёгюзюм болгъандан эсе, джюз джууугъум болсун.
  • Къар – келтирди, суу – элтди.
  • Эл элде бирер малынг болгъандан эсе, бирер тенгинг болсун.
  • Аджалсыз ёлюм болмаз.
  • Къартха ушагъан джаш – акъыллы, джашха ушагъан къарт – тели.
  • Керти сёзге тёре джокъ.
  • Кёкдеги болмаса, джердегин кёрмейди.
  • Кёбню кёрген – кёб билир.
  • Къарнынг тойгъунчу аша да, белинг талгъынчы ишле.
  • Уллу къашыкъ эрин джыртар.
  • Адам къыйынлыгъын кёлтюрюр, зауукълугъун кёлтюрмез.
  • Дуния аламаты сен эсенг да, игиме деб айтма.
  • Айранын берсенг, челегин да къызгъанма.

Аудио

Салам (группа)

Файлов: 41

Обновлен: 06.07.2017

  • Салам (группа) Таулу къызчыкъ Роза
(Голосов: 1, Рейтинг: 5)

Описание

Дата: 20.05.2014
Прослушиваний: 3280
Скачиваний: 406
Размер: 8.59 МБ
Текст песни:
Музыка Маджита Ногайлиева, стихи Хусея Джаубаева.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Къобан сууну тазалыгъы — иннетингде,
Джашил джазны айбатлыгъы — бетингде:
Таулу къызчыкъ Роза, джашайса джырымда,
Эсимдесе хар кюнюмде, джылымда.

Кюн таякъны сейир нюрю — къарамынгда,
Джаш кёлюмю джарытхан саламынгда:
Таулу къызчыкъ Роза, манга сёз берсенг а —
Юйюме да, джюрекгеча, кирсенг а.

Булбул джырны татлылыгъы — хар сёзюнгде,
Дугъумланы къаралыгъы — кёзюнгде,
Таулу къызчыкъ Роза, сенсе кёз джубанчым,
Джюрегиме сыйынмагъан къууанчым.

Комментариев нет

  • Зарегистрируйтесь чтобы пользоваться плейлистом.