Расширенный поиск
4 Декабря 2025 года
Логин: Регистрация
Пароль: Забыли пароль?
Навигация
Словарь
  • Сабыр джетер муратха, сабырсыз къалыр уятха.
  • Келгинчи, къонакъ уялыр, келгенден сора, къонакъбай уялыр.
  • Бойнуму джети джерден кессенг да, мен ол ишни этеллик тюлме.
  • Босагъагъа джууукъ орун болса, ашыгъыб тёрге озма.
  • Чакъырылмагъан къонакъ къачан кетерин сормаз.
  • Башынга джетмегенни сорма.
  • Таула не мийик болсала да, аууш табылыр.
  • Кёзден кетген, кёлден да кетеди.
  • Джаш болсун, къыз болсун, акъылы, саны тюз болсун.
  • Джангыз торгъай джырламаз.
  • Кёлю джокъну – джолу джокъ.
  • Къартны бурнун сюрт да, оноугъа тут.
  • Ашха уста, юйюнде болсун
  • Юйюнг бла джау болгъандан эсе, элинг бла джау бол.
  • Элни кючю – эмеген.
  • Ёлюк кебинсиз къалмаз.
  • Тюзлюк шохлукъну бегитир.
  • Сыфатында болмагъаны, суратында болмаз.
  • Ханы къызы буюгъа-буюгъа киштик болду.
  • Джашынгы кесинг юретмесенг, джашау юретир.
  • Уллу атлама – абынырса, уллу къабма – къарылырса.
  • Экиндини кеч къылсанг, чабыб джетер ашхам.
  • Эл ауузу – элия.
  • Ашда уялгъан – мухар, ишде уялгъан – хомух.
  • Садакъачыны джаны – къапчыгъында.
  • Ашын ашагъанынгы, башын да сыйла.
  • Элге къуллукъ этмеген, элге ие болмаз.
  • Артына баргъанны, къатына барма.
  • Рысхы – сют юсюнде кёмюк кибикди.
  • Этек чакъмакълары баш джаргъан, сёлешген сёзлери таш джаргъан.
  • Къартха ушагъан джаш – акъыллы, джашха ушагъан къарт – тели.
  • Таугъа чыгъаллыкъ эсенг, тюзде къалма.
  • Тили узунну, намысы – къысха.
  • Булут кёкге джарашыу, уят бетге джарашыу.
  • Байны оноуу, джарлыгъа джарамаз.
  • Атадан ёксюз – бир ёксюз, анадан ёксюз – эки ёксюз.
  • Зар адам ашынгы ашар, кесинги сатар.
  • Таш бла ургъанны, аш бла ур.
  • Адамны адамлыгъы къыйынлыкъда айгъакъланады.
  • Ушамагъан – джукъмаз.
  • Ачлыкъ отха секиртир.
  • Магъанасыз сёз – тауушсуз сыбызгъы.
  • Эринчекни эр алмаз, эр алса да, кёл салмаз, кёл салса да, кёб бармаз!
  • Ойнай билмеген, оюн бузар.
  • Иши джокъну, сыйы джокъ.
  • Къозулугъунда тоймагъан, къойлугъунда тоймаз.
  • Ашарыкъда сайлагъаннга – чий гырджын.
  • Кёзню ачылгъаны – иги, ауузну джабылгъаны – иги.
  • Джолунга кёре – джюрюшюнг, джагъанга кёре – юлюшюнг.
  • Бир онгсуз адам адет чыгъарды, деб эштирик тюлсе.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии