Расширенный поиск
13 Декабря 2025 года
Логин: Регистрация
Пароль: Забыли пароль?
Навигация
Словарь
  • Тешик этген тынчды, аны джамагъан къыйынды.
  • Акъылсызны джууукъгъа алма, акъыллыны кенгнге салма.
  • Эки элинги тыйсанг, джети элде махталырса.
  • Къая джолда джортма, ачыкъ сёзден къоркъма.
  • Ачыкъ джюрекге джол – ачыкъ.
  • Тойгъа алгъа да барма, тойда артха да къалма.
  • Ёксюзню къалачы уллу кёрюнюр.
  • Ауругъан – джашаудан умутчу.
  • Элни кючю – эмеген.
  • Ариу сёзде ауруу джокъ.
  • Этни бети бла шорпасы.
  • Тёзгеннге, джабылгъан эшик ачылыр.
  • Эшекни не къадар тюйсенг да, ат болмаз.
  • Эл бла кёргенинг эрелей.
  • Кийиминг бла танылма, адамлыкъ бла таныл.
  • Уллу айтханны этмеген – уллаймаз.
  • Къанны къан бла джуума, аманны аман бла къуума.
  • Сакъламагъан затынга джолукъсанг, не бек къууанаса, не бек ачыйса.
  • Бал чибинни ургъаны – ачы, балы – татлы.
  • Адам къаллай бир ишленмесе, аллай бир кесин уллу кёреди.
  • Къарт айтханны этмеген, къартаймаз.
  • Эркишини аманы тиширыуну джылатыр.
  • Онгсузну – джакъла, тенгликни – сакъла.
  • Гугук кесини атын айтыб къычыргъанча, мен, мен деб нек тураса?
  • Джарлыны эшигин махтагъан джабар.
  • Къарт бла баш аша, джаш бла аякъ аша.
  • Ёгюзню мюйюзюнден тутадыла, адамны сёзюнден тутадыла.
  • Нафысынгы айтханын этме, намысынгы айтханын эт.
  • Ауругъанны сау билмез, ач къарынны токъ билмез.
  • Терслик кетер, тюзлюк джетер.
  • Шекер бла туз – бир болмаз, ушамагъан – юй болмаз.
  • Чакъырылмагъан къонакъ къачан кетерин сормаз.
  • Юреннген ауруу къалмаз.
  • Окъугъанны бети джарыкъ.
  • Тилсиз миллет джокъ болур.
  • Ёпкелегенни ашы татлы болады.
  • Сёз къанатсыз учар.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Ашхы болсанг, атынг чыгъар, аман болсанг, джанынг чыгъар.
  • Чабар ат – джетген къыз.
  • Иги адам абынса да, джангылмаз.
  • Башы джабылгъан челекге, кир тюшмез.
  • Ойнай-ойнай кёз чыгъар.
  • Экеу тутушса, биреу джыгъылыр.
  • Чёбню кёлтюрсенг, тюбюнден сёз чыгъар.
  • Джашда акъыл джокъ, къартда къарыу джокъ.
  • Таукелге нюр джауар.
  • Кирсизни – саны таза, халалны – къаны таза.
  • Эр абынмай, эл танымаз.
  • Тёгюлген тюгел джыйылмайды.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии