Расширенный поиск
13 Декабря 2025 года
Логин: Регистрация
Пароль: Забыли пароль?
Навигация
Словарь
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Ашатыргъа иш – ашхы, ишлетирге аш – ашхы.
  • Ханы къызы буюгъа-буюгъа киштик болду.
  • Ёлген аслан – сау чычхан.
  • Ёмюрлюк шохлукъну джел элтмез.
  • Тюзлюк шохлукъну бегитир.
  • Хар адамгъа кеси миннген тау кибик.
  • Урама да – ёледи, сатама да – келеди.
  • Тил бла келеди джыр да.
  • Кёзден кетген, кёлден да кетеди.
  • Биреу къой излей, биреу той излей.
  • Аз сёлеш, кёб ишле.
  • Адамны аты башхача, акъылы да башхады.
  • От кюйдюрген, сау болса да, тот кюйдюрген, сау болмаз.
  • Тёрени джагъы джокъ.
  • Адамгъа аман кюн соруб келмейди.
  • Эки ойлашыб, бир сёлешген.
  • Билмезни кёзю кёрмез, этмезни къулагъы эшитмез.
  • Къуру гыбыт бек дыгъырдар.
  • Эки къатын алгъанны къулагъы тынгнгаймаз.
  • Аз сёлешген, къайгъысыз турур.
  • Джангызны оту джарыкъ джанмаз!
  • Тюзлюк тас болмайды.
  • Джюрекге ариу – кёзге да ариу.
  • Хар зат кесини орнуна иги.
  • Джылыгъа джылан илешир.
  • Сютден ауузу кюйген, суугъа юфгюре эди.
  • Адам сёзге тынгыла, акъыл сёзню ангыла.
  • Узун джолну барсанг, бюгюн келирсе, къысха джолну барсанг, тамбла келирсе.
  • Къатын къылыкъсыз, эр тынчлыкъсыз.
  • Ашхы сёз таш тешер.
  • Тай асырагъан, атха минер.
  • Иги сёз – джаннга азыкъ, аман сёз башха – къазыкъ.
  • Байдан умут эте, джарлыдан ёгюз багъасы къорады.
  • Ётюрюк хапар аякъ тюбю бла джюрюйдю.
  • Бир абыннган – минг сюрюнюр.
  • Ёлген ийнек сютлю болур.
  • Элиб деген, элге болушур.
  • Таула не мийик болсала да, аууш табылыр.
  • Рысхы – насыбха къор.
  • Окъугъанны бети джарыкъ.
  • Тил – кесген бычакъ, сёз – атылгъан окъ.
  • Эки элинги тыйсанг, джети элде махталырса.
  • Къолунгдан къуймакъ ашатсанг да, атаны борчундан къутулмазса.
  • Зарда марда джокъ.
  • Аман къатын сабий табса, бий болур…
  • Таякъ этден ётер, тил сюекден ётер.
  • Агъач халкъгъа алтынды, иссиликге салкъынды.
  • Эл ауузу – элек, анга ийнаннган – халек.
  • Тойгъан антын унутур.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии