Расширенный поиск
21 Ноября 2025 года
Логин: Регистрация
Пароль: Забыли пароль?
Навигация
Словарь
  • Кёб ашасанг, татыуу чыкъмаз, кёб сёлешсенг, магъанасы чыкъмаз.
  • Аш берме да, къаш бер.
  • Къонакъ хазыр болгъанлыкъгъа, къонакъбай хазыр тюлдю.
  • Тойгъанлыкъ къойгъа джарашады.
  • Байма, деб да, къууанма, джарлыма, деб да, джылама.
  • Ашхы тенг джолгъа салыр, аман тенг джолдан тайдырыр.
  • Ёлмесенг да, къарт дамы болмазса?
  • Суу да къайтады чыкъгъан джерине.
  • Джаш болсун, къыз болсун, акъылы, саны тюз болсун.
  • Джюз элде джюз ёгюзюм болгъандан эсе, джюз джууугъум болсун.
  • Къыз тиширыу кеси юйюнде да къонакъды.
  • Ёлюк кебинсиз къалмаз.
  • Кёкдеги болмаса, джердегин кёрмейди.
  • Эски джаугъа ышанма.
  • Байлыкъ келсе, акъыл кетер.
  • Кёз – сюйген джерде, къол – ауругъан джерде.
  • Сыфатында болмагъаны, суратында болмаз.
  • Эм уллу байлыкъ – джан саулукъ.
  • Тай асырагъан, атха минер.
  • Иги – алгъыш этер, аман – къаргъыш этер.
  • Мал ёлсе, сюек къалыр, адам ёлсе, иши къалыр.
  • Тилсиз миллет джокъ болур.
  • Баланы адам этген анады.
  • Джангыз терек къынгыр ёсер.
  • Бет бетге къараса, бет да джерге къарар.
  • Сангырау къулакъ эл бузар.
  • Этни да ашады, бетни да ашады.
  • Къарнынг бла ёч алма.
  • Ата Джуртча джер болмаз, туугъан элча эл болмаз.
  • Душманны тышы – акъ, ичи – къара.
  • Ариу сёзде ауруу джокъ.
  • Магъанасыз сёз – тауушсуз сыбызгъы.
  • Суу кетер, таш къалыр.
  • Бал ашаргъа сюе эсенг, чибин ургъаннга тёз.
  • Къазанда болса, чолпугъа чыгъар.
  • Кёлсюзден сёзсюз тууар.
  • Билимден уллу байлыкъ джокъду.
  • Аууздан келген, къолдан келсе, ким да патчах болур эди.
  • Башынга джетмегенни сорма.
  • Чакъырылмагъан джерге барма, чакъырылгъан джерден къалма.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Ёзденликни джайгъан – джокълукъ.
  • Сабыр джетер муратха, сабырсыз къалыр уятха.
  • Адам туугъан джеринде, ит тойгъан джеринде.
  • Ёлюр джаннга, ёкюл джокъ.
  • Тил джюрекге джол ишлейди.
  • Тамчы таш тешер.
  • Терек ауса, отунчу – кёб.
  • Къанны къан бла джуума, аманны аман бла къуума.
  • Тюз сёз баргъан сууну тыяр.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии