Расширенный поиск
13 Декабря 2025 года
Логин: Регистрация
Пароль: Забыли пароль?
Навигация
Словарь
  • Аманны тукъумуна къарама, игини тукъумун сорма.
  • Къарнынг къанлынга кийирир.
  • Эл бла кёргенинг эрелей.
  • Ач, тоймам, дейди, тойгъан, ач болмам, дейди.
  • Кесине оноу эте билмеген, халкъына да эте билмез.
  • Бек ашыкъгъан меннге джетсин, дегенди аракъы.
  • Дуния мал дунияда къалады.
  • Мал кёб болса, джууукъ кёб болур.
  • Дженгил джетерикме деб, узун джолну къоюб, къысхасын барма.
  • Кирсизни – саны таза, халалны – къаны таза.
  • Таш ата билмеген, башына урур.
  • Нарт сёз къарт болмаз.
  • Къыз тиширыу кеси юйюнде да къонакъды.
  • Насыблы элин сюер, насыбсыз кесин сюер.
  • Иги бла джюрюсенг, джетерсе муратынга, аман бла джюрюсенг, къалырса уятха.
  • Аман адам элни бир-бирине джау этер.
  • Кёб джат да, бек чаб.
  • Билимден уллу байлыкъ джокъду.
  • Аман къатын алгъан, арыр, иги къатын алгъан джарыр.
  • Ишге юренсин къоллары, халкъ бла болсун джоллары.
  • Биреуге кёлтюрген таягъынг, кесинги башынга урур.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Дуния малгъа сатылма, кесингден телиге къатылма.
  • Ёпкелегенни ашы татлы болады.
  • Билим – акъылны чырагъы.
  • Ишни аллы бла къууанма да, арты бла къууан.
  • Адам сёзге тынгыла, акъыл сёзню ангыла.
  • Акъыл сабырлыкъ берир.
  • Бетинги сатма, малынгы сат.
  • Эркиши – от, тиширыу – суу.
  • Намысы джокъну – дуниясы джокъ.
  • Джашда акъыл джокъ, къартда къарыу джокъ.
  • Кёзден кетген, кёлден да кетеди.
  • Къонакъ аз олтурур, кёб сынар.
  • Сабийни джумушха джибер да, ызындан бар.
  • Джюрек кёзден алгъа кёрюр.
  • Сёз къанатсыз учар.
  • Рысхысына кёре, джаш ёсер, къышлыгъына кёре, мал ёсер.
  • Чомартха Тейри да борчлуду.
  • Бал чибинни ургъаны – ачы, балы – татлы.
  • Эки итни арасына сюек атма, эки адамны арасында сёз чыгъарма.
  • Адеб этмеген, адеб кёрмез.
  • Садакъачыны джаны – къапчыгъында.
  • Билими азны – ауузунда кирит.
  • Татлы сёз – балдан татлы.
  • Кийиминг бла танылма, адамлыкъ бла таныл.
  • Атынг аманнга чыкъгъандан эсе, джанынг тамагъынгдан чыкъсын.
  • Ачыу алгъа келсе, акъыл артха къалады.
  • Баш – акъыл ючюн, акъылман – халкъ ючюн.
  • Кёпюр салгъан кеси ётер, уру къазгъан кеси кетер.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии