Расширенный поиск
9 Декабря 2025 года
Логин: Регистрация
Пароль: Забыли пароль?
Навигация
Словарь
  • Ойнай билмеген, уруб къачар.
  • Ариу сёз джыланны орнундан чыгъарыр.
  • Бек анасы джыламаз.
  • Аманнга алтын чыдамаз.
  • Джарлыны эшигин махтагъан джабар.
  • Тойгъан джерден туугъан джер игиди.
  • Аш хазыр болса, иш харам болур.
  • Сёлеш деб шай берген, тохта деб, сом берген.
  • Минг тенг да азды, бир джау да кёбдю.
  • Джетген къыз джерли эшекни танымаз.
  • Джолунга кёре – джюрюшюнг, джагъанга кёре – юлюшюнг.
  • Борчунг бар эсе, хурджунунга ойлаб узал.
  • Къартха ушагъан джаш – акъыллы, джашха ушагъан къарт – тели.
  • Ауурну тюбю бла, дженгилни башы бла джюрюген.
  • Айырылгъанланы айю ашар, бёлюннгенлени бёрю ашар.
  • Къонагъынгы артмагъын алма да, алгъышын ал.
  • Атлыны кёрсе, джаяуну буту талыр.
  • Хунаны тюбюн къазсанг, юсюнге ауар.
  • Адамны артындан къара сабан сюрме.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Аман эсирсе, юйюн ояр.
  • Эрни эр этерик да, къара джер этерик да, тиширыуду.
  • Къыз чыгъаргъан – къызыл къымжа.
  • Элде адам къалмаса, ит тахтагъа минер.
  • Эр сокъур болсун, къатын тилсиз болсун.
  • Акъыллы айтыр эди, акъылсыз къоймайды.
  • Ашхылыкъ джерде джатмайды, аманлыкъ суугъа батмайды.
  • Акъыллы башны – тили къысха.
  • Суу ичген шауданынга тюкюрме.
  • Башда акъыл болмаса, эки аякъгъа кюч джетер.
  • Джашда акъыл джокъ, къартда къарыу джокъ.
  • Хансыз джомакъ болмаз.
  • Къайгъыны сюйген, къайгъы табар.
  • Чомартха хар кюн да байрамды.
  • Телиге от эт десенг, юйюнге от салыр.
  • Тёрде – темир таякълы, къаяда – чыпчыкъ аякълы.
  • Урама да – ёледи, сатама да – келеди.
  • Этек чакъмакълары баш джаргъан, сёлешген сёзлери таш джаргъан.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Джумушакъ сёз къаты таякъны сындырыр.
  • Чакъырылгъанны аты, чакъырылмагъанны багъасы болур.
  • Къарнынг ауруса, ауузунгу тый
  • Кёпюр салгъан кеси ётер, уру къазгъан кеси кетер.
  • Тил бла келеди джыр да.
  • Аджашханны ызындагъы кёреди, джангылгъанны джанындагъы биледи.
  • Асхат ашлыкъ сата, юйдегиси ачдан къата.
  • Тили узунну, намысы – къысха.
  • Сёз сёзню айтдырыр.
  • Адам туугъан джеринде, ит тойгъан джеринде.
  • Адамны сыфатына къарама, сёзюне къара.

Видеогалерея

Новое

Последнее просмотренное

Популярное

Радио Барс Эль

Будь на правильной волне!

Перейти

Последние комментарии