Расширенный поиск
7 Декабря 2025 года
Логин: Регистрация
Пароль: Забыли пароль?
Навигация
Словарь
  • Орундукъ тюбюнде атылсам да, орта джиликме, де да айлан.
  • Тил бла келеди джыр да.
  • Эринчекге кюн узун.
  • Тынгылагъан тынгы бузар.
  • Ашын ашагъанынгы, башын да сыйла.
  • Сакъламагъан затынга джолукъсанг, не бек къууанаса, не бек ачыйса.
  • Чалманны аллы къалай башланса, арты да алай барады.
  • Ауругъаннга – кийик саулукъ, джетген къызгъа – чилле джаулукъ.
  • Кёл – къызбай, къол – батыр.
  • Берекет берсин деген джерде, берекет болур.
  • Арыгъан къош чамчы болур.
  • Аджашханны ызындагъы кёреди, джангылгъанны джанындагъы биледи.
  • Аш иеси бла татлыды.
  • Акъыл бла адеб эгизледиле.
  • Джарлы тюеге минсе да, ит къабар.
  • Къонакъ кёб келюучю юйню, къазаны отдан тюшмез.
  • Аш хазыр болса, иш харам болур.
  • Ёлген ийнек сютлю болур.
  • Агъач – джерни чырайы, кийим – эрни чырайы.
  • Билимсиз иш бармаз.
  • Адамны адамлыгъы къыйынлыкъда айгъакъланады.
  • Ачыу алгъа келсе, акъыл артха къалады.
  • Ач отунчуну ачыуу – бурнунда.
  • Ёгюзню мюйюзюнден тутадыла, адамны сёзюнден тутадыла.
  • Кёпюр салгъан кеси ётер, уру къазгъан кеси кетер.
  • Биреуню эскиси биреуге джангы болмайды.
  • Адам къыйынлыгъын кёлтюрюр, зауукълугъун кёлтюрмез.
  • Намыс болмагъан джерде, насыб болмаз.
  • Адамны артындан къара сабан сюрме.
  • Сууда джау джокъ, кёб сёзде магъана джокъ.
  • Адам сёзге тынгыла, акъыл сёзню ангыла.
  • Эшекге миннген – биринчи айыб, андан джыгъылгъан – экинчи айыб.
  • Адам къаллай бир ишленмесе, аллай бир кесин уллу кёреди.
  • Билимден уллу байлыкъ джокъду.
  • Иги адам абынса да, джангылмаз.
  • Таула не мийик болсала да, аууш табылыр.
  • Ишлегенде эринме, ишде чолакъ кёрюнме.
  • Къарнынг ауруса, ауузунгу тый
  • Тюзню ётмеги тюзде къалса да, тас болмаз.
  • Кёб къычыргъандан – къоркъма, тынч олтургъандан – къоркъ.
  • Аллахха ийнаннган кишини, Аллах онгдурур ишин.
  • Онгсузну – джакъла, тенгликни – сакъла.
  • Сормай – алма, чакъырылмай – барма.
  • Адам боллукъ, атламындан белгили болур.
  • Уллу атлама – абынырса, уллу къабма – къарылырса.
  • Эри аманны, къатыны – аман.
  • Чарсда алчыны эл кёреди.
  • Нёгерсизни джолу узун.
  • Къонакъны къачан кетерин сорма, къачан келлигин сор.
  • Уллу къазанда бишген эт, чий къалмаз.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии