- Керилген да, ургъан кибикди.
- Чабакъ башындан чирийди.
- Адам къаллай бир ишленмесе, аллай бир кесин уллу кёреди.
- Адамны адамлыгъы къыйынлыкъда айгъакъланады.
- Чакъырылмагъан джерге барма, чакъырылгъан джерден къалма.
- Накъырданы арты керти болур.
- Къайтырыкъ эшигинги, къаты уруб чыкъма.
- Хантына кёре тузу, юйюне кёре къызы.
- Айраннга суу къош, телиге джол бош.
- Джаханимни кёрмей, джандетге кёл салмазса.
- Тин – байлыгъынг, терен саулугъунг.
- Сангырау къулакъ эл бузар.
- Эте билген, этген этеди, эте билмеген, юретген этеди!
- Ачыкъ джюрекге джол – ачыкъ.
- Минг тенг да азды, бир джау да кёбдю.
- Гитче джилтин уллу элни джандырыр.
- Аманнга да, игиге да оноусуз къатышма.
- Ана къолу ачытмаз.
- Байлыкъ болгъан джерде, тынчлыкъ джокъду.
- Игини сыйлагъан адетди.
- Агъач – джерни чырайы, кийим – эрни чырайы.
- Къайгъы тюбю – тенгиз.
- Кенгеш болса, уруш болмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Мураты болгъанны джюрек тебюую башхады.
- Джарлы тюеге минсе да, ит къабар.
- Термилгенинги табмазса, кюлгенинге тюберсе.
- Джыланны къуйругъундан басарынг келсе, аны башы болгъанын унутма.
- Къартны бурнун сюрт да, оноугъа тут.
- Къарнынг ауруса, ауузунгу тый
- Биреуню эскиси биреуге джангы болмайды.
- Алма терегинден кери кетмез.
- Хар зат кесини орнуна иги.
- Ашатыргъа иш – ашхы, ишлетирге аш – ашхы.
- Гыдай эчки суугъа къараб, мюйюзле кёрмесе, джашма алкъын, дегенди.
- Ишлемеген – тишлемез.
- Къазанны башы ачыкъ болса, итге уят керекди.
- Адамны сабийин сюйген джюреги, бычакъча, джитиди.
- Къонакъ аз олтурур, кёб сынар.
- Кёз – сюйген джерде, къол – ауругъан джерде.
- Кюн – узун, ёмюр – къысха.
- Атынг аманнга чыкъгъандан эсе, джанынг тамагъынгдан чыкъсын.
- Ашхы болсанг, атынг чыгъар, аман болсанг, джанынг чыгъар.
- Таукелге нюр джауар.
- Чакъырылгъанны аты, чакъырылмагъанны багъасы болур.
- Биреуге аманлыкъ этиб, кесинге игилик табмазса.
- Чомартны къолу берекет.
- Бек анасы джыламаз.
- Тойгъа алгъа да барма, тойда артха да къалма.
- Эки къатын алгъан – эки ташны ортасына башын салгъан.
