- Кёз – сюйген джерде, къол – ауругъан джерде.
- Къайгъы тюбю – тенгиз.
- Къыйынлы джети элге оноу этер.
- Тешик этген тынчды, аны джамагъан къыйынды.
- Телини эшигин, махтау джабар.
- Тёрде – темир таякълы, къаяда – чыпчыкъ аякълы.
- Билимли ёлмез, билимсиз кёрмез.
- Адам туугъан джеринде, ит тойгъан джеринде.
- Ишин билген, аны сыйын чыгъарады.
- Джолунга кёре – джюрюшюнг, джагъанга кёре – юлюшюнг.
- Джангызны оту джарыкъ джанмаз!
- Ашхы атаны – джашы ашхы, ашхы ананы – къызы ашхы.
- Аш иеси бла татлыды.
- Мал кёб болса, джууукъ кёб болур.
- Джаз бир кюнню джатсанг, къыш талай кюнню абынырса.
- Адеб джокъда, намыс джокъ.
- Мен да «сен», дейме, сен да «кесим», дейсе.
- Танг атмайма десе да, кюн къоярыкъ тюйюлдю.
- Адамны аты башхача, акъылы да башхады.
- Ашда – бёрю, ишде – ёлю.
- Тюзлюк тас болмайды.
- Билеги кючлю, бирни джыгъар, билими кючлю, мингни джыгъар.
- Тас болгъан бычакъны сабы – алтын.
- Аман адам элни бир-бирине джау этер.
- Къазанчы аман болса, къазаны къайнамаз.
- Тилде сюек болмаса да, сюек сындырыр.
- Окъугъан – асыу, окъумагъан – джарсыу.
- Мал тутхан – май джалар.
- Ашха уста, юйюнде болсун
- Ана – юйню кюн джарыгъы.
- Окъугъанны бети джарыкъ.
- Кёл – къызбай, къол – батыр.
- Тёрдеги кюлсе, эшикдеги ышарыр.
- Агъач халкъгъа алтынды, иссиликге салкъынды.
- Тилсиз миллет джокъ болур.
- Ашыкъгъан cуу, тенгизге джетмез.
- Башланнган иш битер, къымылдагъан тиш тюшер.
- Аджалсыз ёлюм болмаз.
- Ойнай билмеген, оюн бузар.
- Чакъырылмагъан къонакъ къачан кетерин сормаз.
- Эл ауузу – элек, анга ийнаннган – халек.
- Аджаллыгъа окъсуз шкок атылыр.
- Ашатыргъа иш – ашхы, ишлетирге аш – ашхы.
- Къарнынг къанлынга кийирир.
- Кёб джашагъан – кёб билир.
- Артына баргъанны, къатына барма.
- Юйюнг бла джау болгъандан эсе, элинг бла джау бол.
- Джырчы джырчыгъа – къарнаш.
- Кесине оноу эте билмеген, халкъына да эте билмез.
- Джерни букъусу кёкге къонмаз.
