- Булут кёкге джарашыу, уят бетге джарашыу.
- Сабийни джумушха джибер да, ызындан бар.
- Къанны къан бла джуума, аманны аман бла къуума.
- Ачылгъан эт джабылыр, кёрген кёз унутмаз.
- Тюзлюк тас болмайды.
- Тилчи тилден къаныкъмаз.
- Къумурсхала джыйылсала, пилни да джыгъадыла.
- Алгъанда – джууукъ, бергенде – джау.
- Айраннга суу къош, телиге джол бош.
- Биреуню эскиси биреуге джангы болмайды.
- Ана къойну – балагъа джандет.
- Къралынгы – душмандан, башынгы от бла суудан сакъла.
- Баш болса, бёрк табылыр.
- Таула не мийик болсала да, аууш табылыр.
- Эл тойса, тоймагъан, эл къойса, къоймагъан.
- Билмезни кёзю кёрмез, этмезни къулагъы эшитмез.
- Бастасын ашагъан, хантусун да ичер.
- Ауурну тюбю бла, дженгилни башы бла джюрюген.
- От этилмеген джерден тютюн чыкъмайды.
- Аманнга игилик этсенг, юйюнге сау бармазса.
- Къыйынлы джети элни къайгъысын этер.
- Къонакъ хазыр болгъанлыкъгъа, къонакъбай хазыр тюлдю.
- Эл ауузу – элек, анга ийнаннган – халек.
- Эринчекни эр алмаз, эр алса да, кёл салмаз, кёл салса да, кёб бармаз!
- Ёлген ийнек сютлю болур.
- Ёпкелегенни ашы татлы болады.
- Нарт сёз къарт болмаз.
- Ишге юренсин къоллары, халкъ бла болсун джоллары.
- Ёлюк кебинсиз къалмаз.
- Тёзгеннге, джабылгъан эшик ачылыр.
- Соргъан айыб тюлдю, билмеген айыбды.
- Билим ат болуб да чабар, къуш болуб да учар.
- Къарын къуру болса, джюрек уру болур.
- Ашхы – джыяр, аман – джояр.
- Кёпюр салгъан кеси ётер, уру къазгъан кеси кетер.
- Тау башында, тау болмаз, джангыз терек, бау болмаз.
- Окъдан джара эртде-кеч болса да бителир, сёз джара, ёмюрге къалыр.
- Керти сёзге тёре джокъ.
- Къая джолда джортма, ачыкъ сёзден къоркъма.
- Артына баргъанны, къатына барма.
- Чабакъ башындан чирийди.
- Хоншуну тауугъу къаз кёрюнюр, келини къыз кёрюнюр.
- Тиширыусуз юй – отсуз от джагъа.
- Душманны тышы – акъ, ичи – къара.
- Ата Джуртун танымагъан, атасын да танымаз.
- Кютгени беш эчки, сызгъыргъаны уа, джерни джарады.
- Башы ишлегенни, ауузу да ишлер.
- Ачлыкъда тары гырджын халыуадан татлы.
- Таукел къуру къалмаз.
- Окъумагъан сокъурду, сокъур ташха абыныр!
