- Чакъырылгъанны аты, чакъырылмагъанны багъасы болур.
- Кийиминг бла танылма, адамлыкъ бла таныл.
- Къумурсхала джыйылсала, пилни да джыгъадыла.
- Ауругъан – джашаудан умутчу.
- Ашын ашагъанынгы, башын да сыйла.
- Тюзлюк тас болмайды.
- Арпа, будай – ащды, алтын, кюмюш а – ташды.
- Хата – гитчеден.
- Билмезни кёзю кёрмез, этмезни къулагъы эшитмез.
- Ач – эснер, ат – кишнер.
- Телиге от эт десенг, юйюнге от салыр.
- Зар адам ашынгы ашар, кесинги сатар.
- Илму – джашауну джолу.
- Къар – келтирди, суу – элтди.
- Юре билмеген ит, къонакъ келтирир.
- Тойну къарнашы – харс, джырны къарнашы – эжиу.
- Гыдай эчки суугъа къараб, мюйюзле кёрмесе, джашма алкъын, дегенди.
- Ариу сёз аурууунгу алыр.
- Окъуу – билимни ачхычы, окъуу – дунияны бачхычы.
- Ач къарынны, токъ билмез
- Ишлерге уял да, ашаргъа табма.
- Аманнга алтын чыдамаз.
- Нарт сёз – тилни бети.
- Игилик игилик бла сингдирилиучю затды.
- Джырына кёре эжиую.
- Къартха ушагъан джаш – акъыллы, джашха ушагъан къарт – тели.
- Биреуню къыйынлыгъы бла кесинге джол ишлеме.
- Ашда – бёрю, ишде – ёлю.
- Бети – къучакълар, джюреги – бычакълар.
- Айранны сюйген, ийнек тутар.
- Джюз элде джюз ёгюзюм болгъандан эсе, джюз джууугъум болсун.
- Харам къарнашдан, халал тенг ашхы.
- Къолу уллу – асыу, аягъы уллу – джарсыу.
- Билеги кючлю, бирни джыгъар, билими кючлю, мингни джыгъар.
- Ёлген ийнек сютлю болур.
- Аш иеси бла татлыды.
- Адамгъа аман кюн соруб келмейди.
- Эки къатын алгъан – эки ташны ортасына башын салгъан.
- Болджал ишни бёрю ашар.
- Кёзю сокъурдан – къоркъма, кёлю сокъурдан – къоркъ.
- Ашыкъгъан cуу, тенгизге джетмез.
- Таула не мийик болсала да, аууш табылыр.
- Тилчиден кери бол.
- Къан бла кирген, джан бла чыгъар.
- Адам туугъан джеринде, ит тойгъан джеринде.
- Аджашхан тёгерек айланыр.
- Джарлы джети элни сёзюн этер.
- Келинин тута билмеген, къул этер, къызын тута билмеген, тул этер.
- Джахил болса анасы, не билликди баласы?
- Джангыз торгъай джырламаз.
Пожалуйста, авторизуйтесь: