ЖОМАКЪ
Аппасына къонакъгъа
Келгенди туудукъчугъу,
Ойнай кетип эригип,
Келгенди жукъучугъу.
Аппа айтчы, бир жомакъ,
Тынглайым деп тиледи
Аппа ыразы болуп,
Охо балам, хо деди.
Эртте, эртте, бек эртте,
Жашагъанды эмеген,
Жаныуарланы къанын,
Суусап орнуна ичген,
Жолда кергени болса,
Ызындан жетип тутхан,
Ашарыкъа аузуна,
Бир къабын этип жутхан
Кесини уа кесини эки къолу аягъы
Бир кезю бла бир къашы
Бир уллу сылхыр башы
Беш бармакъны орнуна,
Онгда юч, солда да юч
Кесинде уа, кесинде,
Аллай къарыу, аллай кюч.
Кезчюклерин жандырып
Аппасыны къойнунда,
Къолчукъларын чулгъады,
Къаты къысып бойнуна
Аппа болду,къой деди,
Энди оюн ойнайыкъ,
Эмегенни хапарын
Тамблагъа къояйыкъ
Ай жашым,-деди Аппа
Батыр бол, болма къоркъакъ,
Сен эштген жомакъ эди
Бурун заманда жомакъ.
Танзиля Асанова (Башиева)