Бир кюн бир, джанымдан татлы Татлыханчыкъ бла олтуруб тургъанлай Эльбрусоидни юсюнден сёлешдик. "Форумуна кириб, джазаллыкъмыса", - деб сорду, алай-былай болмазлыкъ Татлыхан. "Джазгъанны къой, тема да ачарма.... топикстартер да болурума", - дедимда, ачаргъа келдим.

Хы, ачдым, джамагъат!
Энди мен сизден излегеним, джашауугъузда кёре-эште баргъан чам хапарланы, кюлкюлюк затланы (менден къалгъан ) бери джаза барсагъыз, бек разы этеригегиз))...
Хы, эсиме тюшгенлей буну да айтайым, интернетде табхан анекдотну тилибизге кёчюрюб бери ташымасагъыз, энтда бир кере разы этериксиз. Аутентичный хапарла болсунла, миллетибизни халисин, ёзюн кёргюзтген хапарла.
Не тилде джазайыкъ десегиз, къарачай-малкъар тилде джазыгъыз дерме. Алай а ингилизча, французча эм да суахилиде джазама дей эсегиз, огъайым боллукъ тюлдю. Бу мен айтхан тиллени билмегенле уа, орусча келиштирсинле)))

Татлыханчыгъым, сёз этгенинги къойда, ол менден ёнкюч алгъан беш капегинги къош)))).

Алгъа, аланла

Эшитген эсегиз да...

Ол паспортла ауушдурулгъан заманлада эки къарачай джаш къайсы эседа бир ууакъ ногъай эллени бирлерине тюшедиле кърал атындан ол джумушну баджара. Адамла келелле да эски паспортларыны ичлерине картларын(фото) салыб бериб, чыгъыб кетедиле сакъларгъа. Документи хазыр болгъанына кёре - кирдиле-алдыла-кетдиле.
Эте келедиле да...Бир паспортну ичинде карт джокъ...Излейле, къарайла, табылмайд...
- Къалай этебиз, заман да джетиб келеди, - дейд бири.
Экинчиси уа излеуге сингиб, къагъытланы ичинде болгъанны чучхуб, мушулдаб, эси кетиб...
- Ма муну артыкъ картлары бард, - деб башха биреуленникилени узатады.
- Эсинг орнундамыды?!
- Къой, была бары да бир-бирлерине бек ушайдыла, бу уа тамам да,- деб тохтамайд...
- Сени башынг къачан да таб тюл эди, бу джол а кеси-кесинги оздунг!
Алай кибик бола келеди да...Чот бир кесек шош болгъанлай, ол къайгъычы хатачыгъын этеди джашыртын.
Ол "избранный" ногъайлыгъа джетгенинде кёзюу, дауур ачады...
- Бу мени суратым тюлдю, не этесиз, онгмагъанла...!!!
- Къалай тюлдю? Просто... бир кесек... кюн джарыкъ терсине тюшюб...таныялмай тураса кесинги...ансы...
- Мени ёмюрюмде быллай кёлегим болмагъанд!, - деб "точка" салды ногъайлы.

Цитата
ran пишет: Эшитген эсегиз да...

это уже прямо на исторический анекдот тянет))))

Говорят, было дело в Сары-Тюзе.))
Пришла в местную школу молодая и вся такая строгая учительница. Её назначили руководительницей в один из старших классов. А там, ребята-подростки, трудный переходный период, в общем, с несколькими мальчиками отношения дошли до белого каления. Ну, учительнице-то что, она терпеливо ждала часа расплаты))) а вот когда стала приближаться пора выпускных экзаменов, то и до подростков стало доходить, что они попали в весьма невыгодную ситуацию, до такой степени невыгодную, что это им грозило провалом выпускных экзаменов и вторым годом, которые им были обещаны))Вдобавок еще и дома влетело бы))Спесь с них быстро сошла, и заработал инстинкт самосохранения . Они умудрились распиарить свою учительницу родственнику одного из ребят и даже помогли ему с кражей невесты и прочими свадебными заморочками, предварительно поставив условие, что до выпускных экзаменов муж, под какими угодно предлогами, свою жену на работу не пускает)))Ну, парень, как дал слово, так его и сдержал - учительница, теперь его жена, вопреки своему неудержимому желанию быть отмщенной на выпускные так и не попала))))

Къаты, къаты)))
Мен да талай джыл хурджунумда кеси аллына айлангъан капегим ортагъа атайым)) Кесим юч сагъат кюлгенем бу интерес хапаргъа)))

Бир Карт-Джуртчу танышларым бирлерине келин алгъандыла Сторожевой джанындан. Къууанчлада уа хаман джашла бир чам-баш этиб турала да, къызны джаны да, келин юйден чыкъгынчы (олтургъан этиучендиле да, ол заманда), талай чамла этгендиле кюеу джанындагъылагъа...
Сора, келинни алгъандыла, къыз дженгерле да биргесине, Къарачай ёзенге джетгендиле, алайда Аман Ныхыт деб, бир узун таб поворот барды, анда солургъа тохтагъандыла. Учкуландан бир джаш алайда къыз дженгерлени бир джанына алыб, "тенг тенглеринеча" алагъа айтханды: "сиз бир кесек сабыр болугъуз, блайы бир тюрлюдю, Къарачай ёзенчиле сейир адамлала, асыры къаты чамланы ангыламай къалыргъа боллукъла..." - дей тургъанлай, тау артындан бир мешна учуб чыкъгъанды, была тургъан джерге джетерге, поворотха сыйынмай башлагъанды, эки чархында къыза барыб, ушакъ эте тургъан компаниядан узакъ болмай, баш тёбенине айланыб къырдыкъгъа джабышханды. Аны кергенле къоркгъандыла, не болуб къалды, деб, илгенгендиле... Мешна ичинден а уа, чыгъа да айланмай, къычыргъандыла: "Эй, бу мешнаны ары чархларына бир салыгъыз! Не къарайсыз?", деб. Джетиб мешнаны биргелей тюзюне айландырдыла, "кимгъе къууанчха барасыз?" - деб, алада сордула, "барлыкъбыз биз да, бир джумушну этейесек," - дедиле да, мешналарын къабындырдыла, къыздырыб кетдиле. Къыз дженгерле да бир кесек тынч болдула)))

Цитата
Totur_Ram пишет: "Эй, бу мешнаны ары чархларына бир салыгъыз! Не къарайсыз?",

артыкъ къормагъан эдиле

Къара чачлы, Къарачайчыла къоркъурча зат болмаз, не затхада хазыр болуб турала)))

Totur_Ram,
биягъы сен, бюкдюнг да къойдунгКесин махтагъандан ,сен бир да къууанма)))

Къара чачлы, Мен тюгел аллай тюлме, къайры))
мешна бла баш тюбюне айлансам, бир талай кюн эшикге-башха чыкъмай юйде шорпа иче, эс джыя турама)))

Цитата
Totur_Ram пишет: "Эй, бу мешнаны ары чархларына бир салыгъыз! Не къарайсыз?"

Капеклеринги къоша-къоша тур анда-санда)))


Учкуланда уа чамны бек сюе болурла мы))Башха эшитген бир хапарым))

Учкуланда бир джаш болгъанды да. Кеси уа ичиучю, хатачы бир зат. Иче, мешнасын аудура, тюйюле тура...хаманда башына бир зат келиб тура эди. Учкулан башында уа бир мийик кёпюр бар эди. Андан кетген хайуан болсун, адам болсун - киши сау къалмагъанды. Бир кюн бу джаш грузовой мешнасына да агъач джюклеб ол кёпюр бла ёте тургъанлай, кёпюр ауурлукъну кётюрмей, оюлгъанды да къалгъанды. Джаш мешнаны тюбюнде къалыб, агъачла да юсюне къуйюлгъандыла. Кеси уа биягъы сау чыкъгъанды)) Андан сора анга бир тенги айта эди:

- Аллах сеннге къысха-къысха телеграммала иеди, сен да аякъ тиреб, баргъа унамайса)))

Татлыханчыкъ,


Ай, аман кесинг Татлыхан! Къайры тас болгъанса!? Романла джазаргъа кетмеген эсенг!))

Totur_Ram, къой, Аллах сакъласын, бир кюн бузда машна учханды да, юйге келгенден сора да, кючден кесиме келгенме:"Учуб,тохтамай къалса уа не боллукъ эди, черекге секириб кетсек а не этерик эдик, къая тийсек а не болур эди", деб, кеси кесими келгенден сора да тынчайтмай
МЫСТЫХАНЧЫКЪАры кетгенден эсе уа,сюймей аякъ тирер))))

Фармацевтге окъуб бизни къралда, бир къарачай къыз бла да юйлениб Учкекенде бир негр джаш джашайды. Аты да Габриэлди. Кеси да, блай келгенлей, анда аптекге тюкенчи болуб кирген эди. Хапары уллу элге белгили болмагъан заманда болгъанды бу хапар.
Юч къарачай джаш, бир уллу къууанчдан келе, джолда аптекге къайтхандыла. Анасына дарман керек болуб, бири киргенди. Эшикни юсюнде тохтаб, кёзюне ийнаналмайын, ызына чыгъыб кетгенди. Ызына келиб нёгерлерине да толу хапар айтмайын, кюлкюлюк болмайым деб, аланы да биргесине чакъыргъанды: "Биргеме бир келигиз, асыры башым къатышхандан, биртда бир табсыз бола турама. Бу ичгенни къояргъа керек болурму..."
Ючюсю бирге кире кириб, биягъыла, эшик юсюнде тохтаб къалгъандыла. Габриэл, сакълай туруб сёлешириклерин, кеси соргъанды:
"Не керек эди, джашла?"
Къарачайча таза сёлешгенин эшитгенлеринде уа, керти да, энди, акъылларындан тайыша башлагъандыла деб, джашла къычырык этиб, къачыб чыкъгъандыла.

Мыстыханчыкъ,

Татлыханчыкъ,
къызла, тансыкъ этдиргенсиз кесигизге)
бизни къоюб, биягъы сиз, ныгъышха олтуруб элни да, ары-бери ётгенни да, сёзюн да, керегин да бере, тура болурсуз) (!);)

хайда, ай аман кесигиз, сакълайбыз)))

ма бу хапардан сеир хапар биле эсегиз)

Бурун, Къарачайгъа белгили, бир джазыучу, къартлыгъында кесинден талай джылгъа джаш, эллеге да ариулугъу бла баям болгъан бир тиширыуну сюйгенди.Кесин тыялмайын, аны атын айтыб, назмула джазыб, юйюнде аланы джырлаб тургъанды. Къатыны ачыуланса уа, аны терслеб: "Къойчун, сен, бир къарангы къатын. Сен не ангылайса? Мен, иш этиб, ол атны назмугъа келишдириб, джырлайма! Сени атынгы уа келишдиралмайма. Сабийим тенгли, къызчыкъны сюеми айланырыкъма мен?!" - деб, къатынындан башын алыргъа излегенди.

Къатын а, ичине да кириб чыгъалмагъанды, ачыу да къайнаб тургъаны амалтын, бир мадар этиб кёргенди. Мадары уа ол болгъанды.
Къызны кесине тюбеб, кёзден-кёзге эрине келекчилик этерге, алдаб юйге алыб келирге, алайда уа, къыз кишини эршилигин кёрюб, къычырыкъ-сыйыт этиб, джылаб къачса, кишини джюреги, тарс деб, эки джарылыр!
Анга эрин махтагъанды: "Дунияда болмагъан бир ариулугъу да, акъылы да, игилиги да, джумушакълыгъы да, усталыгъы да, болуму да" - дей, къатын алдай бергенди. Къыз ийнаныб барына, дагъыда иги сагъыш этгенди: "ий керти, бу алай аламат эсе, бу джылы джетген, иги тиширыуну да алдай билген эсе, андан аманнга, къайда телиге-болумсузгъа баргъанымдан эсе биринчиге, дуния бла аламатха - экинчиге барайым. Ол тиширыу айтханча, джумуш да къуру биринчиге джете эсе, артыкъ да аламат!" - деб, - "хо!" - дегенни басханды.
Къууаныб, ызына юйге къайтыб келиб, къатын къартха сюйюмчю айтханды: "Э, къарт, ол сюйюб-кюйюб баргъан къызынгы сенге къачырыргъа сёлешиб келеме!" Къарт бек кёб кюрешгенди аны тыяргъа. Къоймай, къатын не тюрлю сылтау бла кишини хорлагъанды: "Тюзюн айтханма дейме! Джылынгы да, къарыуунгу да, аурууларынгы да. Дагъыда, Аллахдан келген пахмулу назмучуду деб, айтханым бла, "хоума!", деб тохтады! Ийнан!"
къызны юйге келтиргенди. Эри болгъан мекямгъа киргизтгенди.
Къыз ётюб барыб мюйюшге олтургъанды. Къатын бола тургъаннга ийнаналмай, сейир болуб, иш этиб къызгъа соргъанды: "Энди да къалыргъамы дейсе?!"
"Ма бу сыфаты бла сенге аллай бир ариу кёрюне билген эсе, мен сагъыш этгенден да озуб, кертида, дуния сейир болурча бир адамды бу! къалмай а уа?!" - деб, къыз къалыб кетгенди.

Къара къанджал!

Эта история уже бытует как анекдот)))
Почти из первых уст, поскольку эта история произошла с моим дедом)))

Когда они жили в Казахстане, у него был один друг казах, не очень богатый, понравилась ему девушка одна, и он попросил деда сходить в их дом, къыз тилей) а дедушка хороший рассказчик, ну и начал там расписывать матери невесты, какой этот казах замечательный. "Юйю да болса, иши да болса, осу-бусу да болса..." Они и согласились. Сыграли свадьбу, но уже потом увидели, что парень не так уж и богат как дед рассказывал)) мать невесты несколько дней караулила у дома деда, хар кергеним сайын приходилось переждать, но все же она его подловила, начала ругаться. Тут тоже он пытался отмахнуться, сказав что это был не он, а брат близнец))
В итоге сказал: - мен болса дей эдим да, барды демей эдим))) а ты просто не дослушала)

Надо будет завтра почитать, что вы тут пишите)

Цитата
KALAYSA Pictures пишет: бир биригизге ушаш, сиз туугъан эгечле болурсуз, не?))) близняшкачыкъларыбызданмысыз?)))

Ушашны билмейме)))... джаш заманымда, мени айырыб ариучукъкъа санай эдиле)))) Алай а джанымдан багъалы, Мыстаханчыкъныда чырт да бир хатасы джокъ эди, эс ийиб къарамасанг)))))

Цитата
КёлКёз пишет: къызла, тансыкъ этдиргенсиз кесигизге) бизни къоюб, биягъы сиз, ныгъышха олтуруб элни да, ары-бери ётгенни да, сёзюн да, керегин да бере, тура болурсуз)

Ой-ой... Кёлкезчюкъ-кёккёзчюкъ))) дунияны башында бир кёб сёйир зат бола турады))) Мыстыхан бла мен эс белмесек... чыртда джарамаз))) Выбор-мыбор, долларны курсу, инвестициала))) ары-бери ётгенни санамай къойсангда))))
Биз "санитары лесабыз", кереклилерин бере турмасакъ, узунуна седиреб кетерикди халкъ)))))

Цитата
Мыстыханчыкъ пишет: Ай, аман кесинг Татлыхан! Къайры тас болгъанса!? Романла джазаргъа кетмеген эсенг!))

Кет, юйюнг къурмазлыкъ))))) сериалны сценарийин джибердим продюссерге))))

Аптобусда болгъан хапар

Къарачай шахардан Ючкекеннге джюрюген автобусда болгъан хапар. Айтылыб тургъан бир автобус болгъанды кеси уа, иеси бла бирге. Мустафа деб, эшитген эсегиз. Карпедге окъугъан студентлеге деб къуралгъан рейс болгъанлыкъгъа, алай а ким да олтура эди. Миллет да тыкъ-тыкълама джыйыла эди ичине. Алай а, Мустафа остановкада адам чабыб келгенин кёрсе, «Орун джокъду», дер ючюн да тохтата эди.
Бир кюн толгъан автобусха джылы джетген бир тиширыу киргенди. Бир студент къызчыкъ орун берди анга. Автобусда болгъан къартла бюсюреу этдиле къызгъа:
- Ай, маладес къызы…
Сора ол къатын да, настроениясымы джокъ эди, огъесе халисими алай эди:
- Хо, меннге орунму берди, джашлагъа къысылайым деб тургъанды, - деб, ауууз джетдирди.
Автобусда баргъанла аны ушатмадыла.
Алай а къызчыкъ тынгылады, джууаб этмеди, сора остановканы бирине джете, къатындан тиледи:
- Бир турсагъыз, сумкамы алайым сиденияны тюбюнден.
Къатын былай тургъанлай, ызына олтурду да къалды къыз:
- Бар энди кесинг къысыл джашлагъа, - дегенни да айтыб.
Автобус да къара къатды кюлкюден, джангыз харс урмагъан эдиле, ансы…)))

Танца-манцы, зажигаем)))
Ючкекенни джанындан джашла Нарсана таба дискотекагъа атланнгандыла. Эки-ючю джитирек болуб, эрлей тепсеуге къошулгъандыла. Бириси уа къабыргъа къатын сакълай къалгъанды. Сора тенглери ызындан бир эки орус марушкону ашыргъандыла. Ала да къатына барыб, къошакъланыдла:
- Пойдем, потанцуем, - деген кибикле этиб.
Джаш да:
- Нее, не, не пойду…
«Почему, почему», - деб, къызла да къадалгъандыла.
Болмагъанында, джаш да айтды:
- Я тянусь…
- Что ты делаешь?
- Тянусь…
Джукъ ангыламай, къызла алайдан ташайдыла. Юйге бара, тенглери сордула сора:
- И не дегенлигинг эди ол, «тянусь» деб?
- Да тартыннган этеме дейем.

Татлыханчыкъ,

Цитата
Татлыханчыкъ пишет: Кет, юйюнг къурмазлыкъ))))) сериалны сценарийин джибердим продюссерге))))

Аллах ючюн)))
А не джазгъаненг да ары?)))))Ол бери салгъан хапарларынгданмы огъесе?))))))
Кесинг да биягъы къар джаудураса башыбызгъа)))Форумгъа джолну аджашмай къалай табыб къойдунг?))))

Цитата
Татлыханчыкъ пишет: - И не дегенлигинг эди ол, «тянусь» деб? - Да тартыннган этеме дейем.

"Оттягиваться на дискотеке" деген сёз да бу джашдан башланыб кетген болур))))))))))

Татлыхан къайсы джети тюшюнде къураштыра эседа бу хапарланы билмейме, алай а форумда ёрге бла энгишге айланыб, бир затланы табханма мен да)))Толу кёре эдим форум быллай хапарладан))Акъыртын-акъыртын бери джыя барайым:


Кто быстрее))

Действие происходило в Карачаевске (могу и перепутать). Договорились, значит, общие знакомые познакомить парня и девушку. Как бы невзначай встречаются компания девушек и парней. Приветствия, вопросы «Как живете?», шутки и т.д...В процессе представляют друг другу парня и девушку. Решили пройтись по парку всей компанией. Парень (жених) идет рядом с девушкой. Та прибавляет шаг, парень автоматом тоже. Девушка еще быстрей, парню делать нечего, подстраивается под её резвую походку. И вот когда девушка прибавляет еще, и до бега остается совсем немного, парень останавливается и говорит:

- И чабышайыкъ дей эсенг, стадионга барайыкъ! (с) (куб-руб)

Мыстыханчыкъ,

Татлыханчыкъ,

тоба, къызла, таный башлагъанма дейме сизни)));)

эндта бир хапарчыкъ бир джазаим)
школда аман окъугъан сабийлеге устазлары иги урушуб, юй ишны иги этиб келирге къаты джумуш бергенди.
экинчи кюн бирин къангагъа чакъыргъанды.
- Нарисуй равнобедренный треугольник. - дегенди.
Сохтасы айтханын джараштырыб суратын къангагъа салгъанды.
- Так, хорошо. Молодец. Ну, теперь. докажи, что этот треугольник равнобедренный! - десе, сохтасы бир аз да джунчуб, класынада къраб, болушлукъ излегенча, болмагъанында:- Да я мамой родной клянусь! - деб къычырды.

Магомет ГЕККИ айтхан бир къауум чам хапарны эшитдирейим)))
* * *
– Аланла, биз да кишилебиз, – деп турабыз... бизни арабызда уа къатынындан къоркъмагъан хазна болмаз.
– Эшта-эшта, ма мен чыртдан да къоркъмайма! – Ай маладес, ай аперим, не батыр адамса, къалай къоркъмайса?
– Гыржын мен этсем, тюкеннге мен часам, быстыр мен жуусам, сабийлеге мен къарасам... да мен аны несинден къоркъарыкъма?! Ыы?? Ёлтюрюп къоярыкъ болмаз да...
* * *
– Алан, санга не къан жаугъанды, неди бу ачы хапар??
– Бош-бош, юй кюйгенди, къатын ёлгенди.
* * *
Ныгъышда олтургъанланы бирине, суху келген хоншусу:
– Тапханса олтурур заман. Къайын ананг ёлгенди.
– Ай, юйюнге ахча жаурыкъ, аллай къылыгъы уа жокъ эди…

Цитата
КёлКёз пишет: тоба, къызла, таный башлагъанма дейме сизни)));)

Уоо))Татлыханны мыйыкълары отклеиться этибми къалдыла)))

Цитата
мафия пишет: – Ай, юйюнге ахча жаурыкъ, аллай къылыгъы уа жокъ эди…

Короче, керти хапар болгъанды.

Бир къарачай кишини таулу киеую болгъанды. Ол кюеуню да - тёрт къызы. Бир кюн олтуруб, къарачайлыгъа тарыгъа тургъанды:
- Къызларыма акъыл юретейим десем да, чырт болмайды. Урушайым десем да, балтузча эриб, джылаб къоядыла. Не этерими билмей къалдым...
Сора къарачайлы да, былай ёхтемленирек этиб:
- Огъай-огъай, мени къызым а аллай джумушакъ тюлдю, боксерский перчатка бла урсанг да, алай къолай джыгъаллыкъ тюлсе аны, - дей эди...

)))))Ма ол боксерский перчатка бла джыгъылмазлыкъ къыз кеси айта эди бу хапарны))))

Магомет ГЕККИ жангы чам хапар ашыргъанды )))

* * *
Таулу ынна Ленинни бла Сталинни тутмакъда тургъанларын,
ала анда акъылман да, ётгюр да болгъан жигитликлери
къулагъына чалына, жюрегине синге – бешик тебирете жырлайды:
– Лелинликчигим, Ысталинликчигим, тутмакъладан чыкъмай турлукъчугъум…
* * *
Жангы тилленнген Жамал, ачыуланса:
«Аман къатынынг боллукъ!» – дейди.
* * *
Как бла тары гыржын ашай тургъан жашха къонакъбай ынна сорады:
– Аурууунгу алайым, къарындашларынг кёпмюдю?
– Бюгюн былайда къарылып ёлмесем – жетеулен болабыз…
* * *
Быллым элге кино келеди. Аягъы тюбюнден жел чыкъгъан клубха жортады. Кино уа бир бош, магъанасыз зат. Сомну-шайны къыйматын-багъасын сезген адамланы, ахча тёлеп киргенден ары, кетип къалыргъа кёзлери къыймайды. Кюнню кюн узуну арып-талып келген быллымчыла теке къалкъыу эте тургъанлай, ол кинода биреуленнге къонакъ келеди.
– Вам чай или кофе? – дейди къонакъбай.
Залда олтургъан Таш-Омар сагъаяды, халкъны да сагъайтады:
– Ай атанг ит болсун, итден туугъан ит! Анса уа бир мал бойну къанатыр эдинг!.. – дейди. Халкъгъа аллай кюлкю къабынады, аллай кюлкю къабынады… Селее-тохтай башлагъанлай – биреу жангылтындан кюлюп башласа, къалгъанла да анга къошуладыла.
Ыйыкъдан-айдан сора да, бюгюннге дери да сагъынылгъанлай, элден элге баргъанлай турады ол «дамырлыкъ» кинону хапары. Мындан ары да айтыла турсун!

* * *
Аурукъсуннган къатын: ёлген мындан къыйын эсе, мен болаллыкъ зат тюйюлдю...
* * *
Таулу жашла къазакълы шуёхларын гебен тартыргъа элтедиле.
Бир гебен иги да алгъа сюрюшюп, баласны аллы кёрюнмейди, табылмайды. Жашланы бири жанындан жатып, къолун гебен тюбюне теренирек да сугъуп: «Муну баласы къайдады, къайдады муну баласы?!» – деп сыгъынады…
Къазакълы жашла бир жанлыракъ туруп: «Мынау балкъар джынды болду гъой, шёпню баласы боламы?!» – деп, сейирсинедиле…*
_______
*Бу таулу тели (жинли) болгъанды, биченни баласы боламыды?!