Элбрус районда къарачай-малкъар халкъ чыгъармачылыкъны «Нарт журту» деген фестиваль бардырылгъанды.
Бу къууанчлы жыйылыугъа Къабарты-Малкъардан бла Къарачай-Черкесден кёп адам къатышханды. Ол санда Къарачай шахардан, Ючкекенден, Терезеден, Огъары Малкъардан, Хасаниядан, Акъ-Суудан, Чегем, Элбрус районланы эллеринден да устала бар эдиле. Анга дагъыда Тюркде жашагъан къарачай-малкъар диаспораны келечилери бек сюйюп келгенлерин билдиргендиле.
Ол кюн «Нарзанланы таласына» баргъанланы кёллери болмагъанча кётюрюлюп эди. Жер-жерде устала кеслерини къоллары бла этген сейирли затларын кёргюзтген стендле, андан сора да, миллет ашарыкъладан толгъан хант тепсиле, этден толу къазанла, арлакъда локъум бишире,
берлакъда - хычин.
Фестивальны Элбрус районну Элбрус посёлкасыны администрациясы, къарачай-малкъар жаш тёлюню айнытыугъа себеплик этген «Эльбрусоид» фонд, халкъыбызны адет-тёрелени сакълаугъа эм айнытыугъа болушлукъ этген регионла аралы «Барс Эл» жамауат биригиу къурагъандыла. Ол кесини борчун, къурау комитет белгилегенича, адет-тёребизни сакълауда, халкъ чыгъармачылыкъны деберин ёсдюрюуде кёреди. Анга къатышханла буруннгу къарачай-малкъар арбазны жарашдырыуда, халкъ жырла айтыуда да эришгендиле. Бек башы уа - бери келгенле кеслерини къол усталыкъларын кёргюзтгендиле.
Темирчиле, суратчыла, скульпторла, тигиучюле - барысы да кеслерини сейирли ишлерин келтирген эдиле. Эрттегили эм шёндю этилген бичакъла, ат керекле, кийизле, кийимле, темирден ишленнген сауут-саба, къамала, бешик (юсюнде битеу кереклери бла да), агъачдан кесилип этилген дуния бла бир юй керек… Къайсы бирин айтып чыкъгъын. Ол берекетни кёргенде, айхай да, ангылайса, къалай байбыз биз хунерли этимли адамла бла!
Жыйылгъанланы сейирине Терс-Къолдан Ёлмезланы жашлары мында энчи кёрмюч къурагъан эдиле. Белгили къаячыбыз Абдул-Халим къонакълагъа жарыкъ тюбегенди. Аны къарындашы Абдул-Керимни уа кеси жыйгъан эрттегили затладан энчи музейи барды. Ол, аланы бери келтирип, жыйылгъанлагъа ёхтемлик бла хапарын айтханды. Сёз ючюн, Ёлмез улу эрттегили чырахтанны музейини бек сыйлы экспонатына санайды. Темирден ишленнген, бусагъатдагъы заманны люстрасыча жарашдырылгъан чыракъны оюулары, отну бла бугъаны суратлары, бош затла угъай, скифлени бла аланланы белгилеридиле.Темирчиге эрттегиле аллай чырахтан этгени ючюн бир асыралгъан бугъа бергендиле. Анга ушаш дагъыда кёпдю Абдул-Керимни музейини экспонатлары. Мени бек къууандыргъан а - ол биз мындан алгъа хапарын газетибизде басмалагъан Уяналаны Шабатайны бурулгъан саплы аламатлыкъ бичагъын асырап тургъаныды.
Бу фестивальгъа къатышыргъа эм кеслерини ата-бабаларыны жерлерин кёрюр мурат бла ол кюн алайгъа Тюркдеги къарачай-малкъар диаспораны оналты адамы келгенди. Жыйылгъанланы алларында сёлеше, Кония шахардан Чичханланы Нурдин бизни республика бла байламлыкъны эрттеден жюрютгенлерин чертгенди:- Биз ата-бабаларыбызны тин байлыкъларын тас этмей жашаргъа кюрешебиз. Тепсеуню уа бизге, жаннетли болсун, Къудайланы Мухтар къайтаргъанды. Ол, ары сабийлени келтирип, концертле кёргюзтгенди, кесибизникилени да тепсерге юйретип, аны къой, жерлешлерибиз бла байламлыкъны кючлеуге уллу къыйын салгъанды.Курданланы Юзейир да аны болушлукъчусу болуп турду. Энди уа, бизни бери чакъырып, бу ариу жерлени, бу иги адамланы танытды. Аны ючюн жюрек ыразылыгъымы билдиреме бу жашха да, - деп,
Тюркден келген къарындашларыбыз сахнада саугъаларын бергендиле.
Андан сора да Афион шахарны келечилери сёлешгендиле. Делегация бизни республикада эм Къарачай-Черкесде энтта да бир къауум кюн турлукъду. Энчи белгилерге тийишли бир шарт - бу адамла тилибизде бизден иги сёлешедиле! Эрттегили адет-тёрелеге да сакъдыла. Келгенлени санларында Жабелладан, Башийладан, Доттуладан, Байкъулладан эм башха тукъумладан жашла бардыла.
Битеу делегациялагъа да учредительлени бла къурау комитетни атларындан дипломла эм ахча саугъала берилгендиле. Бек магъаналы уа КъМР-ни искусстволарыны, КъЧР-ни культурасыны сыйлы къуллукъчусу, закий балетмейстер, этнохореограф, «Алтын барс» халкъ саугъаны биринчи лауреаты Къудайланы Чукайны жашы Мухтарны атын жюрютген энчи приз 60 минг сом эди. Ол саугъагъа белгили скульптор, художник Черкесланы Тахир тийишли болгъанды. Энчи белгиленнгенича, ол, кёчгюнчюлюкде халкъыбызны атын ёчюлтюп къоймай, кесини къол къыйыны, жюрек къарыуу, тёзюмлюлюгю бла да миллетин сакълагъан анагъа эсгертмени макетин хазырлагъанды. Аны кёрген адам, кертиси бла да, ол эртте салыныргъа керек эди дерикди. Жууукъ заманда ол да жерин табар деп ышанабыз.
Жюрини санында алим, филология илмуланы доктору Биттирланы Тамара, суратчы Занкишиланы Ибрагим, фольклорчу, тарыхчы Джуртубайланы Махти, къурау комитетни члени Тилланы Фатимат бар эдиле. Ала ол кюн алайгъа жыйылгъанлагъа уллу ыспас этгендиле эм мындан арысында да быллай фестивальланы терк-терк къурап бардырыргъа кереклисин да энчи белгилегендиле. Элбрус посёлканы администрациясыны башчысы Курданланы Узейирге да жюрек ыразылыкъларын билдиргендиле.
Къол усталыкъларын кёргюзтгенледен энчи белгилериклерибиз а Къарачай-Черкес къырал университетни «Декоративно-прикладное искусство» бёлюмюню устазлары бла сохталарыдыла. Ол санда Текуланы Дина (кийиз), Чомайланы Мадина бла Лариса (пергамент), Батчаланы Зумат, Орусбийланы Фатима (тюйюлген жаулукъ) эм башхала да бар эдиле. Быллым школну окъуучулары инжи тигиуде, Хасаниядан уста жашчыкъ Нёгерланы Альберт тюрлю-тюрлю техника бла сурат ишлеуде айырмалы болгъандыла. Ат керекни уа эм ариуун КъЧР-ни Терезе элинден келген Эркенланы Джамболат этгенди, терини жасаулауда Салпагъарланы Рамазан айырмалы эди. Бичакъ этиуде айтхылыкъ устала Бачиланы Хамзатны бла Курданланы Рашитни ишлери конкурсха къошулмагъандыла, саугъаны уа Къарчаланы Мухадиннге бергендиле. Огъары Малкъардан Црайланы Къанийни кийизи да саугъа алгъанды.
Спорт эришиулени юслеринден айтханда уа, мында жигит жашларыбыз инбаш таш атхандыла, жип тартхандыла, билек къарыуларын сынагъандыла. Махтанып айтхан сунмагъыз, алай бу эришиулени барысында да мени туугъан элими жашлары хорлагъанларын а энчи ёхтемлик бла билдиреме. Алай бла жип тартыуда Огъары Малкъарны жашлары, эки команда къурап, бири бирин хорлагъандыла. Билек кючню сынауда ол элден Бичиланы Жамболатха киши нёгерлик эталмагъанды, экинчи уа Яникой элден Хутуйланы Аюб болгъанды.
Инбаш ташны да бек узакъгъа Бичиланы Жамболат атханды, экинчиге - Гулийланы Хабибуллах, ючюнчюге уа Мисирланы Алим чыкъгъандыла. Спорт эришиулеге судьялыкъны Олимпиада оюнлада хорлагъан жашланы тренерлери Маккаланы Махти бла Локияланы Юрий эм Элбрус районну администрациясыны спорт комитетини таматасы Джаппуланы Магомед этгендиле.
Бу фестиваль адамланы бирикдирген, эрттегили адет - тёрелени эсгертген, уста адамларыбызны къыйынларын багъалагъан иш эди да, ызы къалын болсун! Мындан арысында да, аллай жыйылыула кимге жораланып, кимни атын белгилеп этилселе да, анга къатышханланы саны ёсе барсын!
31 августа на Поляне нарзанов общественные организации «Эльбрусоид», «Барс-Эль» вместе с администрацией поселка Эльбрус устроили фестиваль «Нарт журту» - «Земля предков». Мастера и умельцы народно-прикладного творчества, певцы и танцоры, спортсмены, кулинары продемонстрировали искусство карачаево-балкарского народа.
Одним из главных пунктов праздника стала встреча карачаево-балкарских мухаджиров, чьи предки уехали в Турцию во время кавказской войны. На историческую родину прибыли представители фамилий Жабеловых, Доттуевых, Баразовых, Батчаевых, Чичхановых, Малкондуевых, Байкуловых, Билимготовых, Жамабаевых, Жабаевых. «Несколько лет мы отправляли своих детей в Турцию на фестиваль, - рассказал глава администрации Эльбруса Узеир Курданов. - И карачаево-балкарская диаспора очень тепло принимала их. И вот пришло время им приехать сюда. Мне так показалось, что они даже лучше, чем мы, сохранили старинные песни, предания, танцы, язык. В этом смысле нам очень интересно с ними пообщаться. Единственное, что они не сохранили, - это гармошку. Поэтому очень хотят обучиться игре на ней».
Имам Терскола Абдул-Керим Ольмезов представил выставку из предметов традиционной культуры и быта балкарского народа:
«Здесь нет вещей ниже Кенделена. Увлекаюсь культурой своего народа с ранних лет. Благо позволяет образование - окончил историко-филологический факультет КБГУ. Какие-то вещи мне дарят, какие-то выкупаю, нахожу, что-то осталось от моих предков. В коллекции есть очень старинные и уникальные экспонаты. Самая древняя вещь - нож X века. Он был найден на территории поселка Эльбрус. Я спрашивал у местных археологов - и никто не мог объяснить происхождение оружия. Потом я познакомился с одним коллекционером из Старого Оскола. Он-то и рассказал, что такие же ножи хранятся в музеях Москвы и Ленинграда. Оказалось, это ритуальный нож кутургуров - племени, сформированного из остатков гуннов и участвовавшего в этногенезе балкарцев. Кстати, с балкарского название племени переводится как «бешеные». Другая реликвия - дуга стационарного арбалета, который использовали с XIII по XVIII век. Найдена в селе Хабаз. Выстрел из арбалета на расстоянии 300 метров сбивал всадника. На всем Северном Кавказе вряд ли вы найдете такой второй...
Вот балкарский светильник чирахтан, использовавшийся еще до керосина и доставшийся в наследство от моей бабушки. Чтобы сковать такой, давали целого быка. Это настоящее произведение искусства: в орнаменте символ быка - священного для балкарцев животного. Топливом для чирахтана служили лучины и хвойная смола...
Обувь чабыры из воловьей кожи носили вплоть до середины 20 века. По форме они схожи с кабардинскими. Но на кабардинских шов сверху, а у балкарцев - снизу, чтобы не скользить на скалах.
Вот любопытное приспособление для обработки и размягчения кожи, ярмо, кухонная утварь, сельхозинструменты...
Экспонатов очень много, уже и хранить негде. Хватит на целый музей».
Алена Мякинина
На празднике «Нарт журту» любой желающий совершенно бесплатно мог отведать блюда балкарской кухни. Женщины из соседних селений целый день не отходили от котлов с кипящим маслом и раскаленных печей с хычинами.
В честь праздника Залина Теммоева приготовила чюгюн-дюр хычин по старинному рецепту: Это большой пирог со свекольными листьями и сыром. Кусочки корочки можно было использовать как ложки и набирать ими вкусную начинку. В давние времена все так готовили. Во дворе дома выкапывалась ямка, в нее ставился пирог, накрытый с двух сторон чугунными сковородами. Полностью закрывался горящими углями из кизяка и готовился.
и еще:
31 августа в Кабардино-Балкарии (с.Эльбрус) состоялся фестиваль карачаево-балкарских народных умельцев «Нарт журту», направленный на поддержку и популяризацию народных ремёсел, традиций и обычаев карачаево-балкарского народа.
В конкурсную программу фестиваля входила выставка войлочных изделий мастеров и умельцев художественно-изобразительного искусства.
Кафедра декоративно-прикладного искусства и дизайна ХГФ КЧГУ (декан доцент Огузов В.Б.) представила на выставке изделия из войлока студентов и преподавателей факультета.
Работы мастеров народно-прикладного искусства нашего университета отмечены призами и дипломами учредителей фестиваля.
В Приэльбрусье завершился фестиваль "Нарт журту". Традиционные ремесла карачаево-балкарского народа представили мастера Карачаево-Черкесии, Кабардино-Балкарии, а также карачаево-балкарской диаспоры из Турции. Из поколения в поколение горские умельцы берегут и передают мастерство и секреты своих предков.
Они показали зрителям свое старинное оружие, деревянные скульптуры, изделия из кожи, металла, кости и камня. Гости фестиваля также смогли увидеть эксклюзивные экспонаты конного снаряжения, оружия, посуды, одежды и украшений.
наконец-то, фото диплома на руках об этом говорилось выше, еще раз подчеркнем
МОО "Барс Эль" учредила специальный приз имени этнохореографа, заслуженного деятеля искусств КБР, Лауреата первой народной премии "Алтын Барс" Кудаева Мухтара Чукаевича. Планируется, что этот приз будет вручаться за выдающиеся заслуги в области культуры и искусств, иметь свой диплом, памятный знак и денежную премию. Первый приз имени М.Ч. Кудаева был присужден членами жюри Фестиваля, в качестве Гран-При Фестиваля, известному скульптору, члену Союза художников России, участнику республиканских, зональных, российских выставок Тахиру Черкесову
