КАРАЧАЕВО-БАЛКАРСКИЕ ПРИТЧИ ОТ М. ОЛЬМЕЗОВА

КАРАЧАЕВО-БАЛКАРСКИЕ ПРИТЧИ ОТ М. ОЛЬМЕЗОВА

elbars 27.03.2014 19:25:53
Сообщений: 1628

1 0

АШНЫ ТАТЫУУ



Уллу патчахны ашлауу хар заманда да сейир-аламат кёгетледен, ёзге татыулу ашладан толу эди. Алай ол, ашдан алгъынча зауукълукъ алалмай, къыйналып башлагъанды.
– Уллу патчах, жанынгы къыйнагъан бир зат барды, аны манга жашырмай айтсанг эди? – дегенди патчахны хакими анга.
– Мен ашымы бал татдырып ашаучу эдим, энди уа сюйсюнмей ашайма да, аны сылтауун билалмай турама, – дегенди патчах. – Анга бир дарман табылмазмы?
– Табылмай а, уллула уллусу! Мен бюгюн окъуна жолгъа чыгъайым да, тамбла бу заманнга санга дарман алып келейим, алай, мен келгинчи, сен кесинги ашдан тыйып тур, – деп, хаким патчахны тоханасындан чыгъып кетгенди.
Патчах, хакимни дарманын сакълап, жукъгъа узалмай, кёп тургъанды, алай ол айтхан заманына келмегенде, тёзалмай, аш къангагъа олтургъанды. Аш анга былай татыулу кёрюнмегенли, кёп бола эди.
Патчах ауузланып бошаргъа, хаким да келгенди.
– Тейри, хаким, ашымы алгъын татыуу къайтханды, – деп къууаннганды патчах. – Сени да бош къыйнадым дейме? Къайда сени дарманынг а?
– Уллула уллусу, мени дарманым тюйюлмюдю да сени ашха ачхан? – дегенди хаким.
Хакимни дарманы неде болгъанын патчах анда ангылагъанды.



ВКУС ЕДЫ


Чего только не было на столе великого царя: фрукты, овощи и разное прочее, что только может прийти на ум. Но в последнее время еда перестала приносить ему удовольствие.
Придворный лекарь сказал ему:
– Великий царь, что-то гнетет тебя, поделись со мной.
– Раньше еда приносила мне наслаждение, а теперь я ем через силу. Не могу понять, в чем дело. Может, есть от этого какое-нибудь лекарство? – спросил царь.
– Конечно же, есть! Я сегодня же отправлюсь за ним. Вернусь завтра в это время. Только ты до моего возвращения ничего пока не ешь, – сказал лекарь и вышел.
Царь терпеливо ждал возвращения лекаря, но, когда тот не явился вовремя, не выдержал – сел за стол. Как ни странно, еда показалась ему удивительно вкусной.
К этому времени подоспел и лекарь.
– Кажется, я зря тебя побеспокоил, еда обрела для меня прежний вкус, – сказал царь. – Кстати, где твое лекарство?
– О великий из великих, а разве не оно тебе помогло? – улыбнулся лекарь.
Царь понял, что за лекарство имел в виду лекарь.
Изменено: elbars - 02.05.2014 16:51:06

Ответы

elbars 31.07.2016 22:03:19
Сообщений: 1628
БЁРЮ БЛА ЭЧКИ

Бир эчки сюрюуден айырылгъанды.
Ыз ызлай, алайгъа бёрю келгенди да, эчкини кёрюп:
– Бусагъат мен сени ашайма! – деп тохтагъанды.
– Сора не-е-ек? – деп жилягъанды эчки.
– Ачма, ёзге уа нек! – дегенди бёрю.
– Жан аурут да, кетмеге къой, – деп жалыннганды эчки.
– Не жан аурутхан хапарды ол? Кёрмеймисе, къарным ичине къатып турады!
– Да сора аша, – дегенди эчки.
– Ай, иги эчки, акъыллы эчки, – дегенди бёрю, эчкини ашаргъа хазырлана.
– Бёрю, – дегенди эчки биягъы, – сен мени эзе, чайнай турма да, аузунгу кенгнге ач, мен а, чаба келип, ичинге кирейим да кетейим.
Ырахын бёрю эчкини акъылын бек жаратханды, сора аузун кенгнге ачып, тёрт аягъын да тиреп, эчкини жутаргъа хазырланнганды. Эчки уа, чаба келип, ол къызыуу бла бёрюню уруп ийгенди да, бёрю, топча чартлап, ташха тийгенди.
Бир кесекден бёрю аязгъанды. Алай эчки аны сакълапмы турлукъ эди, къачханды да кетгенди.


ВОЛК И КОЗА

Коза отбилась от стада.
По следам на нее вышел Волк и сказал:
- Сейчас я тебя съем!
- Поче-е-ему? – жалобно заблеяла Коза.
- Потому что я голоден!
- Пожалей меня, отпусти, - попросила Коза.
- О какой жалости ты говоришь? Не видишь, у меня живот уже впал от голода?
- Ну, тогда ешь, - смирилась Коза.
- Ай да, Коза, ай да, умница, - сказал Волк, приготовляясь ее скушать.
- Волк, - сказала Коза, - зачем ты будешь утруждать себя: раздирать меня, жевать… Лучше открой пошире пасть, и я сама запрыгну тебе сразу в живот!
Волку понравилось предложение Козы. Он расставил лапы пошире, открыл пасть и стал ждать. Коза разбежалась, ударила Волка рогами, и тот покатился кубарем, ударился о скалу и потерял сознание.


Через некоторое время Волк очнулся. Но Коза была уже далеко.
elbars 07.08.2016 18:07:18
Сообщений: 1628
ТЮЛКЮ БЛА ХОРАЗ

Тюлкю бла хораз шуёхла эдиле.
«Къарнынг токъда, шуёхлукъ, тенглик да ашхы, - деп, сагъыш эте эди тюлкю, – алай ачлыкъ кирсе уа, не этериксе, хоразны тутарма да, ашарма!»
Хораз да андан тели тюйюл эди: «Жалгъан тенгинг болгъандан эсе, акъыллы жауунг болгъан игиди. Тюлкю уста уучу болгъаны къадарда, мен ачдан къыйналлыкъ тюйюлме. Аман акъыл этип башласа уа, жашыртын кетерме да къалырма»,- деп ойлай эди.
Бир жол тюлкю агъачда кёп айланнганды, алай чычхан да кёрмегенди. Келе келгенлей, тюлкю хоразгъа чапханды да, тутханды.
– Кукурийку-кук! – деп къычыргъанды хораз, жаны къуруп, - биз шуёхла ушайбыз да, не этгенлигингди бу?!
– Хау, сен мени шуёхум эдинг, алай энди уа тюйюлсе.
– Жаным, тюлкючюк, сора нек?
– Сен юч кечилмезлик гюнах этгенсе.
– Не гюнахладыла ала, багъалы тенгим?
– Ала уа ма быладыла: сен эрттен сайын къычыраса да, татлы жукълап тургъаныбызлай, элгендирип уятаса. Ол – бири. Экинчиси – сен башха жаныуарлача бирер къатын угъай, жыйырма къатын тутаса. Ючюнчюсю уа – мешхут къаза, къурт-къумурсха ашайса да, кёлюбюз аман этеди. Аллай гюнахлагъа ким тёзерикди? Хазыр бол, мен сени ашагъан этеме! – деп къыжырагъанды тюлкю.
Хораз тюлкюден къутлур амал излей, былай дегенди:
– Терслигиме женгдиреме, багъалы тенгим. Ашайса да ашайса, мени бир тилегими къабыл эт.
– Айт, не тилек эсе да! – деп ашыкъдыргъанды тюлкю.
– Тилек этип, алай аша, ким биледи, жаннетге тюшер эсем а.
Ол а къыйын тилек тюйюлдю, шуёхум, аны уа бусагъат! – деп, тюлкю къол жайгъанлай, хораз учуп, терек бутакъгъа къоннганды да, тюлкю эрнин-бурнун жалай къалгъанды.



ЛИСА И ПЕТУХ
Подружились как-то Петух с Лисой.
«Пока я сыт, можно и дружить, - думала Лиса. – А если проголодаюсь… Что ж, придется тогда Петуха съесть».
Но и Петух был совсем себе на уме. «Лиса – неплохой добытчик, и пока мы вместе, мне не грозит голод. А задумает что-нибудь – я смоюсь потихоньку», - думал он.
Однажды Лиса долго моталась по лесу, но даже мышку не смогла добыть. Решив, что настало время, она схватила Петуха.
- Кукурий-ку-кук! – закричал Петух в ужасе, - что ты делаешь, ведь мы с тобой друзья?!
- Да, ты была раньше моим другом, но теперь – нет!
- Лисонька, милая, почему?
- Ты совершила три непростительных греха.
- Какие, друг мой?
- Первое: каждое утро ты своим кукареканьем будишь меня ни свет ни заря. Второе: у тебя не одна жена, как у всех, а двадцать. Третье: в поисках червей и всяких козявок, ты копаешься в навозе. Кто же это может стерпеть?! Приготовься, сейчас я буду тебя есть! – сказала Лиса.
Петух, желая спасти свою жизнь, пошел на хитрость.
Он сказал:
- Да, ты права, я признаю свои грехи. И раз уж ты меня все равно съешь, выполни одну мою просьбу.
- Что за просьба? Говори поскорей!
- Прежде чем съешь меня, сотвори молитву: может, тогда я попаду в рай!
- Ну, это просьба нетрудная, - сказала Лиса и, отпустив Петуха, воздела лапы кверху. А тому только того и надо было - вспорхнув, он уселся на ветке дерева, и Лисе осталось только губы облизывать.
elbars 14.08.2016 14:13:15
Сообщений: 1628
ХАРАМ ТЕНГ

Харам тенгинг къанлы жауунг этмезни этер.
Тюлкю бла зурнук хоншула эдиле. Зурнук гурт жатханды да, юч бала чыгъаргъанды. Ол балаларына бек сакъ эди: ашларын тапдырып, жанлыдан сакълап тургъанды.
Бир жол тюлкю бла зурнук уугъа чыкъгъандыла. Зурнук учуп кетгенди, тюлкю уа, ызына къайтханды да, балаладан бек семизин сайлап, ашагъанды.
Зурнук къайтханды. Тюлкю жилямсырап:
– Балаларынгы бири тас болгъанды, - дегенди анга.
Жарлы зурнук тангнга жиляп чкъгъанды.
Ол ингирде биягъы бир баласы тас болгъанды.
– Агъаз элтген болур, - дегенди тюлкю.
Ючюнчю кюн тюлкю зурнукну ючюнчю баласын да ашагъанды. Зурнук, ишекли болуп, тюлкюге тюрслеп къараса, аны эрнине балачыгъыны тюкчюгю жабышып.
Зурнук ишни болушун ангылагъанды да:
– Халал тенгим, энди бизге мында тынчлыкъ жокъду, кел, кёлню ары жанана ётейик, – дегенди, – аш да анда эркинди.
– Да мен кёлню ары жанына къалай ёталлыкъма ансы, сюйюп да барыр эдим, – дегенди тюлкю.
– Мен ётдюрюрме, – дегенди Зурнук.
Зурнук тюлкюню сыртына алып, кёкге учханды.
– Тюлкю, жер кёрюнемиди? – деп соргъанды зурнук бир кесекден.
– Хау, кёрюнеди, – дегенди Тюлкю.
Зурнук андан да бийикге чыкъгъанды.
– Энди уа кёрюнемиди?
– Хау, кёрюнеди.
Зурнук андан да бийикге чыкъгъанды.
– Энди уа? – деп соргъанды зурнук.
– Угъай, энди уа кёрюнмейди, – дегенди тюлкю.
– Игиди сора! – деп зурнук тюлкюню сыртындан атып ийгенди.
Зурнук учханды да кетгенди, харам акъыллы тюлкю уа ташлагъа тийип, чачылып къалгъанды.



ЖУРАВЛИХА И ЛИСА


Нечестный друг может сделать то, что и кровный враг не сделает.
Лисица и Журавлиха жили по соседству. У Журавлихи вывелись три птенца и она души в них не чаяла: кормила, охраняла от хищников.
Однажды Лисица уговорила Журавлиху прогуляться. Журавлиха полетела куда договорились, а Лисица вернулась и съела самого упитанного из птенцов.
Когда Журавлиха вернулась, Лисица встретила ее в слезах:
- Один из твоих птенцов исчез.
Журавлиха проплакала до утра.
Вечером исчез еще один птенец.
- Наверное, хорек утащил, - сказала Лисица.
На следующий день Лисица съела и третьего птенца. Заподозрив неладное, Журавлиха присмотрелась и заметила на морде Лисицы прилипшее перышко своего птенца.
Поняв, кто виновен в исчезновении журавлят, она сказала Лисице:
- Подруга милая, нам здесь нет покоя, давай переберемся на тот берег озера, еды и там достаточно.
- Я бы с удовольствием, только как я смогу туда перебраться? – спросила Лисица.
- Я перенесу тебя, - ответила Журавлиха.
Посадив Лисицу на спину, Журавлиха взмыла в небо.
- Лиса, видно ли землю? – спросила она.
- Да, видно, - ответила Лиса.
Журавлиха поднялась выше.
- А теперь видно землю?
- Да, видно.
Журавлиха поднялась еще выше.
- А теперь?
- Нет, уже не видно, - ответила Лисица.
- Вот и хорошо, - сказала Журавлиха и сбросила Лисицу со спины.


Журавлиха полетела дальше, а подлая Лисица разбилась о камни.
elbars 19.08.2016 20:54:03
Сообщений: 1628
КЪУУ ЖАСТЫКЪЛА

Тауукъла тюлкюден тарыгъа, агъач иеси айыугъа баргъандыла.
– Агъач иеси пелиуан айыу, – дегендиле ала, – бизге тюлкюден жашау жокъду. Бир амал эт деп келгенбиз. Кече сайын бирибизни элтеди.
– Тюлкюмю дейсиз?! Къарачы сен анга! – деп, айыу тюлкюню жаныгъанды. – Мен аны къуйругъундан тутуп, букъусун бардырырма, къоркъмагъыз сиз!
Агъач иеси айыу тюлкюню чакъыртханды. Келгенди тюлкю, омакъ къуйругъун булгъай. Келгенди да былай кокаланнганды:
– Жюйюсхан айыу, мен санга къуу жастыкъ келтиргенме, сууукъ ташха таянып, ауруу табаса да. Былай мынга бир таянчы, – деп, жастыгъын айыу таянып тургъан ташха салгъанды. – Санга жастыкъ этеме деп, тауукъ жулкъа, кечелерими жукъусуз ашыргъанымдан бу тюгаякъланы хапарлары жокъду. Мен а санга къайгъырама, ханыбыз.
Къуу жастыкъ жумушакъ эди. Айыу анга таянып, тауукълагъа сыртын бургъанды.
– Сора бизге этерик оноуунг олмуду? – деп къангкъылдагъандыла тауукъла.
– Кёзюмден къуругъуз! – деп къычыргъанды айыу. Аллай болмачы затчыкъла бла жукъуму энтда бир бёлсегиз, эшитмегенбиз демегиз!
Не этерик эдиле тауукъла, ызларына мугурайып къайтхандыла.
Ол кече тюлкю эки тауукъ элтгенди.
Тауукъла тарыгъыуларын айта, бёрюге баргъандыла. Бёрю айыуну ёзюрю эди.
– Жюйюсхан ёзюр, бизни тюлкю аузундан къутхар ансы, бизни къырып бошайды, – деп жалыннгандыла.
Бёрю тюлкюню чакъыртханды.
– Жюйюсхан ёзюр! – деп кирпилдегенди тюлкю, къуйругъун булгъай, мен санга къуу жастыкъ келтиргенме, жатхан жеринг бир къаты кёрюнеди.
Тюлкю келтирген жастыгъын бёрюге узатып, тауукъланы къагъа:
– Бу тюгаякъла уа санга къайгъыргъанымы ангыларгъа унамайдыла, – дегенди.
Бёрю къуу жастыкъгъа таянып кёргенди да, аны бек жаратханды. Сора тауукълагъа къыжырап:
– Думп болугъуз бусагъат! Тюлкю этерин биледи! – деп жеринден секирип тургъанды.
Тауукъла, къычырыкъ эте, чач-тюк болгъандыла.
Тюлкю ол кече юч тауукъ элтгенди.


ПУХОВЫЕ ПЕРИНКИ

Пошли курицы к хозяину леса Медведю жаловаться на Лисицу.
- Хозяин леса, могучий Медведь, - обратились они к нему, - житья не стало нам от Лисицы – каждую ночь одну из нас ворует.
- Ворует, говорите? Ишь, какая! – рассердился Медведь. – Вот я возьму ее за хвост да и задам трепку!
Вызвал Медведь Лисицу к себе. Лисица явилась, виляя хвостом и жеманясь.
- Господин Медведь, я принесла тебе пуховую перинку, - сказала она. – Вечно ты ложишься на холодный камень, того и гляди, заработаешь себе болезнь. Ложись-ка сюда, - и Лисица положила перинку перед Медведем.
- Этим мохнатоногим дурам невдомек, сколько бессонных ночей я провела, чтобы сделать тебе эту перинку! А я о твоем здоровье пекусь, господин.
Перинка была мягка. Медведь прилег на нее и повернулся к курицам спиной.
- И это твой ответ на нашу просьбу? – спросили курицы.
- Вон с глаз моих! – зарычал Медведь. – Если еще раз прервете мой сон по таким пустякам, пеняйте на себя!
Что оставалось делать бедным курицам, пошли они, понурившись, домой.
В ту ночь Лисица унесла двух куриц.
Курицы пошли на нее жаловаться к Волку, визирю Медведя.
- Господин визирь, спаси нас от лисьих зубов, не то она окончательно нас истребит! – сказали они.
Волк вызвал Лисицу.
- Господин визирь! – сказала Лисицаа, кокетливо виляя хвостом, - я принесла тебе перинку, знаю, что ложе твое очень жестко.
Протянув Волку перинку, она сказала, намекая на куриц:
- А эти мохнатоногие никак не уразумеют, что я стараюсь ради тебя.
Волк прилег на перинку, и ему очень понравилось.
- Ступайте вон! – закричал он на куриц. – Лисица знает, что делает!
Курицы с кудахтаньем разбежались.


В ту ночь Лисица поживилась сразу тремя курицами.
La Belle Dame Sans Regrets 19.08.2016 21:03:32
бу Лисицаны хапары бошалмай къалды))))
elbars 20.08.2016 14:59:47
Сообщений: 1628
БАТЫРЧЫКЪ

Буруулу къолда бир къоянчыкъ жашагънды. Анга Батырчыкъ дей эдиле, алай аныча къоркъакъ къоянчыгъ а дуниягъа да туугъан болмаз эди. Махтаннганына къарасанг а, аслан сунар эдинг.
– Бёрюню - бир уруп, айыуну эки уруп аудурлукъма! Тюлкюге уа, «уф» деп юфгюрсем, къуш тюгюча, учуп кетерикди! Къоркъгъан менден къоркъсун, мен нек къоркъама?! – деп къычыра эди ол.
– Къоян болгъанлыкъгъа, къарачы, къалай батырды! – деп, сейирсине эдиле анга Бёрюлю къолдан келген къоянла окъуна.
Биягъы Батырчыкъ, тюккючге минип, махтана тургъанлай, къоянлагъа бёрю чапханды.
Батырчыкъ, асыры къоркъгъандан, кёзлерин да къаты къысып секиргенди. Секиргенди да, бёрюню башына до-о-оп деп тийгенди. Бёрю абызырагъанды, Батырчыгъ а, чартлап, тюккюч тюбюне букъгъанды.
Батырчыкъ, асыры къоркъгъандан, тюккюч тюбюнден чыгъалмай ингир къарангысына дери тургъанды. Сора, ызындан тюлкю сюргенча, чабып жашырын жыйылыучу жерлерине келгенди да, къоянланы абызырап тургъанларын кёрюп:
– Къалайсыз, къоркъакъчыкъла?! – деп, кесин батырчыкъ этгенди.
– Биз а сени бёрю ашагъан сунуп тура эдик, – деп къууаннгандыла къоянчыкъла.
– Къалай ашатыр эдим мен кесими бёрюге?! Секирип, башына миннгеними кёрген эдигиз да! Сол аягъым бла сермедим да, бёрюню жаны чыкъды да къалды!
– Къоянчыкъла сейир-тамаша болуп:
– Сен бизни огъурсуз бёрюден къутхардынг, ой, жашагъын сен! – деп, Батырчыкъгъа махтау салгъандыла.
– Хау, ол уллу, ол огъурсуз, ол хамашхар бёрюню жойдум! Энди ол хыйлачы тюлкюню дуниядан къурутсам, зауукъ жашарсыз! – деп махтаннганды Батырчыкъ.
Алай Батырчыкъны ауузчугъу махтаннганлыкъгъа, жегейчиги уа къалтырай тура эди.


ЗАЙЧИШКА-ХВАСТУНИШКА


В Загороженном ущелье жил зайчишка. Все называли его Смельчаком, но другого такого трусишку надо было еще поискать. А послушать его россказни – сам Лев ему позавидовал бы!
- Волка я свалю с одного удара, медведя – с двух! А на лисицу только дыхну, - она отлетит, как пушинка! Кого мне бояться в лесу? Пусть все меня боятся! – часто говаривал он.
- Ты смотри, зайчишка - а какой храбрец! – удивлялись зайцы с соседнего Волчьего ущелья.
Однажды Смельчак распинался как обычно о своей храбрости, когда на зайцев напал волк. Зажмурив от страха глаза, Смельчак прыгнул в сторону и запрыгнул ему прямо на голову. Волк опешил, а Смельчак успел спрятаться под корягу, где и просидел, дрожа от страха, до самого вечера. Вечером, помчавшись, будто за ним гналась лиса, он прискакал на тайное место сбора зайцев, увидел, что те сидят пригорюнившись, и бодро спросил:
- Как дела, трусишки?
- А мы думали, что тебя волк съел, - обрадовались зайцы.
- Так я и дам ему себя съесть! Вы что, не видели, как я запрыгнул ему на голову?! Дал ему разок левой лапой, у него сразу душа в пятки ушла!
Удивлению зайцев не было предела, они начали наперебой благодарить Смельчака:
- Да проживешь ты сто лет, ты спас нас от лютого волка!
- Да, я расправился с этим злым, кровожадным зверем! Теперь разберусь с хитрой лисой, и вы заживете беспечно! – разглагольствовал Смельчак.


А у самого хвостик дрожал от страха.
La Belle Dame Sans Regrets 20.08.2016 15:33:16
elbars, какой-то перевод странный))) Все-таки батырчыкъ или хвастунишка?)))
elbars 27.08.2016 21:15:30
Сообщений: 1628
АЧ БЁРЮ

Бёрю, марай барып, бир токълуну тутханды. Ач эди бёрю, токълу уа – семиз.
– Токълучукъ, мен сени ашаргъа керекме! – дегенди бёрю.
Токълу къоркъгъанын билдирмезге кюреше:
– Да, аша, керек эсе. Алай, адам этгенча жарашдырып ашасанг, кёп да татыулу болур эдим.
– Адам а къалай этеди? – дегенди бёрю.
– Адам а биширген этеди.
– Да сени биширир ючюн манга къазан керекди сора уа! – дегенди бёрю.
– Къазан ишмиди! Къошха бар да, къойчуладан тиле. Берирле.
Бёрю, чабып, къойчу къошха баргъанды да:
– Эй, къойчула, манга къазаныгъызны берчигиз, – дегенди. – Токълучугъуму биширип ашарыкъ эдим да, къазаным жокъду!
Къойчула уа, бирер къазыкъ алып:
– Ма санга къазан! Ма санга от! – деп, ач бёрюню аямай тюйгендиле.
Жанын , кючден къутулгъанды бёрю. Токълучугъ а, бёрю кёзден ташайгъанлай окъуна къачхан эди.
Бёрю: «Энди уа не этейим?! – деп сынсый тургъанлай, жолну келе тургъан къарт алашаны кёрюп, аны аллын тыйгъанды да:
– Къарт алаша, мен сени ашайма! – деп, тишлерин зарх-зурх этиргенди.
– Да нек ашамайса, аша! Сени кёрюп келе тура ушайма да. Атанг: «Жашым уллу болса, сени ол ашар!» – деп манга тиймей къойгъан эди.
– Алаймыды?! – деп къууаннганды бёрю.
– Ийнанмай эсенг, арт туягъыма къара, анда атанг салгъан тамгъа болургъа керекди.
Бёрюню атасы «салгъан» тамгъагъа къарарыгъы келип:
– Сора аягъынгы бир кётюрчю! – дегенди.
– Ма, кёр! – деп, къарт алаша бёрюню эки арт аягъы бла да тенг сермегенди.
Бёрю, топча тёнгерей барып, ташха тийгенди да, жаны чартлап чыкъгъанды да къалгъанды.




ГОЛОДНЫЙ ВОЛК

Волк поймал Ягненка.
Волк был голоден, а Ягненок – упитан.
- Ягненок, я должен тебя съесть! – сказал Волк.
Стараясь не выказать своего страха, Ягненок ответил:
- Ешь, если так надо. Но будет гораздо вкуснее, если ты, прежде чем съесть, приготовишь меня, как делают люди.
- А как они готовят?
- Люди мясо варят.
- Для того чтобы сварить тебя, мне понадобится котел!
- Да трудно разве раздобыть котел? Пойди к чабанам, попроси, и они тебе дадут.
Волк отправился к чабанам.
- Эй, чабаны, дайте мне котел, хочу ягненка сварить! – сказал он им.
Чабаны схватились за колья и отдубасили волка:
- Вот тебе котел!
Волк еле унес ноги. А Ягненок, конечно же, давно сбежал.
- Что же мне теперь делать? – думал Волк, когда увидел бредущую по дороге старую Лошадь.
- Я тебя съем! – сказал он ей.
- Ешь, конечно. Видишь, я сама к тебе пришла. Когда-то твой отец не тронул меня, сказав: «Пусть тебя съест мой сын, когда подрастет».
- Разве?! – обрадовался волк.
- Если не веришь, погляди на знак, который оставил твой отец на моем заднем копыте.
Волку очень хотелось посмотреть на знак, который оставил его отец, и он сказал:
- Подними-ка ногу, я гляну.
- Смотри! – сказала Лошадь и хватила волка копытом.


Волк покатился кубарем, ударился о камень – и дух из него вон!
elbars 03.09.2016 16:37:40
Сообщений: 1628
ЭКИ ЭЧКИ


Эки эчки тар кёпюрчюкде жолукъгъандыла. Кёпюр бийик эди, суу а – терк. Экисинден бири жол къоймай, ётер амал жокъ, анга жетер баш а къайда?
– Эй, манга жол къой! – деп макъыргъанды бири.
– Керек эсе, кесинг къой! – дегенди башхасы.
– Сора нек къоя эдим?! – деп ачыуланнганды бири.
– Мен а нек къояма?! – дегенди башхасы.
Алай эте, тюрте-тюртюше, кёп даулашхандыла. Сора, болмазын кёрюп, экиси да арт аякъларына тургъандыла да, мюйюз таууш этдирип, бир бирлерин ургъандыла. Ургъандыла да, экиси да бийик кёпюрден сууугъа кетгендиле.




ДВЕ КОЗЫ


Однажды две козы встретились на узком мосточке. Мостик был высок, а вода - бурная. Чтобы разминуться, одна из них должна уступить дорогу. Но откуда у них взяться такому уму?
- Эй, уступи мне дорогу! – проблеяла одна.
- Уступи сама! – ответила вторая.
- Почему это я должна уступить? – рассердилась первая.
- А почему – я? – ответила вторая.
Так они долго препирались, и дело дошло до драки. Боднув, как следует друг друга, обе они сорвались с моста в реку.
Изменено: elbars - 03.09.2016 16:40:31
elbars 13.09.2016 14:03:51
Сообщений: 1628
КЪЫЗГЪАНЧ ИТ

Бир хамашхар ит болгъанды.
Бир кюн ол талаша тургъан итлени сюеклерин алып къачханды.
Къанга кёпюрчюкню ётюп бара, сууда кесича бир итни кёрюп тохтагъанды. Аны аузунда да бир уллу сюек бар эди. Къызгъанч ит, аны сюегин да сыйырайым деп, тишлерин ачып, хырылдагъанды.
Суудан къарап тургъан ит да ачханды тишлерин.
– Да бу уа мени сюегими сыйырыр гынтты эте кёреме! Угъай, тейри, сыйыргъан а мен этерикме! – деп, кесин суудан къарап тургъан итге атханды.
Аузуна суу кирген ит тунчугъуп башлагъанды да, сюегин тюшюргенди да къойгъанды.
Къызгъанч ит, батаргъа аздан къалып, суудан кючден чыкъгъанды.


АКЪЫЛМАН ЭШЕК

Къайда эсе да бирде бир кёкбаш эшек жашагъанды. Ол, айлана-жюрюй кетип, бир терек бахчагъа киргенди. Къараса, уллу терекде гитче алмачыкъла, жерге жайылып ёсген къарыусуз сабакълада уа – уллу хыярла.
Кёкбаш, тенглешдирип кёргенча, биягъы алмалагъа, ызы бла хыярлагъа къарагъанды да:
– Аллахны да терс иши кёпдю, тейри лязим, – деп ахтыннганды. – Энди бу уллу терекде, сабий жумдурукълача алмачыкъла, бу къарыусуз сабакълада уа башым тенгли хыярламы битерге керек эдиле?
Эшек терен сагъышха кирип тургъанлай, терекден алма юзюлгенди да, аны башына тийгенди.
– Аллах, санга минг шукур! – дегенди кёкбаш, тобагъа къайта, - хыяр терекде битген болса, башымы чачып къоймаймы эди?!





ЖАДНЫЙ ПЕС


Жил когда-то прожорливый пес.
Однажды два других пса не поделили мозговую косточку и стали драться. Тем временем наш пес схватил ее и убежал.
Проходя по деревянному мостику, он увидел в реке пса, который тоже нес в зубах кость. Захотев отобрать ее у него, пес показал зубы и зарычал. Тот пес ощерился тоже.
- Да он, никак, хочет отобрать мою косточку! Ну уж нет, я сам отберу у кого хочешь! – сказал пес и бросился в воду.
Хлебнув воды, пес выпустил свою косточку, и ее унесло водой. Да и сам он чуть не потонул.



ИШАК- «МУДРЕЦ»

Жил в давние времена серый Ишак.
Забрался он как-то раз в чей-то сад. Присмотрелся и видит: на больших деревьях висят маленькие яблочки, а на слабых стебельках на земле – большущие тыквы.
Еще раз присмотревшись, мол, не обманывает ли его зрение, Ишак вздохнул:
- Оказывается, и Аллах не всегда бывает прав: разве так должно было быть, что на огромных деревьях растут яблоки величиной с кулак, а на этих слабых стеблях – тыквы величиной с мою голову?
В это время с ветки сорвалось яблоко и попало ему по голове.
- О Аллах, тысячу благословений тебе! – воскликнул Ишак. – Расти на деревьях тыквы - не остаться бы мне живу!
elbars 20.09.2016 21:36:55
Сообщений: 1628
ХОРАЗ БЛА ПИЛ

Бир кюн хораз пилни кёргенди да:
– Кукурий-кукук! Кукурий-кукук! – деп къычыргъанды.
Пил онгсунмай:
– Былай ачы нек къычыраса, сангырау тюйюл ушайма да! – дегенди.
Хораз а, багуш къаза, къурт-къумусха чёплей:
– Кукурий-кукук! Кукурий-кукук! – деп къычыргъанды биягъы, бойнун да созуп.
Пил хоразгъа къарай кетгенди да:
– Экибизден къайсыбыз кёп ашай болурбуз? – деп соргъанды.
– Мен! – дегенди хораз, сагъыш эте да турмай.
– Угъай! – дегенди пил.
– Хау! – дегенди хораз.
Сора, даулашдан хайыр болмазын ангылап, сынап кёрюрге келишгендиле.
Пил отлай кетгенди да, тоюп, къалкъыгъанды.
Азмы, кёпмю къалкъыгъанды, ким билсин, алай пил уянып къараса, хораз нартюх чёплей. Пил биягъы отлай кетгенди да, тоюп, къалкъыгъанды. Ингирде уянып къараса, хораз будай чёплей.
«Къалай хамашхарды! – деп сейир этгенди пил. – Мен мунуча малкёз кёрмегенме».
– Кукурий-кукук! Къайсыбыз хорладыкъ?! – деп къычыргъанды хораз.
– Сен, – деп женгдиргенди пил. Хораз:
– Дуния мени кёрсюн! – деп, учуп пилни сыртына къоннганлай, пил:
– О-ха-хай! Бу желмаууз мени да ашап къояды! – деп, къычырыкъ этип, агъачха къачханды. Хораз а, учуп, чалманнга къоннганды да, къачып баргъан пилни ызындан ёхтем къарагъанды. Сора, бойнун созуп, къанатларын къагъа:
– Кукурий-кукук! Кукурий-кукук! Мен пилден да къарыулума! – деп махтаннганды.


ПЕТУХ И СЛОН

Однажды, увидев Слона, Петух закукарекал:
- Ку-курий-кукук! Ку-курий-кукук!
Слону не понравилось это:
- Почему ты кричишь так громко? Вроде я не глухой!
Петух, продолжая возиться в куче навоза, вытянул шею и закукарекал еще громче:
- Ку-курий-кукук! Ку-курий-кукук!
Слон долго наблюдал за ним, потом спросил:
- Интересно, а кто из нас больше ест?
- Конечно, я! – ответил Петух, не задумываясь.
- Нет, - сказал Слон.
- Да! – сказал Петух.
Решили выяснить это не на словах, а на деле.
Слон поел немного, наелся и задремал.
Проснувшись, он увидел, что Петух продолжает клевать кукурузу.
Слон опять поел, опять задремал.
Проснувшись вечером, увидел, что Петух клюет пшеницу.
- Что за обжора! – удивился Слон.- Никогда в жизни таких не видел.
– Ку-курий-кукук! Ну, кто из нас победил? – спросил Петух.
- Ты, - пришлось признать Слону.
- Пусть весь мир меня видит! – закричал Петух и, вспорхнув, сел на спину Слона.
«Этот обжора сейчас и меня съест!» - подумал Слон и в ужасе побежал в лес. А Петух взлетел на плетень, гордо посмотрел вслед убегавшему Слону и закричал:
- Ку-курий-кукук! Ку-курий-кукук! Я сильнее даже Слона!


elbars 28.09.2016 09:11:02
Сообщений: 1628
КИШТИК КЪОНГУРОУ

Бу сиз кёрген чычханланы аппаларыны аппалары сау-саламат жашагъан заманда: энди киштик чычхан тутмайды деген хапар жайылгъанды.
– Киштик чычхан къалай тутмаз эди? Аллай болмачы таурухха къалай ийнанасыз?! – деп сёлешгенди бир къарт чычхан.
– Да хаж къылып келгенди дейдиле, – дегенди жыртыкъкъулакъ чычхан. – Барып кесине сорайыкъ.
Жыртыкъкъулакъ чычханны айтханын дурус кёрюп чычханла, къоркъсала да, киштикге баргъандыла.
– Жюйюсхан киштик, сен энди чычхан тутмайса деген хапар жюрюйдю. Ол кертимиди? - деп жал баргъандыла.
– Тюз эшитгенсиз, жанларым. Мен энди чычхан ашамайма. Бюгюннге дери этген гюнахларымы жулалсам эди, андан уллу насып жокъ эди манга, - деп, тобагъа къайтханды киштик.
Киштик, ууаз берип бошагъанды да, чычханла уяларына кирип бара, артда къалгъан чычханны тутуп, ашап къойгъанды.
Киштик кюн сайын ууаз бере да, бир чычхан ашай тургъанды.
Къарт чычхан, ишекли болуп, чычханланы санагъанды да, жетиси жетмегенди.
– Киштик бизни алдап, кюн сайын бирибизни къабып турады, – дегенди ол.
– Да сора не этейик? – деп соргъанды чубуркъуйрукъ чычхан. – Бир амал этмесек, ол бизни бирем-бирем ашап бошарыкъды.
– Бойнуна къонгуроучукъ тагъайыкъ! – дегенди бир эсли чычханчыкъ.
– Тюз айтады, тюз айтады! – деп къууаннгандыла чычханла. – Къонгуроучукъ таууш этсе, къачарбыз да бугъарбыз.
– Ай, ол а бек тюз айта эди, къонгуроучукъну киштикни бойнуна ким тагъарыкъды ансы? – дегенди чубуркъуйрукъ.
Чычханчыкъла шум болгъандыла.
– Мен! – дегенди сора бир гитче чычханчыкъ. – Мен тагъайым, къайдады къонгуроучугъугъуз?!
– Къалай тагъар эдинг сора сен?! – деп къутургъанды чычханчыкъны ыннасы анга. – Бар да, тенглеринг бла ойна.
– Тагъама дей эсе, тыйма, - дегенди жыртыкъулакъ, ишармиш этип.
– Хау, такъсын, нек такъмайды?! – дегенди чубуркъуйрукъ да, кюллюгюн тыялмай.
Экинчи кюн, киштик ууаз берип бошагъанлай, гитче чычханчыкъ артда къалгъанды да, киштик аны къагъып алгъанды.
– Мени бир кюмюш илляуум барды да, сюе эсенг, аны санга берейим, - дегенди батыр чычханчыкъ. Сора, хуржунундан кюмюш къонгуроучукъну чыгъарып:
– Кёремисе, къалай ариу зынгырдайды? – деп, аны киштикни бойнуна такъгъанды.
Ол кюнден сора киштик бир чычхан да туталмай, ачдан ёлюп къалгъанды.



КИШТИК БЛА ЧЫЧХАНЛА
(Башха тюрлюсю)


Бир гырнау киштик жашай тургъанды да, къарт болгъанды.
Кесинден угъай, ауанасындан жанлары къуруучу чычханла, батырдан-батыр бола
келип, ахырында аны табагъындан ашап башлагъандыла.
«Тейри, былай а жарарыкъ тюйюлдю», - деп кёлю сыннган киштик кёп сагъыш этгенди. Сора гумуда бир гитче чычханчыкъны тутуп:
– Мен хаж къылып келгенме да, тамбла ууаз берликме. Биригиз къалмай гумугъа жыйылыгъыз, – деп айтханды.
Чычханла къарт, къарыусуз киштикни сёзюне ийнанып, гумугъа жыйылгъандыла. Келмей жалан да бир акъсакъ чычхан къалгъанды.
Киштик, чычхан тешиклени битегенди да:
– Энди мени сизге бир сорууум барды! – деп, тишлерин ачып, огъырсуз макъыгъанды. – Сиз къапчыкъны башы ачылып тургъанлай, тюбюн нек тешесиз?!
Чычханла чач-тюк болгъандыла, алай киштик аланы барын да тутуп, къырып къойгъанды.
«Чычханны тукъуму юзюллюк эди, ол келмей къалгъан акъсакъ чычхан болмаса», деп айтыу алайды.



КОЛОКОЛЬЧИК ДЛЯ КОТА


Во времена, когда жили на свете прапрадедушки нынешних мышей, разнесся как-то слух, что Кот отныне не будет ловить мышей.
- Как это – не будет? Разве можно верить таким нелепым слухам?! – сказала старая мудрая Мышь.
- Говорят, он совершил паломничество в Мекку, - ответила Мышка с порванным ушком. – Пойдемте, спросим у него самого.
Мыши посчитали это разумным и, хотя и трусили, отправились к Коту.
- Господин Кот, говорят, ты больше не ловишь мышей, правда ли это? - спросили они.
- Правда, милые мои, правда. Я больше не ем мышей. Мне бы избавиться от грехов, совершенных до этого дня – большего счастья и не надо было бы, - смиренно ответил им Кот.
Мыши, удовлетворенные ответом, отправились по норам, а Кот поймал и съел замешкавшуюся мышку.
Каждый день Кот читал мышам проповеди, и каждый день съедал по мышке.
Старая мудрая Мышь, заподозрив неладное, пересчитала мышей и не досчиталась семерых.
- Кот обманывает нас, он каждый день съедает по мышке, - сказала она.
- Что же нам делать? – спросила Короткохвостая Мышка. – Если так будет продолжаться, он по одной съест нас всех.
- Надо повесить ему на шею колокольчик! – сказала одна Сообразительная Мышка.
- Правильно! Правильно! – поддержали ее остальные. – По шуму колокольчика мы узнаем о ее приближении и разбежимся!
- Правильно-то правильно, но кто сможет это сделать?
Все замолчали
- Я смогу, - сказал Маленький Мышонок. – Дайте мне колокольчик.
- О чем ты говоришь?! – рассердилась на него мать. – Ну-ка, иди отсюда, поиграй со своими друзьями.
- Не мешай ему, пусть повесит, если сможет, - улыбнулась Мышка С Порванным Ухом.
- Да, пусть повесит, - рассмеялась и Короткохвостая.
На следующий день после проповеди Мышонок отстал от других, и Кот сцапал ее.
- У меня есть красивая серебряная игрушка, если хочешь, я подарю ее тебе, - сказал Мышонок и повесил колокольчик на шею Коту. Пока Кот радовался подарку, Мышонок скрылся в норе.
С того дня Кот не смог поймать ни одной мышки и умер от голода.


КОТ И МЫШИ
(Другой вариант)


Жил, жил один кот, да и постарел.
Мыши, которых прежде до смерти пугала даже его тень, совершенно перестали его бояться. Более того, они стали есть из его миски!
Обидно это было старому Коту, но он не знал, что делать.
Однажды ему удалось поймать в кладовой маленькую мышку. Он не стал ее есть, а отпустил, велев передать остальным мышам:
- Я совершил паломничество в Мекку, и хочу завтра прочитать вам проповедь. Соберитесь все завтра в кладовой.
Поверив словам старого слабого Кота, мыши собрались в кладовой. Не явилась туда только одна хромая мышь.
Кот заделал все мышиные норы и обратился к мышам:
- У меня к вам один вопрос: почему вы дырявите мешок, когда он и так не завязан? Мыши в панике начали метаться по кладовой, но Кот передушил их всех.


И если бы не та хромая мышка, мышиный род перевелся бы совсем. Так говорят.
Изменено: elbars - 28.09.2016 09:12:13
La Belle Dame Sans Regrets 28.09.2016 11:19:35
Чтоб делали без притч-то?))
Можно серьезно спросить? вы в самом деле видите в них пользу? В чем она заключается? Или это такая развлекуха?
elbars 30.09.2016 19:49:50
Сообщений: 1628
СЮДЮ КЪАРГЪА

Бир уучу, къаргъа къонуп тургъан терекни тюбюнде терен уру къазгъанды да, башын чырпыла бла жапханды.
– Къакъ-къакъ-къакъ, алай тохта! – деп къычыргъанды къаргъа, чабып келген къоянчыкъгъа.
– Не болгъанды, къаргъа, мени нек тохтатаса? – деп соргъанды къоянчыкъ.
– Аллынга къарачы, – дегенди къаргъа, – бир уучу уру къазып кетгенди.
– Сау бол, къаргъа, ансы уучугъа аш бола эдим, – деп, секирип урудан ётгенлей, аллындан бёрю чыгъып къалгъанды.
– Татлы къабынчыкъ, ач болуп тура эдим да, не иги болду аллыма кесинг келип къалгъанынг! – деп, харх этип кюлгенди ол.
– Жюйюсхан бёрю, не хатамы кёргенсе, мени тёресиз-сюдсюз ашап къоярча? – дегенди къоянчыкъ.
– Тюз айтады къоянчыкъ, – деп сёлешгенди къаргъа да терекден.
– Угъай, терс айтады, – дегенди тюлкю уа, чырпыладан чыгъып. Къоянла къачан да бёрю ашы эдиле.
– Даулаша турмагъыз да, чабышып, экигизден къайсыгъыз хорласа да, тюз ол боллукъду, – дегенди къаргъа биягъы. – Тюлкю, сен да чап, бёрю хорласа, санга да бир юлюшчюк жетер.
– Сен а керти да акъыллы къаргъа кёреме, – деп, тюлкю да алагъа къошулгъанды.
– Ол эмен терекни кёремисиз? – дегенди къаргъа, – алайдан чабышырыкъсыз. Бу мен къонуп тургъан терекге алгъа жетген не этерге да эркинди.
Ючюсю да саф тургъандыла да, къаргъа белги бергенлей, яра чапхандыла.
Къаргъа терекден, тасха билдирмез ючюн:
– Ай, аман кесинг а, хорлатаса, чап, чап! – деп къычыргъанды артха къалгъан къоянчыкъгъа.
Бёрю бла тюлкю жанаша келе келип, терен уругъа кетгендиле, къоянчыгъ а акъыллы къаргъагъа ыспас этип, чырпыла ичине ташайгъанды.



ВОРОНА-СУДЬЯ


Охотник вырыл под деревом большую яму и замаскировал ее. Ворона, сидевшая на дереве, видела это и предупредила скачущего зайчонка:
- Карр – карр – карр! Стой, не беги туда!
- Что случилось, Ворона, почему ты меня остановила? – спросил Зайчонок.
- Посмотри перед собой – охотник устроил там западню.
- Благодарю тебя, Ворона, если бы не ты, быть бы мне пищей для охотника, - сказал Зайчонок, перепрыгнул через яму и столкнулся нос к носу с Волком.
- О, лакомый кусочек! – обрадовался Волк. – Я как раз проголодался, а тут еда сама ко мне пришла!
- Господин Волк, что плохого я тебе сделал, что ты хочешь меня съесть? – спросил Зайчонок.
- Зайчонок правду говорит, - поддержала его с дерева Ворона.
- Нет, не правду, - сказала Лиса, вылезая из кустов. – Зайцы всегда служили пищей для волков.
- Ладно, не будем спорить. Сделаем так: вы побежите наперегонки, и тот, кто опередит, тот и будет прав. Лиса, участвуй в состязании и ты, если победит Волк, может и тебе что перепадет.
- А ты, оказывается, не глупа! – сказала Лиса, соглашаясь с Вороной.
- Видите тот большой дуб? Побежите оттуда. Кто первый добежит до дерева, на котором сижу я, тот волен делать, что хочет.
Побежали.
Ворона с дерева, для виду, подбадривала отстающего Зайчонка:
- Ну, что же ты, давай, быстрей!
Волк и Лиса одновременно добежали до дерева и рухнули в яму. А Зайчонок, поблагодарив Ворону, скрылся в кустах.


Сахадин 01.10.2016 23:00:02
Сообщений: 5348
Цитата
La Belle Dame Sans Regrets пишет:
Чтоб делали без притч-то?))
Можно серьезно спросить? вы в самом деле видите в них пользу? В чем она заключается? Или это такая развлекуха?


Прошу прощения за вмешательство, не могу пройти мимо.

Одна из самых замечательных традиций - традиция передачи духовных знаний в притчах.
С помощю притч каждая традиция раскрывает для самых простых умов глубочайшие тайны своего учения.
Каждая притча - выражение духовного опыта множества жизней, она шифр духа.
Притча это алмаз, спрятанный в головке лука. Очевидное не является действительным; действительное совершенно иное.
Притча - это способ сказать некоторую истину потрясающей важности, но сказать так, чтобы даже ребенок мог понять ее, мог почувствовать, что понял. Что бы раскрыть притчу, требуется глубокое понимание. Ребенок может почувствовать, что он понял ее, и вместе с тем даже у очень зрелого человека может оставаться ощущение того, что все-таки что-то ускользает от него. Притча, и проста и очень сложна. На поверхности она - рассказ; внутри ее - тайна.
Притча понимается в соответствии с тем, кто слушает ее. Слушающий притчу понимает ее согласно себе. Если есть что-то внутри него, тогда притча проникнет к этому источнику и даст многое. Если ничего нет в нем, притча потеряется.
Если нет у вас основания, притча не раскроет вам источника силы - ведь тогда входит лукавый, и дъявол овладевает вами. Тогда более сильным становится эго, и вместо помощи вам причиняется вред.
Притча прекрасна: она дает вам ровно столько, сколько вы можете взять. Она никогда не дает вам больше. Но если вы готовы - или однажды будете готовы, - тогда она начинает давать вам больше, больше и больше.
La Belle Dame Sans Regrets 02.10.2016 07:17:52

0 0

Сахадин,
Мне не нравятся ваши притчи. Еще меньше - ваша претензия на понимание глубинной сути и якобы умение передать правду. Будьте любезны, сократите до нуля свои притчи или передавайте их любителям адресно.
La Belle Dame Sans Regrets 02.10.2016 07:24:02
С
Изменено: La Belle Dame Sans Regrets - 02.10.2016 15:03:19
Сахадин 02.10.2016 14:48:28
Сообщений: 5348
La Belle Dame Sans Regrets,
Руководствуясь менталитетом, предлагаю общаться на ты.

Для начала так сказать, познакомлю тебя поближе с автором данной темы.

Ольмезов, Мурадин Муссаевич

https://ru.wikipedia.org/wiki/%D0%9E%D0%BB%D1%8C%D0%BC%D0%B5%D0%B7%D0%BE%D0%B2,_%D0%9C%D1%83%D1%80%D0%B0%D0%B4%D0%B8%D0%BD_%D0%9C%D1%83%D1%81%D1%81%D0%B0%D0%B5%D0%B2%D0%B8%D1%87

Сомнений нет в том, что он человек творческий и наверняка знает, что делает.


Цитата
La Belle Dame Sans Regrets пишет:
Сахадин,
Мне не нравятся ваши притчи.

На форуме каждый читает то, что ему интересно, соответственно то, что ему не интересно не читает, не правда ли,) что для одних лабуда , другим нравится, тут спорить бессмысленно, как говорится на вкус и цвет все фломастеры разные.


Цитата
La Belle Dame Sans Regrets пишет:
Будьте любезны, сократите до нуля свои притчи или передавайте их любителям адресно.
Предоставьте, пожалуйста, адресный список любителей притч, буду в лички отсылать))


Все остальное нельзя комментировать, так как это не ты писала, вспышки неконтролируемого гнева как и огонь, имеет свойство затухать.

Кстати тебе вся музыка нравиться на форуме? Мне нет.
La Belle Dame Sans Regrets 02.10.2016 14:55:36
Цитата

Сахадин пишет:
La Belle Dame Sans Regrets,
Руководствуясь менталитетом, предлагаю общаться на ты.

Для начала так сказать, познакомлю тебя поближе с автором данной темы.

Ольмезов, Мурадин Муссаевич

https://ru.wikipedia.org/wiki/%D0%9E%D0%BB%D1%8C%D0%BC%D0%B5%D0%B7%D0%BE%D0%B2,_%D0%9C%D1%83%D1%80%D0%B0%D0%B4%D0%B8%D0%BD_%D0%9C%D1%83%D1%81%D1%81%D0%B0%D0%B5%D0%B2%D0%B8%D1%87

Сомнений нет в том, что он человек творческий и наверняка знает, что делает.


ЦитатаLa Belle Dame Sans Regrets пишет:
Сахадин,
Мне не нравятся ваши притчи.

На форуме каждый читает то, что ему интересно, соответственно то, что ему не интересно не читает, не правда ли,) что для одних лабуда , другим нравится, тут спорить бессмысленно, как говорится на вкус и цвет все фломастеры разные.


ЦитатаLa Belle Dame Sans Regrets пишет:
Будьте любезны, сократите до нуля свои притчи или передавайте их любителям адресно.
Предоставьте, пожалуйста, адресный список любителей притч, буду в лички отсылать))


Все остальное нельзя комментировать, так как это не ты писала, вспышки неконтролируемого гнева как и огонь, имеет свойство затухать.

Кстати тебе вся музыка нравиться на форуме? Мне нет.

А при чем тут музыка?

Хорошо, притчи будут второй темой на форуме, в которые я рекомендую себе не заходить
Сахадин 02.10.2016 15:06:32
Сообщений: 5348
Цитата
La Belle Dame Sans Regrets пишет:
А при чем тут музыка?
Музыка, стихи, притчи, афоризмы, басни, сказки... это все одно и тоже.

Цитата
La Belle Dame Sans Regrets пишет:
Хорошо, притчи будут второй темой на форуме, в которые я рекомендую себе не заходить
Тогда обращайся в администрацию форума с проектом о поправках в устав.)
La Belle Dame Sans Regrets 02.10.2016 15:11:12
Сахадин,
Да нет, кому-то ж может нравиться) я не так зациклена на форуме, чтоб его полностью под себя подгонять. Хаир болсун башхалагъа. Просто лично я М.Ольмезова точно не фанатка))
Сахадин 02.10.2016 15:19:10
Сообщений: 5348
Цитата
La Belle Dame Sans Regrets пишет:
Просто лично я М.Ольмезова точно не фанатка))


La Belle Dame Sans Regrets, ну и хорошо, он никому себя не навязывает ...))
elbars 05.10.2016 14:30:41
Сообщений: 1628
КЪОНГУРОУЧУКЪ


Ач бёрю, жыйылап айлана, узакъда къонгуроу тауушчукъ эшитгенди. Чабып тауушха барса - бойнунда къонгуроучукъ да жарыкъ зынгырдай, бир улакъчыкъ ойнакълай тура эди.
- Аха, мен сени ашайма! – деп къууаннганды бёрю
Улакъчыкъ бек къоркъгъанды, алай болгъан батырлыгъын жыйып, былай сёлешгенди:
- Да охо, алай мени ашардан алгъа, санга бир зат сорайым, хо дей эсенг? - дегенди улакъчыкъ.
- Терк сор, ачдан ёле турама! - дегенди бёрю, огъурамай.
- Бир улакъдан бла он улакъдан къайсын сайлайса? - деп соргъанды улакъ.
- Айхай, онусун! - деп кёзлерин жандыргъанды бёрю.
- Да сора къонгуроучугъуму ал да, аямай зынгырдат. Он къарындашым барды да, онусу да тауушха чабып жетерле.
Бёрю къонгуроучукъну сермеп алып, зынгырдатып башлагъанды.
Къойчу гузаба тауушну эшитип, тауушха чапханды.
- Къайда къарындашларынг?! - деп къыжырагъанды ач бёрю, тишлерин от чакъдыра.
- Жюйюсхан бёрю, аланы къанатлары жокъду, бир кесек тёз, - деп къаты макъыргъанды улакъчыкъ.
Улакъ алай айтыр-айтмаз, къойчу, жетип, бёрюню атханды да ёлтюргенди, терисин а тонлукъгъа сыдыргъанды.


КОЛОКОЛЬЧИК


Голодный Волк услышал вдалеке какой-то звон и, побежав туда, обнаружил маленького резвящегося Козленка с колокольчиком на шее.
Козленок очень испугался, но собрал всю свою храбрость и заговорил:
- Прежде чем ты меня съешь, хочу тебя спросить кое о чем, если ты позволишь.
- Спрашивай побыстрей, я умираю от голода! – ответил Волк.
- Что ты предпочтешь - одного козленка или десять козлят?
У Волка загорелись глаза.
- Конечно же, десять!
- Тогда возьми мой колокольчик и звони изо всех сил. У меня девять братишек, и они все сбегутся сюда.
Волк схватил колокольчик и начал звонить.
Услышав тревожный звон, пастух побежал в ту сторону.
- Ну, где же твои братишки? – нетерпеливо спросил Волк, клацая зубами.
- Господин Волк, у них нет крыльев, чтобы так быстро прилететь, потерпи немного, - бодро ответил Козленок.
К этому времени подоспел пастух. Он убил волка и содрал с него шкуру, чтобы сделать из нее тулуп.


elbars 17.10.2016 17:55:49
Сообщений: 1628
АСЛАН, МАЙМУЛ, СУРАХАЙ

Аслан кече марал тутханды да, аны терек тюбюнде шишлеп ашар акъыл этгенди. Терк окъуна отун жыйгъанды, сора чирик тюкгючден жылтырагъан жонгурчхачыкъла алып, ала бла от тамызырдан болгъанды.
Терекден къарап тургъан маймул:
- Жаныуарла патчахы, сен чирик жонгырчхачыкъла бла къалай от тамызыргъа дейсе, ала, жылтырагъан этгенликге, жылыу бермейдиле сора?! - дегенди.
Алай аслан тели маймулгъамы тынгыларыкъ эди, жылтырагъан жонгырчхачыкълагъа юфгюрюп башлагъанды.
Маймул асланнга жууукъ келип, акъыл юйретир мурат этгенди. Алайтын ётюп баргъан сурахай:
- Маймул, тели болма, аслан тутса, жыртып къояр да! – дегенди.
- Нек жырта эди, мен анга болушургъа кюрешеме сора, - деп, маймул жерге тюшгенлей, аслан аны тутуп жыртып къойгъанды.
- Хы, кимни ким болгъанын билмей, бир сёлешчи энди! - дей, кёл кенгдиргенди аслан. Алай чапыракъла тюбюнден уу жилян чыкъгъанды да, асланны уруп, ёлтюрюп къойгъанды. Сурахай а, маймул мыллыкга, аслан мылыкга да кезиу-кезиу къарай:
- Акъыл сёзге тынгыламагъанны арты былай болады, - деп, уллу-уллу атлай, жолуна кетгенди.


ЛЕВ, ОБЕЗЬЯНА, ЖИРАФ

Однажды Лев убил оленя, и собрался съесть его, изжарив на угольях. Он быстро насобирал дров и хотел развести огонь, используя для растопки светящиеся осиновые гнилушки.
Глядевшая на это с дерева Обезьяна сказала:
- Царь зверей, ты не сможешь так развести огонь, твои гнилушки не загорятся.
Но Льву ли слушаться глупую обезьяну? Он продолжал раздувать огонь.
Обезьяна решила спуститься пониже и объяснить Льву, что у него ничего не получится. Проходивший мимо Жираф сказал ей:
- Обезьяна, не будь глупой, Лев разорвет тебя, если поймает!
- Почему это он меня разорвет? Ведь я хочу помочь ему, - сказала Обезьяна, спускаясь на землю. В ту же минуту Лев поймал ее и растерзал со словами:
- Надо знать с кем и как разговаривать!
В это время из-под листьев выползла змея, укусила и убила Льва.
Жираф посмотрел на оба трупа и сказал:


- Так всегда бывает с теми, кто не слушается умных советов.
elbars 28.10.2016 18:45:45
Сообщений: 1628
ЖАУУН КЪУРТ

Жауун къурт сюркелип бара, ызындан келген биреуню кёргенди.
- Эй, жийиргенчли, ызымдан нек тагъылгъанса, жолунга бар! - деп хыны сёлешгенди къурт.
- Къайры баргъаным бла сени не ишинг барды? Жийиргенчли дей эсенг а, кесинге къара, - деп кюлгенди ызындан келген.
- Къара сен ол онгмазлыкъгъа! Ызымдан да тагъылып, босту да сен эт! - деп, къамасын суууруп алып, оспарны сермегенди да… элия ургъанча, ачы къычырыкъ этгенди.
Тели къурт уруп юздюргенден сора билгенди ызындан келген ёз къуйругъу болгъанын.



ЧЕРВЯК

Червяк полз по дороге и вдруг заметил, что за ним тоже кто-то ползет.
- Эй, что это за омерзительное существо преследует меня? – спросил он. - Оставь меня, ползи своей дорогой!
- Не твое дело, куда я ползу. А хочешь видеть омерзительное существо – посмотри на себя! – услышал он в ответ.
- Какая наглость! Увязался за мной и мне же грубит! – возмутился Червяк, вытащил свой кинжал, рубанул и… закричал от боли, пронзившей его, словно молния.


Глупый Червяк только тогда понял, что разговаривал с собственным хвостом!
elbars 12.11.2016 18:52:31
Сообщений: 1628
МАМУРАШЧЫКЪ БЛА БЁРЮ КЮЧЮКЧЮК

Мамурашчыкъ бла бёрю кючюкчюк, бара-бара, жолда эт юлюш тапхандыла.
- Эт юлюш мениди! - дегенди мамурашчыкъ, - аны мен тапханма.
- Угъай, мениди. Мен алгъа кёргенме! - дегенди бёрю кючюкчюк.
- Бош даулашма, мен тапханма! - дегенди мамурашчыкъ.
- Угъай, алгъа мен кёргенме! - дегенди бёрю кючюкчюк.
Экиси да даулаша тургъанлай, юслерине тюлкю келип къалгъанды.
- Не болгъанды, нек даулашасыз? - деп соргъанды тюлкю, омакъ къуйругъун булгъай.
Бёрю кючюк бла айыу бала эт юлюш ючюн даулаша тургъанларын айтхандыла.
- Балачыкъла, бош даулашмагъаз. Ол алай къыйын иш тюйюлдю. Сиз экисиз да? Экисиз! Этни да эки юлюш этерге керекди, - дегенди да, тюлкю этни эки айырып, экисие бергенди.
- Мени юлюшюм гитчеди! - деп ёпкелегенди бёрю кючюк.
- Алай ушайды, - деп, тюлкю мамурашны юлюшюнден къапханды.
- Энди мени юлюшюм гитче болду, - деп жилямсырагъанды мамырач.
- Хау, тюз айтаса, мамурач, - деп, тюлкю бёрю кючюкню юлюшюнден къапханды.
- Энди уа мени юлюшюм гитчеди.
- Бусагъат тенг этейим, - деп, тюлкю мамурачны юлюшюнден къапханды.
- Энди уа мени юлюшюм гитчеди! - дегенди айыучукъ.
Тюлкю, эт юлюшледен кезиу-кезиу къаба, аланы тауусханды да къойгъанды, бёрю кючюк бла мамурач а къурлай къалгъандыла.




МЕДВЕЖОНОК И ВОЛЧОНОК

Медвежонок и Волчонок нашли на дороге кусок мяса.
- Это мой кусок, - сказал Медвежонок, - я его нашел!
- Нет, мой! – возразил Волчонок, - я его первый заметил!
- Не спорь, я нашел! – сказал Медвежонок.
- Нет, я! – сказал Волчонок.
В это время к ним подошла Лиса.
- Что случилось, о чем спор? – спросила она, поигрывая пушистым хвостом.
Медвежонок и Волчонок рассказали ей, в чем дело.
- Детишки, перестаньте спорить. Ваш спор нетрудно разрешить. Вас сколько? Двое. Значит, и мясо надо поделить на два, - сказала Лиса, разорвала мясо надвое и дала каждому по куску.
- Моя доля меньше! – обиделся Волчонок.
- Да, действительно, - сказала Лиса и откусила от куска Медвежонка.
- Теперь моя доля стала меньше! – захныкал Медвежонок.
- Ты прав, Медвежонок, - сказала Лиса и откусила от куска Волчонка.
- А теперь моя доля стала меньше!
- Сейчас я их приравняю!
И Лиса опять откусила от куска Медвежонка.
- Опять моя доля меньше! – сказал Медвежонок.


Так, кусая по очереди от каждого куска, Лиса съела все мясо, а Медвежонок и Волчонок остались голодными.
Читают тему (гостей: 1)

Форум  Мобильный | Стационарный