Новый альбом
3 Февраля 2021
Фотографий - 5
| 6 Марта | 2021 года |
Навигация
- Аллахха ийнаннган кишини, Аллах онгдурур ишин.
- Намыс болмагъан джерде, насыб болмаз.
- Ашатыргъа иш – ашхы, ишлетирге аш – ашхы.
- Эртде тургъан джылкъычыны эркек аты тай табар.
- Таукел адам тау тешер.
- Чакъырылмай келген къонакъ сыйланмай кетер.
- Къызбайны юйюне дери сюрсенг, батыр болур.
- Юйюнгден чыкъдынг – кюнюнгден чыкъдынг.
- Келлик заман – къартлыкъ келтирир, кетген заман – джашлыкъ ёлтюрюр.
- Ишленмеген джаш – джюгенсиз ат, ишленмеген къыз – тузсуз хант.
- Ариу сёз аурууунгу алыр.
- Сабыр джетер муратха, сабырсыз къалыр уятха.
- Аурууну келиую тынч, кетиую – къыйын.
- Уллу айтханны этмеген – уллаймаз.
- Ёпкелегенни ашы татлы болады.
- Акъылсызны джууукъгъа алма, акъыллыны кенгнге салма.
- Халкъны джырын джырласанг, халкъ санга эжиу этер.
- Къыз тиширыу кеси юйюнде да къонакъды.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- От кюйдюрген, сау болса да, тот кюйдюрген, сау болмаз.
- Бозанг болмагъан джерге, къалагъынгы сукъма.
- Ышармагъан – кюлмез, кюлмеген – къууанчны билмез.
- Джюрекге ариу – кёзге да ариу.
- Уллу сёзде уят джокъ.
- Керек ташны ауурлугъу джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Ариу сёз – къылычдан джити.
- Къоркъакъны кёзю экили кёрюр.
- Юй кюйдю да, кюйюз чыкъды, ортасындан тюйюш чыкъды.
- Таш бла ургъанны, аш бла ур.
- Къарт бла баш аша, джаш бла аякъ аша.
- Нарт сёз къарт болмаз.
- Уллу суу бла уллу ауруудан башынгы сакъла.
- Ушамагъан – джукъмаз.
- Сууда джау джокъ, кёб сёзде магъана джокъ.
- Тыш элде солтан болгъандан эсе, кесинги элде олтан болгъан игиди!
- Кёлю джокъну – джолу джокъ.
- Накъырда – кертини келечиси.
- Азыкъ аз болса, эртде орун сал.
- Аманны эки битли тону болур, бирин сеннге кийдирир, бирин кеси киер.
- Ашхы атаны – джашы ашхы, ашхы ананы – къызы ашхы.
- Татлы тилде – сёз ариу, чемер къолда – иш ариу.
- Ата – баланы уясы.
- Джылкъыдан – ат чыгъар, тукъумдан – джаш чыгъар.
- Хар сёзню орну барды.
- Ишлемеген – тишлемез.
- Ана къойну – балагъа джандет.
- Юйюнг бла джау болгъандан эсе, элинг бла джау бол.
- Бал чибинни ургъаны – ачы, балы – татлы.
- Ач къарным, тынч къулагъым.
Фонд содействия развитию карачаево-балкарской молодежи «Эльбрусоид»
© 2003-2021 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: fond@elbrusoid.org - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
