Жаулукъ къысхан тиширыугъа
Сен баш иенги бийик сыйын,
Сюйюб жюрютесе тёппенгде!
Билесе, тюйюлдю ол къыйын,
Къалгъан эсе да бюгюн кенгде!
Таулу адетибизде жюрюйсе,
Таза да юлгю болуб кёблеге!
Сатыллыкъладан тюйюлсе,
Мода бла учмазса кёклеге!
Юйюр таматалы болду эсенг,
Жашай къууанчлы, сау – эсен!
Жаулукъну тешиб не излерсе?
Адетсизлик этиб неге тюберсе?
Табыладыла соруулагъа жуабла,
«Жашаудан къалабыз биз артха,
Омакъланмасакъ жашлыкъда,
Чёгъеж болурбуз къартлыкъда!
Шёндю ким къысады жаулукъну,
Керексиз тарлыкъны, ауурлукъну?
Чачларыбызны да букъдурады -
«Причёскам» а талай минг турады!
Майна, ариу жашау эте билгенле,
Дуния насыбын чекгенле, кёргенле!
Жаулукъну телиликге санайдыла,
Жазыкъсыныб, алай къарайдыла!
Угъай, бу бар жолла ачылгъанда,
Европпалы мода чакъыргъанда!
Къарангылыкъгъа батыб къалмакъ,
Быстыр кесекге бир да абынмакъ!»
Бу бар акъылланы сюзмегенинге,
Тыш динлилеге эришмегенинге!
Аллах бар муратларынгы берсин!
Насыб къадарынга къучакъ керсин!
Сейирди, жарсыулуду! Бюгюнлюкде, тиширыуланы кёбюсю жаулукъ къысхан адетни затха да санамай къойгъандыла! Баш иелери болгъанла, кеслерин анга кёре жюрютмейдиле! Жаулукъ неди? Биринчиден, ол юй бийчени юйюр таматасына сыйыды, тюзю ол юйюр таматаны сыйыды, юйдегиси анга берген намысыды! Сора шёндю бар ол бегимге сыйынмагъан тиширыуланы баш иелери сыйсызмыдыла? Юйдегиси этмеген намысны,ол бермеген сыйны ким берликди? Айтыргъа болурла, жаулукъ неди, мен аны жаулукъсуз сыйлайма, жаулукъну магъанасы жокъду деб! Нени да сакъларгъа боллукъду! Ангыланмазчады, бусагъатда эрге чыкъгъан тиширыу бла юйде къызны къалай айырыргъа боллукъду?! ЖАУЛУКЪ - ол кёбюнде ЮЙЮР ТАМАТАМ БАРДЫ деген белгиди, белгисизге уа къайсы жаш да лакъырда да этер! Керексиз къайгъыла неге изленедиле?! Кёбле "мени баш ием эркин этгенди жаулукъну тешерге" дейдиле, да сюйсе этсин, сюйсе этмесин, сени ызынгдан кютюб айланырыкъ тюйюлдю да бу, анга сорургъа бир жетген эсенг, аны эркинлигинд да кёбге излемезсе! Мен бар бу къайгъыны этиб башласам,башым къатышады,ангылаялгъан да этмейме кёбюсюн!
Алайды да, жамауат, сизни бу жумушну юсю бла акъылыгъыз къалайды???