Возможно раньше кто-то другой исполнял... но тем не менее... Алим Газаев... Наверное называется "Кёчкюнчюлюк"
Алан, Бахсан сууну халкъны ызындан анача сарнагъанын, кёргенмисе?
От жагъалары суууп къалгъан иесиз юйлеге уа киргенмисе?
О жашауну айланч-къыланч жоллары,
Сиз халкъымы къайры алып барасыз?
Анга неден да багъалы таулары,
Аны аладан айырып не табасыз?
Сегизинчи мартда, танг аласында,
Халкъны тар ырбыннга тыйдыла,
Сабий, къарт демей, халкъны барысында,
Машиналагъа жыйдыла.
Тау къушла кибик, ёхтем таулу жашла,
Урушда къазауат этедиле,
Узакъда къалып къабырла, сын ташла,
Халкъымы уа къайры элтедиле?
Терслигибиз болмай алып барадыла,
Къайры элтгенлерин билмейбиз,
Къар тауларыбыз узакъда къаладыла,
Биз ышармайбыз, кюлмейбиз.
Таулада къалгъан итлени юргенлери,
Жюрек ажаууму ашайды,
Саууллукъ ийнеклени ёкюргенлери,
Къыяма айланнганнга ушайды.
Биз хариплени, алып а барадыла,
Вагонла шынжырча тизилип,
Жолда атылгъанлай кепле къаладыла,
Жашау ёмюрлери юзюлюп.
Къабырларын ёксюз къоймазла таулула,
Эртде, кеч болсада, къайтырла.
Адамлыкъларын...жоймазла таулула,
Терслеге таулары айтырла.
Тюзлюк терсликни, кюйсюзлюкню хорлап,
Халкъ туугъан жерге ашыгъып жетеди...
Акъсакъал къартла жерлерин тансыкълап...
Аны тобукъланып уппа этедиле...
Халкъымы шууулдап тургъан юйлери...
Бюгюн къобуз, къарс тауушдан толгъанды...
Ата-бабаладан къалгъан жерлери...
Ол бюгюн жангыдан къууат алгъанды...