Энди менд бир кесекчик жазайым) Тауча жазаргъа биркесек къыйынракъ болуп къалды нек эседа, алай, мында тауча жазмай жазарыкъ болмаз дейме)
Ёзден адетни китабын мен Эльбада тилеп, юйге окъургъа алгъанма, игиракъ билирча, танышхан этерча, биттеу анда жазылгъан затла бла. Кертисин айтханда, ма, биз ол кюн жыйылгъанда да айтылгъанеди ол. Ненча кере ачып окъусанг да сен ол китапны, хар заманда кесинге бир жангы зат ачаса. Андагъы болгъан хар нарт сёзню да тюрлю тюрлю жанындан ангыларгъа боллукьду, не кёп сагъыш этсенг да, аллай бир тюрлю тюрлю сагъыш келип турукъду эсинге.
Мен сизге айтыргъа сюйгеним, юйде кесинг олтуруп окъугъан да бек игиди, алай, ма былай жыйылып барыбызда бирге, олтуруп, окъуп, кесибизни сагъышларыбызны эм кесибизни хар бир затны да къалай ангылагъаныбызны бир бирге айтып, хапар айтсах, ол андан да аламат болады.
Былай ушакъ эте, окъугъанны кёп иги жаны барды.
Биринчиден, кесинги эсинге келмеген сагъышланы, эм ангылауланы эшитирге боллукъду.
Экинчиден, кесинг бир затны ангыламай къалгъан зат болса, хапар айта, сорургъа да боллукъду, эм тынгыларгъа бирсилени сагъышларына, андан сора ангылап, кесинг да тюрлю тюрлю жанындан сагъыш этип башлайса.
Ючюнчюден, кертисин айтсан, былай, кесинг да ангыламай тругъанлай, сени бла бирге олтургъан адамланы игиракъ танып башлайса. Сеийр зат) Сагъыш этеседа, ма была сени нёгерлеринг, шуёхларынг, сен аланы билесе, алай, биз хар кюнден да олтуруп быллай терен затланы юсюнден хапар айтмайбызда?) Ол да бек аламатды)
Бу жыйылуубузда, Азинат кеси да айтды, не затланы юсюнден хапар айтъаныбызны, къайтарып турмайым) Мен бек жаратханма бизни тюбешиубюзню. Кесим жаратхан, эм эсимде къояргъа сюйген бир къауум затны да жаздым, кесиме тас этип, унутп къоймазча) Алай болмай а?) Бек сюйюп олтурдум, тынгыладым, кесим да бир къауум кере сагъышларымы айтдым, ангыламагъанымы ангылагъанма, кёп керекли зат билдим)
(ма бек эс бёлюб тынгылайма)
Энта былай жыйыла жыйыла турурча бек сюеригем) Сау болугъуз быллай аламат дерсни ётдюргенигиз ючюн)))
P.s. халатларым да, бир кёп болурла, кечерсиз мени) Школ замандан бери жазмагъанма мен быллай бир тауча