Конкурсная работа
в рамках празднования 10-летия
Фонда «Содействие развитию карачаево-балкарской молодежи «Эльбрусоид»
Ученицы 7 класса
Мусуковой Халимат Хадисовны
Номинация «Стихотворение»
Руководитель: Карчаева Халимат Жекерьяевна
Жаша, жашна, «Эльбрусоид»!
Миллетинги ауарасы –
Сени тынгысызлыгъынг.
Аны тамблагъы кюню –
Сени бюгюнден жарсыуунг.
Шам Къарачайны, уллу Малкъарны
Ийнагъы болгъанса сен.
Таулу къызланы, жашланы
Бирикдирген акъыл тёрюсе сен.
Миллетни акъылманларын
Терк оноугъа жыяса.
Аланы насийхат сёзлерин
Халкъны аллына чыгъараса.
Къарыусузну жакълайса,
Ёксюзню башын сылайса,
Къартлагъа таянчакъ боласа,
Тиширыугъа баш ураса.
Озгъан ёмюрлени кюйлерин
Жаш тёлюге танытаса.
Бюгюн этер ишлерин,
Эрикмей, ангылатаса.
Сен бар къадарда мен жарсымам,
Миллет жолундан ажашыр деп.
Сен саулукъдан ашхы адам
Халкъгъа юлгю болмай къалыр деп.
Мен ийнанама: Минги тау атлы деуюбюз
Халкъны бир этерлигине.
Мен ышанама: узакъ жылланы
Жол кёргюзтген жулдуз болуп кетерлигине.
Жаша, жашна, халкъ ийнагъы, Эльбрусоид!
Ашхы умутларынг толсунла!
Адамларынг сюйгенлерича
Иги умутла эте турсунла!