Кесигизни сынаргъа сюйген бар эсегиз ол сорууланы сизге да берейик:
Иеси ? мен, жюрютген ? эл...
Бисмиляхий десенг, башын ташха урур...
Бир къолдан турмаз, санаудан тоймаз...
Кеси алгъа туугъан нарт эди, кезиулешип юйдегиленнгенде арт эди...
Бир кючюгюм барды да, ашамайды, ичмейди, юйге киши иймейди...
Дунияда эм уллу байлыкъ неди?
(д.а.к.)
Дагъыда бир къауум соруу:
Малкъар литератураны мурдорун ким салгъанды?
Къарачай-малкъар тилни ненча кесеги барды? Ала къайсыладыла?
Хант къангабызда эм сыйлы жер?
Большая медведица деген къауум жулдузну аты уа къалай болур бизни тилде?
Энтта аллай бир соруу, дагъыда къарачай-малкъар тилде, сабийлеге аталып бир журнал чыгъады, атын а билемисиз аны?
Сабанчылыкъ бла байламлы эртте заманладан келген халкъ байрамыбыз...
...кюндю аны атасы, айды аны тапхан татлы анасы...
Эл бир ишни юсюне жыйылып болушхан адет...
Къабарты-Малкъарда "Совет Союзну Жигити" деген атны биринчи болуп алгъан махтаулу лётчик...
Сагъыш этип, билирча соруула (манга да ким эсе да соруп эсимде къалгъандыла)... Сиз а къалай жууап этерик эдигиз алагъа:
Календарьда не ай жокъду?
Кюн чыкъгъанны бла кюн батханны арасы ненчакюнлюк жолду?
Жолгъа чыкъгъан жолоучуну мураты-умуту не болады?
Суу къалайда къургъакъ кёрюнеди?
Къууандыргъан неди десегиз, сабийле, устазла да бизни Фондну этген иши бла шагъырейдиле, журналыбыз библиотекаларында бар, жангы жомакъла бла киноларына чыгъар-чыкъмаз келип, жаздырып къарап турадыла.
Къашхатауда 6-чы классны окъуучулары, бизни кёргенлей биринчи соруулары: "Къаллай бир заман барлыкъды жомакъ"-, деп соргъандыла. "Да..Бир...Эки сагъат"- деген жууап, аланы къууандырмагъан эди, нек дегенде, физ-ра дерс боллукъ тюйюл деп... Ызы бла: "Yes, русский да боллукъ тюйюлдю!"- деп, разы болдула.
Жомакъдан эсимде бир магъаналы сёзле къалгъандыла:
Озгъан ? унутулгъанды, боллукъ ? белгисизди, бусагъат ? саугъады... Бюгюнгю кюнюбюзню Аллах къызгъанмасын!