- Ётюрюкден тюбю джокъ, кёлтюрюрге джиби джокъ.
- Булут кёкге джарашыу, уят бетге джарашыу.
- Ашлыкъ – бюртюкден, джюн – тюкден.
- Махтаннган къыз, тойда джукълар.
- Тюкюрюк баш джармаз, налат кёз чыгъармаз!
- Адамны аты башхача, акъылы да башхады.
- Айырылгъанланы айю ашар, бёлюннгенлени бёрю ашар.
- Бети бедерден, намыс сакълама.
- Босагъа таш юйге кирмей эди, тыбыр таш эшикге чыкъмай эди.
- Эркишини аманы тиширыуну джылатыр.
- Джаз бир кюнню джатсанг, къыш талай кюнню абынырса.
- Ач бёрюге мекям джокъ.
- Сибиртки да сыйлы болду, кюрек да кюнлю болду.
- Джол бла сёзню къыйыры джокъ.
- Къазанда болса, чолпугъа чыгъар.
- Ауурну тюбю бла, дженгилни башы бла джюрюген.
- Уллу сёлешме да, уллу къаб.
- Акъылсызны джууукъгъа алма, акъыллыны кенгнге салма.
- Халкъгъа джарагъан, джарлы къалмаз.
- Мадар болса, къадар болур.
- Кютгени беш эчки, сызгъыргъаны уа, джерни джарады.
- Олтуруб кёрюнмей эди да, ёрге туруб кёрюне эди.
- Телиге от эт десенг, юйюнге от салыр.
- Къатыны харакетли болса, эри къымсыз болур.
- Ауузу бла къуш тута айланады.
- Эринчекни аурууу – кёб.
- Чабакъгъа акъыл, табагъа тюшсе келеди.
- Аллахха ийнаннган кишини, Аллах онгдурур ишин.
- Болджал ишни бёрю ашар.
- Ач да бол, токъ да бол – намысынга бек бол.
- Къан бла кирген, джан бла чыгъар.
- Эртде тургъан джылкъычыны эркек аты тай табар.
- Эл ауузу – элия.
- Ойнай билмеген, уруб къачар.
- Келгинчи, къонакъ уялыр, келгенден сора, къонакъбай уялыр.
- Байлыкъ келсе, акъыл кетер.
- Аллахдан тилесенг, кёб тиле.
- Ауругъаннга – кийик саулукъ, джетген къызгъа – чилле джаулукъ.
- Чыбыкълыкъда бюгюлмеген, къазыкълыкъда бюгюлмей эди.
- Адамны сабийин сюйген джюреги, бычакъча, джитиди.
- Къая джолда джортма, ачыкъ сёзден къоркъма.
- Ханнга да келеди хариблик.
- Аджал соруб келмез, келсе, къайтыб кетмез.
- Рысхы – насыбха къор.
- Тойгъан антын унутур.
- Эли джокъну – кёлю джокъ.
- Аманнга алтын чыдамаз.
- Сёз – кюмюш, джыр – алтын.
- Келлик заман – къартлыкъ келтирир, кетген заман – джашлыкъ ёлтюрюр.
- Тынгылагъан тынгы бузар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72