- Къарт болгъан джерде, берекет болур, сабий болгъан джерде, оюн болур.
- Айныгъанлы алты кюн, тогъайгъанлы тогъуз кюн.
- Кийимни бичсенг, кенг бич, тар этген къыйын тюлдю.
- Къанны къан бла джуума, аманны аман бла къуума.
- Рысхы джалгъанды: келген да этер, кетген да этер.
- Суу ичген шауданынга тюкюрме.
- Ишленмеген джаш – джюгенсиз ат, ишленмеген къыз – тузсуз хант.
- Тыш элде солтан болгъандан эсе, кесинги элде олтан болгъан игиди!
- Ауругъанны сау билмез, ач къарынны токъ билмез.
- Тойчу джашха къарама, къойчу джашха къара.
- Чабакъсыз кёлге къармакъ салгъанлыкъгъа, чабакъ тутмазса.
- Окъуусуз билим – джокъ, билимсиз кюнюнг – джокъ.
- Элде адам къалмаса, ит тахтагъа минер.
- Аманнга игилик этсенг, юйюнге сау бармазса.
- Эшекге миннген – биринчи айыб, андан джыгъылгъан – экинчи айыб.
- Арбаз къынгырды да, ийнек сауалмайма.
- Билими азны – ауузунда кирит.
- Кёл – къызбай, къол – батыр.
- Шапа кёб болса, аш татымсыз болур.
- Садакъачыны джаны – къапчыгъында.
- Ауругъаннга – кийик саулукъ, джетген къызгъа – чилле джаулукъ.
- Эринчекни эр алмаз, эр алса да, кёл салмаз, кёл салса да, кёб бармаз!
- Джарашыу сюйген – джалынчакъ.
- Кюл тюбюндеги от кёрюнмейди.
- Къалгъан ишге къар джауар.
- Байма, деб да, къууанма, джарлыма, деб да, джылама.
- Сакъ юйюне сау барыр.
- Джан саулукъ бермей, сан саулукъ бермезсе.
- Ойнай билмеген, оюн бузар.
- Джогъун бар этген, барын бал этген.
- Джылыгъа джылан илешир.
- Игиге айтсанг – билир, аманнга айтсанг – кюлюр.
- Биреу ашаб къутулур, биреу джалаб тутулур.
- Эркишини аманы тиширыуну джылатыр.
- Ойнай-ойнай кёз чыгъар.
- Адеби болмагъан къыз – тузсуз хант.
- Адам боллукъ, атламындан белгили болур.
- Киштикге къанат битсе, чыпчыкъ къалмаз эди.
- Ашын ашагъанынгы, башын да сыйла.
- Аджашхан тёгерек айланыр.
- Аллахха ийнаннган кишини, Аллах онгдурур ишин.
- Уллу суу бла уллу ауруудан башынгы сакъла.
- Уясында не кёрсе, учханында аны этер.
- Хар ишни да аллы къыйынды.
- От кюйдюрген, сау болса да, тот кюйдюрген, сау болмаз.
- Аджаллыгъа окъсуз шкок атылыр.
- Кёз – сюйген джерде, къол – ауругъан джерде.
- Таукел тауну аудурур.
- Дуния мал дунияда къалады.
- Тил джюрекге джол ишлейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72