- Тил джюрекге джол ишлейди.
- Ариу сёз джыланны орнундан чыгъарыр.
- «Ма», - дегенни билмесенг, «бер», - дегенни билмезсе.
- Ач къалгъандан, кеч къалгъан къолай.
- Гугурук къычырмаса да, тангны атары къалмаз.
- Эл ауузу – элек, анга ийнаннган – халек.
- Ёзденликни джайгъан – джокълукъ.
- Билим – акъылны чырагъы.
- Экеулен сёлеше тура эселе, орталарына барыб кирме.
- Сабыр джетер муратха, сабырсыз къалыр уятха.
- Ёлген аслан – сау чычхан.
- Аз айтсам, кёб ангылагъыз.
- Кёзден кетген, кёлден да кетеди.
- Тилчи бир сагъатха айлыкъ хата этер.
- Дженгил джетерикме деб, узун джолну къоюб, къысхасын барма.
- Джылыгъа джылан илешир.
- Кёзю сокъурдан – къоркъма, кёлю сокъурдан – къоркъ.
- Адамны аты башхача, акъылы да башхады.
- Арбаз къынгырды да, ийнек сауалмайма.
- Адамгъа аман кюн соруб келмейди.
- Байны къызы баймакъ болса да, юйде къалмаз!
- Мураты болгъанны джюрек тебюую башхады.
- Дууулдаса – бал чибин, къонса – къара чибин.
- Джиби бир къат джетмей эди да, эки къат тарта эди.
- Джарлы тюеге минсе да, ит къабар.
- Тешигини къатында, чычхан да батыр болур.
- Аманнга да, игиге да оноусуз къатышма.
- Аш берме да, къаш бер.
- Байлыкъ адамны сокъур этер.
- Ётюрюкчюню шагъаты – къатында.
- Эртде тургъан бла эртде юйленнген сокъуранмаз.
- Чомарт къонакъ юй иесин сыйлар.
- Айтхан – тынч, этген – къыйын.
- Билими азны – ауузунда кирит.
- Кюн – узун, ёмюр – къысха.
- Адам къыйынлыгъын кёлтюрюр, зауукълугъун кёлтюрмез.
- Аууз сакълагъан – джан сакълар.
- Ач уят къоймаз.
- Аман къатын сабий табса, бий болур…
- Нарт сёз – тилни бети.
- Арыгъан къош чамчы болур.
- Къазанчы аман болса, къазаны къайнамаз.
- Бал – татлы, балдан да бала – татлы.
- Къонагъы джокъну – шоху джокъ.
- Джаным-тиним – окъуу, билим.
- Тиширыусуз юй – отсуз от джагъа.
- Акъыл бла адеб эгизледиле.
- Окъугъанны бети джарыкъ.
- Тойгъан антын унутур.
- Ауузу аманнга «иги», деме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72