- Джашны джигитлиги сорулур, къызны джигерлиги сорулур.
- Ётюрюк хапар аякъ тюбю бла джюрюйдю.
- Махтаннган къыз, тойда джукълар.
- Ёлюк кебинсиз къалмаз.
- Кийим тукъум сордурур.
- Къонагъы джокъну – шоху джокъ.
- Адам къыйынлыгъын кёлтюрюр, зауукълугъун кёлтюрмез.
- Таукелге нюр джауар.
- Тойгъанлыкъ къойгъа джарашады.
- Тёрени джагъы джокъ.
- Аман къатын алгъан, арыр, иги къатын алгъан джарыр.
- Атынг аманнга чыкъгъандан эсе, джанынг тамагъынгдан чыкъсын.
- Байлыкъ болгъан джерде, тынчлыкъ джокъду.
- Тили узунну, намысы – къысха.
- Айырылгъанланы айю ашар, бёлюннгенлени бёрю ашар.
- Тюзню ётмеги тюзде къалса да, тас болмаз.
- От кюйдюрген, сау болса да, тот кюйдюрген, сау болмаз.
- Ач да бол, токъ да бол – намысынга бек бол.
- Кютгени беш эчки, сызгъыргъаны уа, джерни джарады.
- Кесине гебен этелмеген, биреуге черен эте эди.
- Эшекни не къадар тюйсенг да, ат болмаз.
- Акъыл аздырмаз, билим тоздурмаз.
- Джырчы джырчыгъа – къарнаш.
- Эки элинги тыйсанг, джети элде махталырса.
- Нарт сёз къарт болмаз.
- Къар – келтирди, суу – элтди.
- Хар адамгъа кеси миннген тау кибик.
- Джюрекден джюрекге джол барды.
- Акъыл къартда, джашда тюйюлдю – башдады.
- Таш бла ургъанны, аш бла ур.
- Чомартха хар кюн да байрамды.
- Гыдай эчки суугъа къараб, мюйюзле кёрмесе, джашма алкъын, дегенди.
- Къулакъдан эсе, кёзге ышан.
- Ауузу аманнга «иги», деме.
- Билим къая тешер.
- Чабакъ башындан чирийди.
- Душманны тышы – акъ, ичи – къара.
- Биреуню тёрюнден, кесинги эшик артынг игиди.
- Эл бла кёргенинг эрелей.
- Аманнга игилик этсенг, юйюнге сау бармазса.
- Эринчекни эр алмаз, эр алса да, кёл салмаз, кёл салса да, кёб бармаз!
- Сёз сёзню айтдырыр.
- Кёпюр салгъан кеси ётер, уру къазгъан кеси кетер.
- Бет бетге къараса, бет да джерге къарар.
- Къаллай салам берсенг, аллай джууаб алырса.
- Джангызны оту джарыкъ джанмаз!
- Чомарт бергенин айтмаз.
- Джангыз терек къынгыр ёсер.
- Тешик этген тынчды, аны джамагъан къыйынды.
- Онгсузну – джакъла, тенгликни – сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72