- Адам къаллай бир ишленмесе, аллай бир кесин уллу кёреди.
- Джашда акъыл джокъ, къартда къарыу джокъ.
- Кеси юйюмде мен да ханма.
- Къарнынг къанлынга кийирир.
- Ач отунчуну ачыуу – бурнунда.
- Таш ата билмеген, башына урур.
- Къайгъыны сюйген, къайгъы табар.
- Кюлме джашха – келир башха.
- Айтылгъан буйрукъ, сёгюлмез
- Бастасын ашагъан, хантусун да ичер.
- Айранны сюйген, ийнек тутар.
- Джаханимни кёрмей, джандетге кёл салмазса.
- Хаухну атма, ёнгкючню сатма.
- Ачылгъан эт джабылыр, кёрген кёз унутмаз.
- Джолунга кёре – джюрюшюнг, джагъанга кёре – юлюшюнг.
- Байма, деб да, къууанма, джарлыма, деб да, джылама.
- Нафысынгы айтханын этме, намысынгы айтханын эт.
- Керек ташны ауурлугъу джокъ.
- Чакъырылмай келген къонакъ сыйланмай кетер.
- Келинин тута билмеген, къул этер, къызын тута билмеген, тул этер.
- Итли къонакъ джарашмаз.
- Билеги кючлю, бирни джыгъар, билими кючлю, мингни джыгъар.
- Джюз элде джюз ёгюзюм болгъандан эсе, джюз джууугъум болсун.
- Ёлген эшек бёрюден къоркъмайды.
- Джол бла сёзню къыйыры джокъ.
- Ана – юйню кюн джарыгъы.
- Билими азны – ауузунда кирит.
- Алтыда кюлмеген, алтмышда кюлмез.
- Элиб деген, элге болушур.
- Башсыз урчукъ тюзюне айланмаз.
- Тешигини къатында, чычхан да батыр болур.
- Арпа, будай – ащды, алтын, кюмюш а – ташды.
- Урунуу – насыбны анасы.
- Ойнай-ойнай кёз чыгъар.
- Азыкълы ат арымаз, къатыны аман джарымаз.
- Ауузу аманнга «иги», деме.
- Татлы тилде – сёз ариу, чемер къолда – иш ариу.
- Уллу суу бла уллу ауруудан башынгы сакъла.
- Ушамагъан – джукъмаз.
- Джумушакъ сёз къаты таякъны сындырыр.
- Атлыны ашхысы, ат тизгининден билинир
- Айран тёгюлсе, джугъусу къалыр.
- Келинни – келгинчи, бёркню кийгинчи кёр.
- Къобан да къуру да къобханлай турмайды, адам да къуру да патчахлай турмайды.
- Ёгюзню мюйюзлери ауурлукъ этмейдиле.
- Сёз къанатсыз учар.
- Аман къатын алгъан, арыр, иги къатын алгъан джарыр.
- Ач – эснер, ат – кишнер.
- Джашны джигитлиги сорулур, къызны джигерлиги сорулур.
- Ариу сёз аурууунгу алыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72