- Къралынгы – душмандан, башынгы от бла суудан сакъла.
- Таукел адам тау тешер.
- Джангыз торгъай джырламаз.
- Аш иеси бла татлыды.
- Минг тенг да азды, бир джау да кёбдю.
- Эр абынмай, эл танымаз.
- Мал кёб болса, джууукъ кёб болур.
- Эркиши – от, тиширыу – суу.
- Къарт айтханны этмеген, къартаймаз.
- Халкъны джырын джырласанг, халкъ санга эжиу этер.
- Адамны сыфатына къарама, сёзюне къара.
- Сабыр джетер муратха, сабырсыз къалыр уятха.
- Сууда джау джокъ, кёб сёзде магъана джокъ.
- Суу ичген шауданынга тюкюрме.
- Ариуну – ауруу кёб.
- Зар адам ашынгы ашар, кесинги сатар.
- Ашыкъгъанны этеги бутуна чырмалыр.
- Къазанны башы ачыкъ болса, итге уят керекди.
- Билмегенинги, билгеннге сор.
- Махтаннган къыз, тойда джукълар.
- Къонакъ аз олтурур, кёб сынар.
- Билим ат болуб да чабар, къуш болуб да учар.
- Къанны къан бла джуума, аманны аман бла къуума.
- Билмезни кёзю кёрмез, этмезни къулагъы эшитмез.
- Артына баргъанны, къатына барма.
- Тыш элде солтан болгъандан эсе, кесинги элде олтан болгъан игиди!
- Чабакъгъа акъыл, табагъа тюшсе келеди.
- Ашда – бёрю, ишде – ёлю.
- Башланнган иш битер, къымылдагъан тиш тюшер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тай асырагъан, атха минер.
- Садакъачыны джаны – къапчыгъында.
- Адамны джюреги нени кёрюрге сюйсе, кёзю да аны кёрюрге ёч болады.
- Кийимни бир кюнню аясанг, минг кюннге джарар.
- Окъуу – билимни ачхычы, окъуу – дунияны бачхычы.
- Игилик игилик бла сингдирилиучю затды.
- Аман адамны тепсинге олтуртсанг, къызынгы тилер.
- Эшекге миннген – биринчи айыб, андан джыгъылгъан – экинчи айыб.
- Ишленмеген джаш – джюгенсиз ат, ишленмеген къыз – тузсуз хант.
- Юре билмеген ит, къонакъ келтирир.
- Ариу сёз джыланны орнундан чыгъарыр.
- Къобан да къуру да къобханлай турмайды, адам да къуру да патчахлай турмайды.
- Баш – акъыл ючюн, акъылман – халкъ ючюн.
- Уллу къазанда бишген эт, чий къалмаз.
- Къуру гыбыт бек дыгъырдар.
- Айтхан сёзюне табылгъан.
- Чоюнну башы ачыкъ болса, итге уят керекди.
- Къошда джокъгъа – юлюш джокъ.
- Эки элинги тыйсанг, джети элде махталырса.
- Кёрмегеннге кебек – танг, битмегеннге сакъал – танг.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72