- Аман къатын алгъан, арыр, иги къатын алгъан джарыр.
- Ушамагъан – джукъмаз.
- Ишин билген, аны сыйын чыгъарады.
- Тешик этген тынчды, аны джамагъан къыйынды.
- Ач келгенни – тойдур, кеч келгенни – къондур.
- Аджаллыгъа окъсуз шкок атылыр.
- Кёб къычыргъандан – къоркъма, тынч олтургъандан – къоркъ.
- Бети – къучакълар, джюреги – бычакълар.
- Мураты болгъанны джюрек тебюую башхады.
- Зарда марда джокъ.
- Адамны аманы адамны бети бла ойнар.
- Окъугъан – асыу, окъумагъан – джарсыу.
- Тик ёргени, тик энгишгеси да болады.
- Билим – акъылны чырагъы.
- Гырджын – тепсини тамадасы.
- Баланы адам этген анады.
- Къатыны харакетли болса, эри къымсыз болур.
- Адам боллукъ, атламындан белгили болур.
- Хунаны тюбюн къазсанг, юсюнге ауар.
- Уллу сёлешме да, уллу къаб.
- Асхат ашлыкъ сата, юйдегиси ачдан къата.
- Къызын тута билмеген, тул этер, джашын тута билмеген, къул этер.
- Къулакъдан эсе, кёзге ышан.
- Билмегенинги, билгеннге сор.
- Ышармагъан – кюлмез, кюлмеген – къууанчны билмез.
- Ишни ахырын ойламай, аллын башлама.
- Келлик заман – къартлыкъ келтирир, кетген заман – джашлыкъ ёлтюрюр.
- Бозанг болмагъан джерге, къалагъынгы сукъма.
- Ишлегенде эринме, ишде чолакъ кёрюнме.
- Аз сёлешген, къайгъысыз турур.
- Къая джолда джортма, ачыкъ сёзден къоркъма.
- Къанны къан бла джуума, аманны аман бла къуума.
- Билим ат болуб да чабар, къуш болуб да учар.
- Акъыллы эркиши атын махтар, акъылсыз эркиши къатынын махтар.
- Иги сеники эсе да, сюйген кесимикин этеме.
- Таш бла ургъанны, аш бла ур.
- Босагъагъа джууукъ орун болса, ашыгъыб тёрге озма.
- Илму – джашауну джолу.
- Ашхы адам – халкъ байлыгъы, ашхы джер – джашау байлыгъы.
- Юре билмеген ит, къонакъ келтирир.
- Итли къонакъ джарашмаз.
- Бетинги сатма, малынгы сат.
- Ашлыкъ – бюртюкден, джюн – тюкден.
- Кёб джат да, бек чаб.
- Тил – кесген бычакъ, сёз – атылгъан окъ.
- Къонакъны къачан кетерин сорма, къачан келлигин сор.
- Къар – келтирди, суу – элтди.
- Ачылгъан эт джабылыр, кёрген кёз унутмаз.
- Айран ичген – къутулду, джугъусун джалагъан – тутулду.
- Тойгъандан сора, ашны сёкме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72