Эльбрусоид :: Форум :: Архив форумов

Бал ашаргъа сюе эсенг, чибин ургъаннга тёз.
Джумушакъ сёз къаты таякъны сындырыр.
Джырчы ёлсе, джыры къалыр.
Таякъ этден ётер, тил сюекден ётер.
Гырджын – тепсини тамадасы.
Эр абынмай, эл танымаз.
Сабийликде юретмесенг, уллу болса – тюзелмез.
Ауругъан – джашаудан умутчу.
Ётюрюкню башын керти кесер.
Адам сёзге тынгыла, акъыл сёзню ангыла.
Джыланны къуйругъундан басарынг келсе, аны башы болгъанын унутма.
Билеги кючлю, бирни джыгъар, билими кючлю, мингни джыгъар.
Къолу уллу – асыу, аягъы уллу – джарсыу.
Эл элде бирер малынг болгъандан эсе, бирер тенгинг болсун.
Кюн кёрмеген, кюн кёрсе, кюндюз чыракъ джандырыр.
Акъыллы эркиши атын махтар, акъылсыз эркиши къатынын махтар.
Ётген ёмюр – акъгъан суу.
Джеринден айырылгъан – джети джылар, джуртундан айырылгъан – ёлгюнчю джылар.
Рысхысына кёре, джаш ёсер, къышлыгъына кёре, мал ёсер.
Элни кючю – эмеген.
Бозаны арты дауур болур.
Сескекли кесин билдирир.
Сютню башын джалагъан къутулур, тюбюн ичген тутулур.
Ёлген эшек бёрюден къоркъмайды.
Тай асырагъан, атха минер.
Къралынгы – душмандан, башынгы от бла суудан сакъла.
Тёгюлген тюгел джыйылмайды.
Сютден ауузу кюйген, суугъа юфгюре эди.
Бичгенде ашыкъма, тикгенде ашыкъ.
Ким бла джюрюсенг, аны кёзю бла кёрюнюрсе.
Чомарт джарлы болмаз.
Юреннген ауруу къалмаз.
Чыкълы кюнде чыкъмагъан, чыкъса къуру кирмеген.
Билмезни кёзю кёрмез, этмезни къулагъы эшитмез.
Чарсда алчыны эл кёреди.
Чакъырылмагъан къонакъ – орунсуз.
Ушамагъан – джукъмаз.
Суугъа – таянма, джаугъа – ийнанма.
Джолунга кёре – джюрюшюнг, джагъанга кёре – юлюшюнг.
Урама да – ёледи, сатама да – келеди.
Накъырда – кертини келечиси.
Дуния малгъа сатылма, кесингден телиге къатылма.
Джети тилни билген джети кишиди.
Сыфатында болмагъаны, суратында болмаз.
Эринчекни аурууу – кёб.
Тилде сюек болмаса да, сюек сындырыр.
Болджал ишни бёрю ашар.
Сабий болмагъан джерде, мёлек болмаз.
Акъыл аздырмаз, билим тоздурмаз.
Къызны минг тилер, бир алыр.

Логин:
Пароль:
	Запомнить меня на этом компьютере

Забыли свой пароль?
Регистрация