- Ана къойну – балагъа джандет.
- Кесине оноу эте билмеген, халкъына да эте билмез.
- Джерни букъусу кёкге къонмаз.
- Тилчи тилден къаныкъмаз.
- Уллу атлама – абынырса, уллу къабма – къарылырса.
- Ишин билген, аны сыйын чыгъарады.
- Соргъан айыб тюлдю, билмеген айыбды.
- Миллетни бойну – базыкъ, аны бла кюрешген – джазыкъ.
- Тойчу джашха къарама, къойчу джашха къара.
- Баш – акъыл ючюн, акъылман – халкъ ючюн.
- Къарыусузгъа кюлме, онгсузгъа тийме.
- Тюзлюк шохлукъну бегитир.
- Ётюрюк хапар аякъ тюбю бла джюрюйдю.
- Ата джурт – алтын бешик.
- Эрни эр этерик да, къара джер этерик да, тиширыуду.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Терслик кетер, тюзлюк джетер.
- Эр абынмай, эл танымаз.
- Чакъырылгъанны аты, чакъырылмагъанны багъасы болур.
- Ариу сёз джыланны орнундан чыгъарыр.
- Кёбню кёрген – кёб билир.
- Джукъу тёшек сайламайды.
- Джыгъылгъанны сырты джерден тоймаз.
- Эртде тургъан джылкъычыны эркек аты тай табар.
- Гырджын – тепсини тамадасы.
- Берекет берсин деген джерде, берекет болур.
- Таукел адам тау тешер.
- Биреуге аманлыкъ этиб, кесинге игилик табмазса.
- Джаханимни кёрмей, джандетге кёл салмазса.
- Ата – билек, ана – джюрек!
- Телиге от эт десенг, юйюнге от салыр.
- Тура эдим джата, къайдан чыкъды хата?
- Хантына кёре тузу, юйюне кёре къызы.
- Адам сёзге тынгыла, акъыл сёзню ангыла.
- Мени джылытмагъан кюн, меннге тиймесин!
- Джырына кёре эжиую.
- Ач къарынны, токъ билмез
- Къарт болгъан джерде, берекет болур, сабий болгъан джерде, оюн болур.
- Ач къалгъандан, кеч къалгъан къолай.
- Джаз бир кюнню джатсанг, къыш талай кюнню абынырса.
- Киштикге къанат битсе, чыпчыкъ къалмаз эди.
- Ётюрюкден тюбю джокъ, кёлтюрюрге джиби джокъ.
- Тойгъан джерден туугъан джер игиди.
- Аллахдан тилесенг, кёб тиле.
- Аманны къуугъан, аманлыкъ табар.
- Ашарыкъда сайлагъаннга – чий гырджын.
- Иги сёз – джаннга азыкъ, аман сёз башха – къазыкъ.
- Джарлыны тону джаз битер.
- Ашхы адам – халкъ байлыгъы, ашхы джер – джашау байлыгъы.
- Чомартха хар кюн да байрамды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72