- Ханнга да келеди хариблик.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ач къарынны, токъ билмез
- Ашарыкъда сайлагъаннга – чий гырджын.
- Хар сёзню орну барды.
- Чабакъгъа акъыл, табагъа тюшсе келеди.
- Аман адам элни бир-бирине джау этер.
- Къайгъы тюбю – тенгиз.
- Къонагъы джокъну – шоху джокъ.
- Аджашханны ызындагъы кёреди, джангылгъанны джанындагъы биледи.
- Къатыны харакетли болса, эри къымсыз болур.
- Хазыр ашха – терен къашыкъ.
- Ётюрюк хапар аякъ тюбю бла джюрюйдю.
- Къарнынг тойгъунчу аша да, белинг талгъынчы ишле.
- Къарын къуру болса, джюрек уру болур.
- Иги адамны бир сёзю эки болмаз.
- Эркишиге тары кебек танг кёрюнюр.
- Аман хансны – урлугъу кёб.
- Тойгъандан сора, ашны сёкме.
- Аш кетер да бет къалыр.
- Кёлсюзден сёзсюз тууар.
- Айныгъанлы алты кюн, тогъайгъанлы тогъуз кюн.
- Ауругъанны сау билмез, ач къарынны токъ билмез.
- Чомарт къонакъ юй иесин сыйлар.
- Эринчекге кюн узун.
- От этилмеген джерден тютюн чыкъмайды.
- Эртде тургъан бла эртде юйленнген сокъуранмаз.
- Тешик этген тынчды, аны джамагъан къыйынды.
- Этек чакъмакълары баш джаргъан, сёлешген сёзлери таш джаргъан.
- Кёбге таш атма.
- Иши джокъну, сыйы джокъ.
- Эте билген, этген этеди, эте билмеген, юретген этеди!
- Тилчи бир сагъатха айлыкъ хата этер.
- Махтаннган къыз, тойда джукълар.
- Зар адам ашынгы ашар, кесинги сатар.
- Кийим тукъум сордурур.
- Билими азны – ауузунда кирит.
- Суу кетер, таш къалыр.
- Джан саулукъ бермей, сан саулукъ бермезсе.
- Ашхы – джыяр, аман – джояр.
- Хар зат кесини орнуна иги.
- Сангырау къулакъ эл бузар.
- Баланы адам этген анады.
- Иги – алгъыш этер, аман – къаргъыш этер.
- Ата Джуртуму башы болмасам да, босагъасында ташы болайым.
- Таукелге нюр джауар.
- Эки итни арасына сюек атма, эки адамны арасында сёз чыгъарма.
- Уллу къашыкъ эрин джыртар.
- Этим кетсе да, сюегим къалыр.
- Кесине оноу эте билмеген, халкъына да эте билмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72