- Биреуню тёрюнден, кесинги эшик артынг игиди.
- Акъдан къара болмаз.
- Кеси юйюмде мен да ханма.
- Олтуруб кёрюнмей эди да, ёрге туруб кёрюне эди.
- Бал – татлы, балдан да бала – татлы.
- Эски джаугъа ышанма.
- Джиби бир къат джетмей эди да, эки къат тарта эди.
- Мухар, кеси тойса да, кёзю тоймаз.
- Тойну къарнашы – харс, джырны къарнашы – эжиу.
- Къайгъыны сюйген, къайгъы табар.
- Сагъышы джокъ – джукъучу, акъылы джокъ – къаугъачы.
- Къазанчы аман болса, къазаны къайнамаз.
- Иги адамны бир сёзю эки болмаз.
- Сёз садакъдан кючлюдю.
- Джаралыны джастыгъында сау ёлюр.
- Къанны къан бла джуума, аманны аман бла къуума.
- Аман хансны – урлугъу кёб.
- Ауузу бла къуш тута айланады.
- Бек ашыкъгъан меннге джетсин, дегенди аракъы.
- Кесине оноу эте билмеген, халкъына да эте билмез.
- Эрине къаргъыш этген къатын, эрнин къабар.
- Сабий болмагъан джерде, мёлек болмаз.
- Къатын къылыкъсыз, эр тынчлыкъсыз.
- Атынг аманнга чыкъгъандан эсе, джанынг тамагъынгдан чыкъсын.
- Чоюнну башы ачыкъ болса, итге уят керекди.
- Тил бла келеди джыр да.
- Чыкълы кюнде чыкъмагъан, чыкъса къуру кирмеген.
- Ашхылыкъ джерде джатмайды, аманлыкъ суугъа батмайды.
- Аджашхан тёгерек айланыр.
- Аманнга да, игиге да оноусуз къатышма.
- Эл ауузу – элия.
- Кёз – сюйген джерде, къол – ауругъан джерде.
- Арбаз къынгырды да, ийнек сауалмайма.
- Таугъа чыгъаллыкъ эсенг, тюзде къалма.
- Харам къарнашдан, халал тенг ашхы.
- Юйлю уругъа ит чабмаз.
- Тай асырагъан, атха минер.
- Окъ къызбайны джокълайды.
- Хата – гитчеден.
- Мени джылытмагъан кюн, меннге тиймесин!
- Адам къаллай бир ишленмесе, аллай бир кесин уллу кёреди.
- Суу ичген шауданынга тюкюрме.
- Чомарт бергенин айтмаз.
- Хунаны тюбюн къазсанг, юсюнге ауар.
- Этек чакъмакълары баш джаргъан, сёлешген сёзлери таш джаргъан.
- Эли джокъну – кёлю джокъ.
- Билим насыб берир, билим джолну керир.
- Джангызны оту джарыкъ джанмаз!
- Ашхы сёз таш тешер.
- Айыбны суу бла джууалмазса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72