- Ашхы сёз таш тешер.
- Чакъырылмагъан къонакъ – орунсуз.
- Хата – гитчеден.
- Джыйырма къойну юч джыйырма эбзе кюте эди.
- Ата джурт – алтын бешик.
- Джангыз торгъай джырламаз.
- Ачлыкъда тары гырджын халыуадан татлы.
- Къоркъакъны кёзю экили кёрюр.
- Дуния мал дунияда къалады.
- Къызны минг тилер, бир алыр.
- Аманны къуугъан, аманлыкъ табар.
- Биреуню къыйынлыгъы бла кесинге джол ишлеме.
- Ач да бол, токъ да бол – намысынга бек бол.
- Адамны аты башхача, акъылы да башхады.
- Аурууну келиую тынч, кетиую – къыйын.
- Аллахха ийнаннган кишини, Аллах онгдурур ишин.
- Бозаны арты дауур болур.
- Ёгюзню мюйюзюнден тутадыла, адамны сёзюнден тутадыла.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Суу ичген шауданынга тюкюрме.
- Олтуруб кёрюнмей эди да, ёрге туруб кёрюне эди.
- Кёлсюзден сёзсюз тууар.
- Ётюрюкню къуйругъу – бир тутум.
- Арба аугъандан сора, джол кёргюзтюучю кёб болур.
- Къонакъ аз олтурур, кёб сынар.
- Айран тёгюлсе, джугъусу къалыр.
- Халкъны джырын джырласанг, халкъ санга эжиу этер.
- Душманны тышы – акъ, ичи – къара.
- Эртде тургъан джылкъычыны эркек аты тай табар.
- Окъугъан озар, окъумагъан тозар.
- Акъыллы эркиши атын махтар, акъылсыз эркиши къатынын махтар.
- Мухардан ач ычхынмаз.
- Асхат ашлыкъ сата, юйдегиси ачдан къата.
- Эм уллу байлыкъ – джан саулукъ.
- Аш иеси бла татлыды.
- Эм ашхы къайын ана мамукъ бла башынгы тешер.
- Адамны сыфатына къарама, сёзюне къара.
- Джиби бир къат джетмей эди да, эки къат тарта эди.
- Рысхысына кёре, джаш ёсер, къышлыгъына кёре, мал ёсер.
- Аджашхан тёгерек айланыр.
- Таш бла ургъанны, аш бла ур.
- Минг тенг да азды, бир джау да кёбдю.
- Ёнгкюч къууана барыр, джылай келир.
- Рысхы – насыбха къор.
- Бети къызарыучу адамны, джюреги харам болмаз.
- Кечеси – аяз, кюню – къыш, джарлы къаргъагъа бир аш тюш!
- Айран ичген – къутулду, джугъусун джалагъан – тутулду.
- Аман адам этегингден тутса, кес да къач.
- Ат басханны джер билед.
- Сабий болмагъан джерде, мёлек болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72