- Сёз садакъдан кючлюдю.
- Къумурсхала джыйылсала, пилни да джыгъадыла.
- Тилчи тилден къаныкъмаз.
- Джыйырма къойну юч джыйырма эбзе кюте эди.
- Бичгенде ашыкъма, тикгенде ашыкъ.
- Таугъа чыгъаллыкъ эсенг, тюзде къалма.
- Халкъны джырын джырласанг, халкъ санга эжиу этер.
- Аман къатын сабий табса, бий болур…
- Ишин билген, аны сыйын чыгъарады.
- Джаханимни кёрмей, джандетге кёл салмазса.
- Тас болгъан бычакъны сабы – алтын.
- Нёгер болсанг, тенг бол, тенг болмасанг, кенг бол.
- Ауузу аманнга «иги», деме.
- Ёпкелегенни ашы татлы болады.
- Ёлюр джаннга, ёкюл джокъ.
- Джигер – джаннга къыйынлыкъ.
- Джашлыкъ этмеген, башлыкъ этмез.
- Баланы адам этген анады.
- Чакъырылмагъан джерге барма, чакъырылгъан джерден къалма.
- Къызын тута билмеген, тул этер, джашын тута билмеген, къул этер.
- Билеги кючлю, бирни джыгъар, билими кючлю, мингни джыгъар.
- Уруну арты – къуру.
- Иги – алгъыш этер, аман – къаргъыш этер.
- Кютгени беш эчки, сызгъыргъаны уа, джерни джарады.
- Кёбню кёрген – кёб билир.
- Ашхы – джыяр, аман – джояр.
- Ётген ёмюр – акъгъан суу.
- Эл ауузу – элек, анга ийнаннган – халек.
- Ач къалгъандан, кеч къалгъан къолай.
- Рысхы джалгъанды: келген да этер, кетген да этер.
- Намыс болмагъан джерде, насыб болмаз.
- Ач отунчуну ачыуу – бурнунда.
- Хаухну атма, ёнгкючню сатма.
- Этни бети бла шорпасы.
- Чарсда алчыны эл кёреди.
- Гугук кесини атын айтыб къычыргъанча, мен, мен деб нек тураса?
- Тешигини къатында, чычхан да батыр болур.
- Арбаз къынгырды да, ийнек сауалмайма.
- Къошда джокъгъа – юлюш джокъ.
- Сууда джау джокъ, кёб сёзде магъана джокъ.
- Тил бла келеди джыр да.
- Айтхан – тынч, этген – къыйын.
- Кёпюр салгъан кеси ётер, уру къазгъан кеси кетер.
- Байлыкъ келсе, акъыл кетер.
- Тамырсыз терекге таянма – джыгъылырса.
- Сёз сёзню айтдырыр.
- Ариу сёз аурууунгу алыр.
- Иесиз малны бёрю ашар.
- Иги джашны ышаны – аз сёлешиб, кёб тынгылар.
- Ёлген аслан – сау чычхан.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72