- Аджал соруб келмез, келсе, къайтыб кетмез.
- Кийиминг бла танылма, адамлыкъ бла таныл.
- Адеби болмагъан къыз – тузсуз хант.
- Ойнай-ойнай кёз чыгъар.
- Билмейме деген – бир сёз
- Къызын тута билмеген, тул этер, джашын тута билмеген, къул этер.
- Тау башында, тау болмаз, джангыз терек, бау болмаз.
- Чакъырылгъанны аты, чакъырылмагъанны багъасы болур.
- Сабий кёргенин унутмаз.
- От этилмеген джерден тютюн чыкъмайды.
- Кесинг сынамагъан затны, адамгъа буюрма.
- Хунаны тюбюн къазсанг, юсюнге ауар.
- Нёгерсизни джолу узун.
- Терслик кетер, тюзлюк джетер.
- Билмегенинги, билгеннге сор.
- Къонакъ аман болса, къонакъбай джунчур
- Къошда джокъгъа – юлюш джокъ.
- Къуру гыбыт бек дыгъырдар.
- Адам боллукъ, атламындан белгили болур.
- Дууулдаса – бал чибин, къонса – къара чибин.
- Ата – баланы уясы.
- Арпа, будай – ащды, алтын, кюмюш а – ташды.
- Ашатыргъа иш – ашхы, ишлетирге аш – ашхы.
- Джаш болсун, къыз болсун, акъылы, саны тюз болсун.
- Уллу атлама – абынырса, уллу къабма – къарылырса.
- Эки элинги тыйсанг, джети элде махталырса.
- Сютден ауузу кюйген, суугъа юфгюре эди.
- Ёксюзню къалачы уллу кёрюнюр.
- Айранын берсенг, челегин да къызгъанма.
- Зарда марда джокъ.
- Рысхысына кёре, джаш ёсер, къышлыгъына кёре, мал ёсер.
- Ач къарынны, токъ билмез
- Акъыллы айтыр эди, акъылсыз къоймайды.
- Джашынгы кесинг юретмесенг, джашау юретир.
- Туз, гырджын аша, тюзлюк бла джаша.
- Шекер бла туз – бир болмаз, ушамагъан – юй болмаз.
- Эл тойса, тоймагъан, эл къойса, къоймагъан.
- Булут кёкге джарашыу, уят бетге джарашыу.
- Кёзню ачылгъаны – иги, ауузну джабылгъаны – иги.
- Ачны эсинде – аш.
- Сакъламагъан затынга джолукъсанг, не бек къууанаса, не бек ачыйса.
- Бети къызарыучу адамны, джюреги харам болмаз.
- Рысхы – насыбха къор.
- Ач келгенни – тойдур, кеч келгенни – къондур.
- Окъугъан – асыу, окъумагъан – джарсыу.
- Келинин тута билмеген, къул этер, къызын тута билмеген, тул этер.
- Эринчекни эр алмаз, эр алса да, кёл салмаз, кёл салса да, кёб бармаз!
- Къумурсхала джыйылсала, пилни да джыгъадыла.
- Хоншуну тауугъу къаз кёрюнюр, келини къыз кёрюнюр.
- Ашын ашагъанынгы, башын да сыйла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72