- Тойгъанлыкъ къойгъа джарашады.
- Чабар ат – джетген къыз.
- Ёпкелегенни ашы татлы болады.
- Ашхы сёз таш тешер.
- Сууда джау джокъ, кёб сёзде магъана джокъ.
- Адамны адамлыгъы къыйынлыкъда айгъакъланады.
- Ашына кёре табагъы, балына кёре къалагъы.
- Керилген да, ургъан кибикди.
- Къанны къан бла джуума, аманны аман бла къуума.
- Бир абыннган – минг сюрюнюр.
- Бал – татлы, балдан да бала – татлы.
- Сормай – алма, чакъырылмай – барма.
- Къызбайны юйюне дери сюрсенг, батыр болур.
- Тойчу джашха къарама, къойчу джашха къара.
- Баргъанынга кёре болур келгенинг.
- Айтылгъан буйрукъ, сёгюлмез
- Кирсизни – саны таза, халалны – къаны таза.
- Ариу джол аджал келтирмез.
- Агъач – джерни чырайы, кийим – эрни чырайы.
- Тёрде – темир таякълы, къаяда – чыпчыкъ аякълы.
- Хар сёзню орну барды.
- Иги – алгъыш этер, аман – къаргъыш этер.
- Къарт бла баш аша, джаш бла аякъ аша.
- Алма терегинден кери кетмез.
- Ач уят къоймаз.
- Джолда аягъынга сакъ бол, ушакъда тилинге сакъ бол.
- Атлыны ашхысы, ат тизгининден билинир
- Кёлсюзден сёзсюз тууар.
- Сыфатында болмагъаны, суратында болмаз.
- Мал тутхан – май джалар.
- Бозаны арты дауур болур.
- Аман хансны – урлугъу кёб.
- Джыланны къуйругъундан басарынг келсе, аны башы болгъанын унутма.
- Ауругъаннга – кийик саулукъ, джетген къызгъа – чилле джаулукъ.
- Джиби бир къат джетмей эди да, эки къат тарта эди.
- Къартны сыйын кёрмеген, къартлыгъында сыйлы болмаз.
- Билеги кючлю, бирни джыгъар, билими кючлю, мингни джыгъар.
- Джумушакъ сёз къаты таякъны сындырыр.
- Аманны тукъумуна къарама, игини тукъумун сорма.
- Келинин тута билмеген, къул этер, къызын тута билмеген, тул этер.
- Акъыллы – эл иеси, тели – эл баласы.
- Тил бла келеди джыр да.
- Адамгъа аман кюн соруб келмейди.
- Ишге юренсин къоллары, халкъ бла болсун джоллары.
- Аманнга игилик этсенг, юйюнге сау бармазса.
- Тюкюрюк баш джармаз, налат кёз чыгъармаз!
- Берекет берсин деген джерде, берекет болур.
- Тёзген – тёш ашар!
- Иги адамны бир сёзю эки болмаз.
- Ишленмеген джаш – джюгенсиз ат, ишленмеген къыз – тузсуз хант.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72