- Ана къолу ачытмаз.
- Джол бла сёзню къыйыры джокъ.
- Ариу сёз аурууунгу алыр.
- Кеси юйюмде мен да ханма.
- Мен да «сен», дейме, сен да «кесим», дейсе.
- Джаралыны джастыгъында сау ёлюр.
- Нёгерсизни джолу узун.
- Насыб бютеу халкъны юлюшюдю.
- Кечеси – аяз, кюню – къыш, джарлы къаргъагъа бир аш тюш!
- Кирсизни – саны таза, халалны – къаны таза.
- Къонагъынгы артмагъын алма да, алгъышын ал.
- Келинин тута билмеген, къул этер, къызын тута билмеген, тул этер.
- Эл бла кёргенинг эрелей.
- Эртде тургъан бла эртде юйленнген сокъуранмаз.
- Гугук кесини атын айтыб къычыргъанча, мен, мен деб нек тураса?
- Джаш къарыу бла кючлю, къарт акъыл бла кючлю.
- Чакъырылмагъан къонакъ – орунсуз.
- Къайтырыкъ эшигинги, къаты уруб чыкъма.
- Ашха уста, юйюнде болсун
- Иги джашны ышаны – аз сёлешиб, кёб тынгылар.
- Сабийни джумушха джибер да, ызындан бар.
- Джангыз торгъай джырламаз.
- Джети тилни билген джети кишиди.
- Биреуню эскиси биреуге джангы болмайды.
- Аллахдан тилесенг, кёб тиле.
- Ойнай-ойнай кёз чыгъар.
- Ишге юренсин къоллары, халкъ бла болсун джоллары.
- Ёксюзню къалачы уллу кёрюнюр.
- Чакъырылгъанны аты, чакъырылмагъанны багъасы болур.
- Юйюнгден чыкъдынг – кюнюнгден чыкъдынг.
- Эки ойлашыб, бир сёлешген.
- Ашхы атаны – джашы ашхы, ашхы ананы – къызы ашхы.
- Хансыз джомакъ болмаз.
- Къайгъыны сюйген, къайгъы табар.
- Билим ат болуб да чабар, къуш болуб да учар.
- Акъылсызны джууукъгъа алма, акъыллыны кенгнге салма.
- Тёгюлген тюгел джыйылмайды.
- Акъыллы айтыр эди, акъылсыз къоймайды.
- Аман киши кеси юйюнде – къонакъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Адеби болмагъан къыз – тузсуз хант.
- Ашлыкъны арба юйге келтирир, чана базаргъа элтир.
- Ариу сёз джыланны орнундан чыгъарыр.
- Агъач халкъгъа алтынды, иссиликге салкъынды.
- Къайгъы тюбю – тенгиз.
- Джангызны оту джарыкъ джанмаз!
- Ичимден чыкъды хата, къайры барайым сата?
- Джахил болса анасы, не билликди баласы?
- Адамны аты башхача, акъылы да башхады.
- Билмегенинги, билгеннге сор.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72