- Игиге айтсанг – билир, аманнга айтсанг – кюлюр.
- Билмейме деген – бир сёз
- Эл ауузу – элия.
- Нёгерсизни джолу узун.
- Тулпарлыкъ, билекден тюл – джюрекден.
- Сабий кёргенин унутмаз.
- Сууда джау джокъ, кёб сёзде магъана джокъ.
- Ашаса, ашамаса да, бёрюню ауузу – къан.
- Юй кюйдю да, кюйюз чыкъды, ортасындан тюйюш чыкъды.
- Рысхы – насыбха къор.
- Окъ къызбайны джокълайды.
- Сакъ юйюне сау барыр.
- Мал кёб болса, джууукъ кёб болур.
- Джахил болса анасы, не билликди баласы?
- Аджашханны ызындагъы кёреди, джангылгъанны джанындагъы биледи.
- Эте билген, этген этеди, эте билмеген, юретген этеди!
- Ышармагъан – кюлмез, кюлмеген – къууанчны билмез.
- Башы ишлегенни, ауузу да ишлер.
- Къыйынлы джети элге оноу этер.
- Тиширыусуз юй – отсуз от джагъа.
- Ётюрюк хапар аякъ тюбю бла джюрюйдю.
- Ёлюк кебинсиз къалмаз.
- Ойнай билмеген, оюн бузар.
- Ашхы болсанг, атынг чыгъар, аман болсанг, джанынг чыгъар.
- Тура эдим джата, къайдан чыкъды хата?
- Билеги кючлю, бирни джыгъар, билими кючлю, мингни джыгъар.
- Эл ауузу – элек, анга ийнаннган – халек.
- Чомарт бергенин айтмаз.
- Джырына кёре эжиую.
- Бетинги сатма, малынгы сат.
- Кюл тюбюндеги от кёрюнмейди.
- Къартны сыйын кёрмеген, къартлыгъында сыйлы болмаз.
- Ёлюр джаннга, ёкюл джокъ.
- Къолунгдан къуймакъ ашатсанг да, атаны борчундан къутулмазса.
- Къозулугъунда тоймагъан, къойлугъунда тоймаз.
- Кёб къычыргъандан – къоркъма, тынч олтургъандан – къоркъ.
- Ат басханны джер билед.
- Ашыкъгъан cуу, тенгизге джетмез.
- Биреуню тёрюнден, кесинги эшик артынг игиди.
- Аман хансны – урлугъу кёб.
- Хар адамгъа кеси миннген тау кибик.
- Акъылсызны джууукъгъа алма, акъыллыны кенгнге салма.
- Иги сеники эсе да, сюйген кесимикин этеме.
- Джыйырма къойну юч джыйырма эбзе кюте эди.
- Джарлыны тону джаз битер.
- Ана кёлю – балада, бала кёлю – талада.
- Тойгъан антын унутур.
- Эркишини аманы тиширыуну джылатыр.
- Сабийликде юретмесенг, уллу болса – тюзелмез.
- Нарт сёз – тилни бети.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72