- Къазанчы аман болса, къазаны къайнамаз.
- Башда акъыл болмаса, эки аякъгъа кюч джетер.
- Иги сёз – джаннга азыкъ, аман сёз башха – къазыкъ.
- Ашда – бёрю, ишде – ёлю.
- Халкъны юйю – туугъан джери.
- Окъдан джара эртде-кеч болса да бителир, сёз джара, ёмюрге къалыр.
- Ауузу аманнга «иги», деме.
- Олтуруб кёрюнмей эди да, ёрге туруб кёрюне эди.
- Билим ат болуб да чабар, къуш болуб да учар.
- Атадан ёксюз – бир ёксюз, анадан ёксюз – эки ёксюз.
- Чакъырылмай келген къонакъ сыйланмай кетер.
- Юй ишлеген балта эшикде къалыр.
- Иги адам абынса да, джангылмаз.
- Аманнга алтын чыдамаз.
- Ариу сёз – къылычдан джити.
- Башынга джетмегенни сорма.
- Соргъан айыб тюлдю, билмеген айыбды.
- Кёбге таш атма.
- Таш ата билмеген, башына урур.
- Аджашханны ызындагъы кёреди, джангылгъанны джанындагъы биледи.
- Азыкъ аз болса, эртде орун сал.
- Сангырау къулакъ эл бузар.
- Акъыл неден да кючлюдю.
- Тойгъа барсанг, тоюб бар, эски тонунгу къоюб бар.
- Кюлме джашха – келир башха.
- Суугъа – чабакъ, къаягъа – ыргъакъ.
- Джыланны къуйругъундан басарынг келсе, аны башы болгъанын унутма.
- Аш хазыр болса, иш харам болур.
- Айырылгъанланы айю ашар, бёлюннгенлени бёрю ашар.
- Тёзгеннге, джабылгъан эшик ачылыр.
- Ауругъаннга – кийик саулукъ, джетген къызгъа – чилле джаулукъ.
- Ашхы болсанг, атынг чыгъар, аман болсанг, джанынг чыгъар.
- Чабар ат – джетген къыз.
- Ёксюзню къалачы уллу кёрюнюр.
- Хар адамгъа кеси миннген тау кибик.
- Тешигини къатында, чычхан да батыр болур.
- Чёбню кёлтюрсенг, тюбюнден сёз чыгъар.
- Къонакъны къачан кетерин сорма, къачан келлигин сор.
- Чомартха Тейри да борчлуду.
- Ышармагъан – кюлмез, кюлмеген – къууанчны билмез.
- Башы ишлегенни, ауузу да ишлер.
- Ачыу алгъа келсе, акъыл артха къалады.
- Азыкълы ат арымаз, къатыны аман джарымаз.
- Джигер – джаннга къыйынлыкъ.
- Этим кетсе да, сюегим къалыр.
- Телиге от эт десенг, юйюнге от салыр.
- Къатыны харакетли болса, эри къымсыз болур.
- Ханнга да келеди хариблик.
- Тёзген – тёш ашар!
- Биреуню эскиси биреуге джангы болмайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72